கவனிக்கிறோமா..? கதை கட்டுகிறோமா..?

"கவனிக்கிறோம்" – என்னும் பெயரில் ஊடக கண்காணிப்பு இணையப் பக்கத்தை சில முற்போக்காளர்களும் அறிவுஜீவிகளும் இணைந்து சில மாதங்களுக்கு முன்பு தொடங்கினர்.

http://gavanikkirom.blogspot.in/

முதல் பதிவிலேயே இதன் நோக்கம் குறித்தும் செயல்பாடுகள் குறித்தும் அதன் ஒருங்கிணைப்பாளர்களில் ஒருவரும், மூத்த பத்திரிகையாளரும் சமூகத்தின் மீது அக்கறை கொண்டவருமாகிய எழுத்தாளர் ஞாநி சுருக்கமாகப் பதிவு செய்திருந்தார்.அது இதுதான்.

ஆனால் இதன் சில பதிவுகள் இந்த நோக்கத்திற்கு முரண்பட்டு இருப்பதை நாம் அறிய முடியும்.எடுத்துக்காட்டாய் ஒன்றைப் பார்க்கலாம்.

http://gavanikkirom.blogspot.in/2012/09/blog-post.html

சிங்கள பயணிகள் தமிழ்நாட்டில் அடித்து விரட்டப்பட்டதை எந்த ஊடகமும் ஆதரிக்கவில்லை.செய்தியாக மட்டும் பதிவு செய்திருந்தன.ஆனால் தி ஹிந்து,தினமணி மட்டும் அதற்கு கண்டனம் தெரிவித்தனர்.அவர்களைப் பாராட்டும் பதிவு தான் மேலே சொல்லப்பட்டது. 

இந்த ”அறிவார்ந்த” பதிவை எழுதியவர் மீனா என்பவர்.இவர் திருவண்ணாமலையில் வசிக்கும் பள்ளி ஆசிரியர்.அ.மார்க்ஸ் அவர்களின் சிஷ்யர்.

தி ஹிந்து, தினமணி தெரிவித்துள்ள கண்டனத்திற்கு பின்னான அரசியல் வேறு என்பது அரசியலில் பாலபாடம் கற்ற சிறு குழந்தைக்கும் கூடத் தெரியும்.

உலக அரசியலில் இருந்து உள்ளூர் அரசியல் வரை கரைத்துக் குடித்த அ.மார்க்ஸ் அவர்களுக்கும் அவர்களது சிஷ்யகோடிகளுக்கும் தெரியாததல்ல..!

http://www.dinamani.com/edition/story.aspx?&SectionName=Editorial&artid=655164&SectionID=132&MainSectionID=132&SEO=&Title=)%E0%AE%8E%E0%AE%A9%E0%AF%8D%E0%AE%B1


ஆனாலும் பாராட்டு..!

**** 

அப்படிப்பாராட்டும் அளவுக்கு தினமணி ’சிறப்பாக’ என்ன எழுதியிருக்கிறது தெரியுமா..?

அதில் ஒரு சிறுபத்தியை எடுத்துக் காட்டுகிறோம்.

சுருக்கமாகச் சொன்னால் எப்படியும் தமிழ் மீனவன் செத்துப் போவது உறுதி.அப்படிச் செத்துப் போறவன் இந்தியனிடம் பயிற்சி பெற்ற சிங்களனால் செத்துப் போவது பெருமையல்லவா..! என்று  பெருமை பொங்க எழுதியிருக்கிறது.

நமக்கு இதைக் கண்டால் ஆத்திரம் வருகிறது.

கவனிக்கிறோம் குழுவினருக்கோ பாராட்டத் தோன்றுகிறது.

*****

இந்தப் பாராட்டிற்குப் பின்னான கவனிக்கிறோம் குழுவினரின் அல்லது அதில் ஆதிக்கம் செலுத்துபவர்களின் ’உள்நோக்கம்’ உங்களுக்குத் தெரியாததல்ல.

மேலும் இந்தக் கட்டுரையைப் படித்துப் பாருங்கள்.824 வார்த்தைகள் கொண்ட பதிவில் முதல் 630 வார்த்தைகள் பதிவிற்குத் தொடர்பற்று உள்ளது.

மேலே கூறியுள்ளபடி என்று தொடங்கும் இடத்திலிருந்து தான் கட்டுரையாளரின் பதிவு தலைப்பிற்குத் தொடர்பாக உள்ளது.அதற்கு மேல் உள்ளவை எல்லாம் கட்டுரையாளரின் அரசியல் எண்ணத்தையும் அவரது விருப்பத்தையும் பறை சாற்றுவதாக உள்ளது.தங்கள் தனிப்பட்ட அரசியல் விருப்பு வெறுப்பிற்காக எழுத வேண்டுமானால் தனிப்பதிவு எழுதலாமே..!

முதல் பதிவில் ஞாநி சொல்லியிருந்தாரே..!

அதற்கு முற்று முழுதிலும் முரணாக உள்ளது.என்ன நோக்கத்திற்காக ஆரம்பிக்கப்பட்டதோ அதை விடுத்து சிலரின் தனிப்பட்ட அரசியல் விருப்பு வெறுப்புக்களைக் காட்டும் தளமாக மாறிவருவதை அறியமுடிகிறது.

ஞாநி போன்றவர்கள் தான் இதற்கு பதில் அளிக்க வேண்டும்.

இது மட்டுமல்ல அதே பதிவில் இன்னொரு வன்மத்தையும் சுட்டிக் காட்டுகிறோம்.

இதனைப் பாருங்கள்.

தமிழ்நாட்டில் விடுதலைப்புலிகள் போராட்டம் நடத்தியதாக கட்டுரையாளர் எழுதியுள்ளார்.இதனை பிளாக்கை நிர்வகிக்கும் மிகப்பெரிய அறிவாளிகள் குழுவும் அனுமதித்துள்ளது. 

இது கட்டுரையாளரின் வன்மம் இல்லாமல் வேறு என்ன? விடுதலைப்புலிகளை நேர்மையாக விமர்சித்தால் தவறு இல்லை.ஆனால் தமிழ்நாட்டில் தளம் அமைத்து விடுதலைப்புலிகள் செயல்படுவதாகப் பொருள்படும் படி எழுதியிருக்கிறார்.

தமிழ்நாட்டில் எங்கு விடுதலைப்புலிகள் இருக்கிறார்கள்..?

இதற்கு மேல் கட்டுரையாளரின் வன்மத்திற்கும் உள்நோக்கத்திற்கும் எடுத்துக்காட்டு வேண்டுமா?


இந்த “ஆகச் சிறந்த” பதிவை எழுதிய மீனா தான் அ.மார்க்ஸ் சில மதிப்பீடுகள் என்ற நுாலையும் தொகுத்தவர். கட்டுரையே இப்படி..?

இப்பொழுது கூட்டிக் கழித்துப் பாருங்கள்.புரியும்.



காமாலைக் காரனுக்கு கண்டதெல்லாம் மஞ்சள் என்பார்கள்.

கவனிக்கிறோம் தனது புலிக்காமாலைக்கு மருத்துவம் பார்க்குமா?

கவனிப்போம்...

தினமலரின் அரசியல் பதிப்பு தீக்கதிர்..!

உதயகுமார் ஓட்டம் என்ற தினமலரின் செய்தியை நகலாக வெளியிடும் தீக்கதிர் 

போராடும் மக்களின் பின் அணிவகுத்து நிற்க வேண்டிய கம்யூனிஸ்டுகள் இங்கோ போராடுபவர்களை இழிவுபடுத்துபவர்களின் ஊதுகுழலாகச் செயல்படுகிறார்கள்.

பேசாமல் உங்களின் கட்சிப் பெயரை மாற்றிவிடுங்கள்.நாங்களும் மக்களின் பக்கம் நிற்க வேண்டும் என்று உங்களை எதிர்பார்க்க மாட்டோம்.  

கூடங்குளம்-தினமலரின் அரசியல் பதிப்பு தீக்கதிர்..!

வீழ்வது தமிழ் இனமாக இருப்பினும் வாழ்வது நாமாக இருக்கட்டும்-தாத்தா வழியில் பேரன்கள்..!

ஈழத்தில் உள்ள தமிழர்களைத் தொப்புள் கொடி உறவு என்ற சொல்லாடல் மூலம் முதன்முதலில் விளித்தது முரசொலி மாறன்.அதனைத் தான் இன்று அனைவரும் பயன்படுத்துகிறார்கள் என்று பேராசிரியர் க.அன்பழகன் டெசோ மாநாட்டில் சொன்னதாக தி.மு.க.உடன்பிறப்பு ஒருவர் பெருமையுடன் முகநூலில் பகிர்ந்திருந்தார்.

ஆனால் அந்த முரசொலி மாறனின் மகன்கள்,தொப்புள் கொடி உறவுகளின் மயானத்தில் வர்த்தகம் தொடங்க இருக்கும் சிறுமையை இங்கு பகிர்ந்து கொள்கிறோம்.

திருவாரூர் வீதியில் 14 வயதில் இந்தி அரக்கியை எதிர்த்து மாமா வுடன் கொடி ஏந்திச் சென்று போராடியதாகச் சொல்லப்பட்ட,சண்முகத்தம்மாள் மகனாகிய மாறன் அடுத்த 30 ஆண்டுகளில் இந்தி ஏகாதிபத்தியத்திற்கு அடிமையாய் கொடி தூக்கிய அவலத்தைக் கண்டவர்களுக்கும்,அதற்குப் பரிசாய் பல நூறு கோடிகளின் சாம்ராஜ்யங்களுக்கு அதிபதியாய் ஆன வரலாறு தெரிந்தவர்களுக்கும் அவரது மகன்களின் செய்கை துளியும் வியப்பளிக்காதது  தான்.

ஆனாலும் நடக்க இருப்பதைப் பகிர வேண்டியது நமது கடமை.

இந்த நூற்றாண்டின் மிக மோசமான இனப்படுகொலை இலங்கையில் நடைபெற்றிருக்கும் நிலையில் அதற்கு உரிய நியாயம் கேட்டு உலகம் முழுவதும் உள்ள மனித உரிமை ஆர்வலர்களும், தமிழர்களும் போராடிக் கொண்டிருக்கின்றனர்.

ஆனால் அவர்களின் குரல்கள் செவிடர் காதில் ஊதிய சங்காக இருக்கிறது.அதே சமயம் தமிழினப் படுகொலைக்குக் காரணமான சிங்கள இனவாதத்துடன் அனைவரும் போட்டி போட்டுக் கை குலுக்கித் தங்கள் வர்த்தக நலன்களை நிறைவேற்றிக் கொண்டிருக்கின்றனர்.தனது கொலைகார முகத்தை மறைப்பதற்காக இதனை சிங்கள இனவாதம் முழுமூச்சுடன் செய்கிறது.

சிங்கள ஏகாதிபத்தியம் அதிலும் தமிழ்நாட்டுத் தமிழன் என்றால் ராஜமரியாதையுடன் சிவப்புக் கம்பளம் விரிக்கிறது.அதிலும் போராட்டக்காரர்களின் குரலை யார் தமிழ்நாட்டில் எதிரொலிப்பார்கள் என்று ”நம்பப் படுகிறதோ”,யார் கையில் ஊடகம் இருக்கிறதோ, அவர்களுக்கு உச்சபட்ச மரியாதையை வழங்க ராஜபக்சே கும்பல்கள் மிகுந்த ஆர்வத்துடன் இருக்கின்றனர்.

புதிய தலைமுறை தொலைக்காட்சி குழுமத்தின் பல்கலைக் கழகம் இலங்கையில் கால் பதித்ததை ஆதாரங்களுடன் ஏற்கனவே வெளியிட்டோம்.அந்த வரிசையில் இப்பொழுது மாறன்களுக்குச் சொந்தமான ஸ்பைஸ்ஜெட் விமான நிறுவனம் தனது வணிகத்தை கொழும்புவிற்கு வரும் செப்டம்பர் 20 ஆம் தேதியில் இருந்து  மதுரையில் இருந்து தொடங்குகிறது.

தொடர்புடைய இணைப்புக்கள்.

http://business.outlookindia.com/article.aspx?266377

http://articles.economictimes.indiatimes.com/2011-07-23/news/29806515_1_kal-airways-bhupendra-kansagra-spicejet-stake

http://www.thehindu.com/business/companies/article3835956.ece

http://india.nydailynews.com/business/d044869e00d100c0777573270546b3c1/spicejet-to-start-madurai-colombo-service

சன் டிவி தொடங்கப்பட்டதற்கும் இன்று அசுர வளர்ச்சி அடைந்ததற்கும் ”திராவிடர்”களின் நலனுக்காகத் தொடங்கப்பட்டதாகச் சொல்லப்பட்ட தி.மு.க. எந்த அளவு பின்னணியில் இருந்தது என்று ஊடக அரசியல்,தமிழ்நாட்டு அரசியல் தெரிந்தவர்களுக்குத் தெரியும்.(சன் டிவி குறித்த தெளிவான சித்திரததை இதன் மூலம் அறியலாம்.)

http://savithrikannan.blogspot.in/2007/05/blog-post.html

காலங்கள் மாறிய பின் பதவி வெறிக்காக,இன்று தி.மு.க.,இனப்படுகொலைக்குத் துணை நின்றதைப் போல,வணிக நலன்களுக்காக சன் குழுமம் லட்சக்கணக்கான தமிழர்கள் புதைக்கப்பட்ட மயான பூமியில் வர்த்தகம் தொடங்க இருக்கிறது.

தி.மு.க.விலாவது பெயரளவுக்காவது இன்னும் இனம்,மொழி,என்று இன்னமும் பேசிக் கொண்டு இருக்கின்றனர்.  

ஆனால் சன் தொலைக்காட்சி குழுமங்களிலோ நடுநிலை என்பதும்,இனம்,மொழி என்பதும் என்றும் எப்பொழுதும் பெயரளவுக்குக் கூட கிடையாது. ஒருதலைப்பட்சமான செய்தி,இருட்டடிப்பு போன்றவற்றுக்கு சன் குழுமத் தொலைக்காட்சிகள் தான் அஸ்திவாரம்.இதனால் தான் இந்தியாவில் எங்கும் இல்லாத அளவுக்குத் தமிழ்நாட்டில் தான் ஒவ்வொரு அரசியல் கட்சியும் ஆளுக்கொரு தொலைக்காட்சி தொடங்க வேண்டிய நிலை ஏற்பட்டு உள்ளது. 

தமிழ்நாட்டில்  ஊடக அறம் என்பதே இன்று கேலிக் கூத்தாகி விட்டது.

2009 இல் நடைபெற்ற இறுதிக் கட்டப்போரின் பொழுது கூட பாதிக்கப்பட்ட தமிழர்கள் சார்பாகச் செய்தி எதனையும் சன் குழும ஊடகங்கள் வெளியிட்வில்லை.இலங்கை ராணுவம் கிளிநொச்சியைப் பிடித்தது,இலங்கை ராணுவம் முன்னேறுகிறது என்று தான் செய்தி வெளியிட்டன.

இந்த லட்சணத்தில் இனி ஈழ விஷயத்திலும்,தமிழக மீனவர்கள் தாக்கப்படும் விஷயத்திலும்,தமிழ்நாட்டில் அவர்களுக்கு ஆதரவாய்ப் போராடுபவர்களின் குரல்களை எதிரொலிப்பதிலும் நடுநிலை என்பது சன் குழுமத்தில்

பெயரளவுக்கு அல்ல,மயிரளவுக்கும் இருக்காது என்பது தான் உண்மை. 

தொடர்பற்ற ஆனால் தொடர்புடைய செய்தி.

சினிமாப் பாட்டுப் பாடும் கலைக் கூத்தாடிகளை எதிர்த்து குரல் எழுப்பியவர்கள்,ஏர்டெல் போன்ற வணிக நிறுவனங்களை எதிர்த்த கட்சியினர் யாரும் இதில் குரல் கொடுக்க மாட்டார்கள் என்று புதிய தலைமுறை விஷயத்தில் உங்களுக்குத் தெரிந்திருக்கும்.ஏனென்றால் அவர்களுக்கான இலவச மார்க்கெட்டிங் கை அவர்கள் எப்படிக் கெடுத்துக் கொள்வார்கள்.?நன்றி விசுவாசமும் காரணமாய் இருக்கலாம்.இதுவும் உங்களுக்குத் தெரியும்.

அவர்களாவது அரசியல்வாதிகள்.அவர்கள் அப்படித்தான் என்பது உலகிற்குத் தெரியும்.ஆனால் இதில் அம்பலப்பட்ட அமைப்பும் சில இருக்கின்றன.குறிப்பாய் இனப்படுகொலை நடைபெற்ற நாளை நினைவு கூறும் வகையில் தொடங்கப்பட்ட அமைப்பு புதிய தலைமுறை குழுமம் கொழும்பில் தொழில் தொடங்கும் விஷயத்தில் கள்ள மவுனம் சாதித்தது தான்.இந்த விஷயத்தில் என்ன செய்கிறது என்று பார்ப்போம்.

ஊழலுக்கும் அதிகார வெறிக்கும்,முறைகேட்டிற்கும்,ஜாதி வெறிக்கும் மனிதர்களும் அமைப்புகளும் பலியாவது மட்டும் நம் கண்ணுக்குத் தெரிகிறது.

ஆனால் இலவச பப்ளிசிட்டிக்கு மனிதர்கள் பலியாவது நம் கண்ணுக்குத் தெரிவதில்லை. அதையும் கண்டுகொள்ளுங்கள்.

சிதறும் குமுதம் டீம்..! ஏழு பேர் ராஜினாமா...!

                                              

குமுதம் ஆசிரியர் குழுவில் நடைபெறும் வெட்டுக் குத்து தொடர்கிறது. 

லேட்டஸ்ட் பலி குமுதம் ரிப்போர்ட்டரின் இணையாசிரியரான வெங்கட். ராஜினாமா செய்துவிட்டு புதிய தலைமுறையில் சேர்ந்துவிட்டார். 

இதில் என்ன வேடிக்கை என்னவென்றால் வரதராஜன் பொறுக்கி எடுத்த ஆட்களில் இந்த வெங்கட்டும் ஒருவர். இவர் முதலில் குமுதத்தில் வேலைப் பார்த்துவிட்டு விகடன் பக்கம் ஒதுங்கியவர். அங்கே நாணயம் விகடனில் நிம்மதியாய் இருந்தவரை கோசல் ச்சார் மூலம் ரிப்போர்ட்டர் டீமுக்கு அழைத்தார் ஆ.போ. வரது. இதற்காக ரகசிய சந்திப்புகள் நடந்தன. 

வெங்கட்

விகடனைவிட இரட்டிப்பு சம்பளம் வழங்குவதாக வாக்களித்தார் ஆ.போ. வரது. இதற்கு ஆசைப்பட்ட வெங்கட்டும் சம்மதித்தார். வந்தார். அவருக்கு இணையாசிரியர் பதவி கொடுக்கப்பட்டது.

அவரை அழைத்து வந்ததும்தான் கோசல் ச்சாருக்கு தான் செய்த முட்டாள்த்னம் புரிந்தது. அழைத்து வந்த கோசல் ச்ச்சாரைவிட நீண்ட கால நண்பர் க.பஞ்சா. செய்தி ஆசிரியர் ஜான் வில்கின்ஸிடம்தான் விசுவாசமாய் இருந்தார் வெங்கட். இது கோசல் ச்ச்சாருக்கு பிடிக்கவில்லை. 

சிறிது சிறிதாக தொல்லைகள் கொடுக்க ஆரம்பித்தார். இதழ் தாமதமாக அச்சுக்குப் போகிறது என்று வெங்கட்டுக்கு மெமோ கொடுத்தார். வெங்கட்டுக்கு நெருக்கமாக இருக்கும் ஆட்களை ஓரங்கட்டத் தொடங்கினார். இதெல்லாம் வெங்கட்டுக்கு டென்ஷனை ஏற்படுத்தின.

ஆ.போ.வரது குட்டியை சந்திக்கலாம் என்றால் அவர் நேரம் கொடுக்க மறுத்தார். பொறுத்தது போதும் பொங்கியெழலாம் என்று நினைத்து வேலைக்கு சேர்ந்த ஏழே மாதங்களில் ராஜினாமா கடிதம் கொடுத்து விலகிவிட்டார்.

ப்ரியா தம்பி, மலை மோகன் போன்ற உதவியாசிரியர்கள் குமுதம் ரிப்போர்ட்டரிலிருந்து வெளியேற காரணமாயிருந்தவர் வெங்கட் என்பது குறிப்பிடத்தக்கது. 

முற்பகல் செய்யின்.....

வெங்கட் வெளியேறியதும் குமுதம் குழும பிரச்சனை சூடு பிடித்திருக்கிறது.

வெங்கட்டைத் தொடர்ந்து லேஅவுட் பொறுப்பாளராக இருந்த ஜேக்கப் ராஜினாமா கடிதம் கொடுத்து விட்டார். அவரைத் தொடர்ந்து உதவி ஆசிரியர் தளவாய் சுந்தரமும் நிருபர் ஆனந்த் செல்லையாவும் ராஜினாமா கடிதங்களை கொடுத்திருக்கிறார்கள். 

ஜேக்கப் 

தளவாய் சுந்தரம்

ஆனந்த் செல்லையா

இவர்கள் மட்டுமில்லாமல் ஆசிரியர் குழு உதவியாளர் சுரேஷ்ஷும் ராஜினாமா செய்து விட்டார். இவர்தான் குமுதம் கட்டுரைகளுக்கு சன்மானம் அனுப்புபவர். குமுதம் கட்டுரைகளுக்கு ரெம்யுனரேஷன் சரிவர செல்லவில்லை என்ற நீண்டகால புலம்பலை சரி செய்தவர் இவர்தான்.

இனி பழைய மாதிரிதான் சன்மானம் வரும் ஆனால் வராது.

டாக்டர் வசந்த் செந்தில்

குமுதம் ஹெல்த் இதழுக்கு பொறுப்பாசிரியாராக இருந்த டாக்டர் வசந்த் செந்திலும் ராஜினாமா செய்துவிட்டார். இவர்களைத் தவிர ஐ.டி துறை எஞ்சினியர் தாமஸ் ராஜினாமா செய்திருக்கிறார். 

ஆக இந்த ஆகஸ்ட் மாத ராஜினாமாக்கள் மட்டும் ஏழு.

அடுத்ததாக‌  முக்கிய பதவியில் இருக்கும் இருவர் ராஜினாமா செய்யப் போகிறார்கள் என்றும் அவர்களைத் தொடர்ந்து பலர் எகிறிக் குதித்து ஓடத் தயாராய் இருக்கிறார்கள் என்றும் செய்திகள் கசிந்துக் கொண்டிருக்கிறது.

இப்படித் தொடர்ந்து ஆட்கள் விலகிக் கொண்டிருக்க அது குறித்து கண்டுகொள்ளாமலும் அலுவலகம் வராமலும் வரது இருப்பதாகத் தகவல்கள் தெரிவிக்கின்றன.
என்ன காரணமாய் இருக்கும்..?

                                        

நின்னு போன என் விகடன்…!

விகடன் குழுமத்தில் இருந்து ஜூலை மாதம் முதம் வாரம்தோறும் ரூ.5 ரூபாயில் குமுதம் சைஸூக்கு என் விகடன் வெளிவருகிறது என்று ஏற்கனவே எழுதியிருந்தோம்.இதற்காக ஒரு குழுவினர் அல்லும் பகலும் விகடனில் பணியாற்றிக் கொண்டிருந்தனர்.

தற்பொழுது இந்த திட்டம் விகடன் நிறுவனத்தினால் நிறுத்தப்பட்டு விட்டது.

இதற்கு இரண்டு முக்கிய காரணங்கள் கூறப்படுகின்றன.

முதலாவதாக இப்பொழுது ஆ,வி,விற்பனை குறைந்து விட்டது என்பது.

இரண்டாவது என் விகடன் சந்தையில் விற்பனைக்கு வந்தால் அது ஏற்கனவே குறைந்து கொண்டிருக்கும் ஆ.விகடன் விற்பனையை இன்னும் காலி செய்து விடும் என்ற கருத்து முன் வைக்கப்பட்டதாம்.

ரூ.17 கொடுத்து ஆ.வி.வாங்குவதற்குப் பதிலாக ரூ.5 க்கு என் விகடனை வாங்குனாப் போதும் என்று முடிவெடுத்து விட்டால் கல்லா நிறையாது என்னும் லாஜிக்.

ஆகவே என் விகடன் வேண்டாம்,இப்பொழுதைக்கு இருப்பதை உருப்படியாய் நடத்துவோம் என்று முடிவெடுத்து விட்டார்களாம்.

ஆகவே என் விகடன் நின்னு போச்சு.

டான் டான் டான்,ஆனந்த விகடன்.

நின்னுட் டான் விகடன்.

அவன் என் விகடன்.