Sunday, 29 March 2015

தினகரன் ஊழியர்களா ..? கொத்தடிமைகளா..?



டக உலகில் எத்தனையோ தொழிலாளர் விரோதிகள் உண்டு. ஆனால் அவர்கள் அத்தனை பேரும் தினகரன் முதலாளிகள் கேடி பிரதர்சிடமும்,அவருக்கு கங்காணி வேலை பார்க்கும் ஆர்.எம்.ஆரிடமும் பிச்சை வாங்க வேண்டும்.

உழைக்கும் பத்திரிகையாளர்கள் மற்றும் இதர‌ ஊழியர்களின் ஊதியம் குறித்த 'ம‌ஜிதியா கமிட்டி'யின் பரிந்துரைகளை தினமலர்,தினத்தந்தி உட்பட பெரும்பாலான பத்திரிகைகள் ஒரு வருடத்துக்கு முன்பே (பெயரளவிலாவது) அமல் படுத்தி விட்டனர்.

ஆனால் இன்று வரை அதை அமல்படுத்தவும்,அது குறித்து யோசிக்கவும் மறுக்கும் நிர்வாகம் தினகரன் மட்டுமே...!
இது எவ்வளவு பெரிய தொழிலாளர் விரோதப்போக்கு ? மோசடி..? இவர்கள் தான் ஊரில் இருப்பவர்கள் தவறுகளை எல்லாம் சுட்டிக் காட்டிச் செய்தி வெளியிடும் உத்தமர்கள்.

மத்தியிலும் மாநிலத்திலும் ஆட்சியில் இல்லாமல் நீதிமன்றத்தில் ஆஜர் ஆவதிலும்,தலைமறைவிலும்,பயத்தில் ஓடி ஒளியும் நிலையிலேயே, தன் கீழ் வேலை பார்க்கும் ஆயிரக்கணக்கான பத்திரிகையாளர்களின் வயிற்றை அடித்து இவ்வளவு பெரிய மோசடியை பகிரங்கமாய்ச் செய்கிறார்கள் என்றால் ஆட்சியில் இருக்கும் பொழுது இவர்கள் எப்படி நடதிருப்பார்கள் என்று யோசித்துப் பாருங்கள். எச்.ஆர்.சாந்தியிடம் யாரும் இது குறித்துக் கேட்டால் பெரும்பாலான நேரத்தில் மவுனமும் சில நேரத்தில் சிரிப்பு மட்டுமே பதிலாய் வருகிறது. எடிட்டர் ஆர்.எம்.ஆரை அவரால் பலனடையும் விசுவாசிகள் மட்டுமே பார்க்க முடிகிறது.

இது மட்டுமல்ல தினகரனின் சுரண்டலுக்கு இன்னொரு எடுத்துக்காட்டு.

ஒவ்வொரு வருடமும் வழங்கும் ஊதிய உயர்வை இரண்டு வருடங்களாக வழங்கவில்லை. ஏப்ரல் 2013 இல் வழங்கப்ப‌ட வேண்டிய ஊதிய உயர்வை ஜூன் 2013 இல் தான் வழங்கினார்கள். (அந்த இரண்டு மாத ஊதிய உயர்வையும் சுரண்டி விட்டார்கள்.) அதன் பின் 2014 ஆம் ஆண்டு வழங்கப்பட வேண்டிய ஊதிய உயர்வு வழங்கப்படவே இல்லை. இப்பொழுதோ 2015 ஏப்ரல் வந்து விட்டது. இந்த நிலையில் இந்த வருடமும் வழங்கும் எண்ணம் இருப்பதாகத் தெரியவில்லை.

எந்தவொரு நிறுவனமாவது இப்படி ஒரு தொழிலாளர் விரோதப்போக்குடன் இருக்குமா என்று தெரியவில்லை. இதனை வலியுறுத்தி வீதிக்கு வந்து போராடும் நிலையில் தொழிலாளர்கள் இல்லை. இந்நிலையில் தினகரன் நிர்வாகம் கைமாறும் என்ற பேச்சு நாடு முழுவதும் இருப்பதால் வேலை செய்பவ‌ர்களிடையே இயல்பாகவே  பதற்ற‌மும்,மன அழுத்தமும் வந்திருக்கிறது.

எப்பொழுது ஊதிய உயர்வு..? எப்பொழுது மஜிதியா கமிட்டி பரிந்துரைகளை அமல்படுத்துவார்கள்..?

எப்பொழுதும் சுரண்டியே ஆசியாவின் பெரிய பணக்காரக் குடும்பம்,குறைந்தபட்சம்  தனது கீழ் வேலை பார்க்கும் பத்திரிகையாளர்களைச் சுரண்டி  வயிறு வளர்ப்பதை எப்பொழுது நிறுத்தும்..?

 2015 ஏப்ரலிலாவது ஊதிய உயர்வும் மஜிதியா கமிட்டி பரிந்துரையும் அமல்படுத்தப்படுமா..? 

தொடர்பு செய்தி




ட்டப் பகலில் ஒருத்தன் கிட்டயிருந்து எட்டரை லட்சத்தை வழிப்பறி பண்ணிட்டா எனச் சொல்லிய படியே பீட்டர் மாமா வந்தார்.

அப்படியா என்னன்னா சொல்றேள்,உடம்பை வருத்திக்காதீங்க முதல்ல கொஞ்சம் மோர் குடிங்க

இப்ப சொல்லுங்க.யார் கிட்டயிருந்து வழிப்பறி பண்ணிட்டாள்../போலிசுக்கு போறது தான்ன‌

நான் சொல்ற‌தைக்கேளு குறுக்க பேசாத,உன்னாலயே எனக்கு பிரஷர் அதிகமாயிடுது.

ம்ம்.எல்லாப் பழியையும் என் மேல போடுங்க..சொல்லுங்க‌

திருச்சியில் சங்கம் அப்படின்னு ஒரு ஹோட்டல் இருக்குது,அந்த முதலாளி ஒரு பெரிய தப்புப் பண்ணிட்டான்,அது எப்படியோ திருச்சியில் இருக்குற நம்ம பத்திரிகை மேனேஜருக்குத் தெரிஞ்சுடுச்சு. உடனே அவா சங்கம் ஓட்டல் முதலாளிக்கு போன் போட்டார்.

அதானே.. நம்ம ஆளுங்களா கொக்கா..? மறுநாள் அவாளைக் கண்டிச்சு எட்டு காலம் செய்தி போட்டு நாறடிச்சிருப்பாளே..?

செத்த நிப்பாட்டுறியா..? குறுக்க பேசாதன்னு தானே சொன்னேன்.

மாமி அமைதியானார்.

போன் போட்டு பேசின‌ மேனேஜர், நேர்லயே போய்ட்டார்.அங்க போய் அவாளை மிரட்டி எட்டரை லட்சம் வாங்கிட்டு,உனக்கு எதிரா ஒரு செய்தியும் வராது அப்படின்னு சொல்லிக் காபி குடிச்சுட்டு வந்துட்டார்.

அடப்பாவி எட்டரை லட்சம் வழிப்பறியா..?

பொறு.இது எப்படியோ கச்சேரி ரோட்டுல உட்கார்ந்துருக்குற எம்.டி.ரமேஷூக்கு தெரிஞ்சிடுச்சு. உடனே திருச்சி மேனேஜருக்கு போன் போட்டு மறுநாள் கிளம்பி சென்னை ஆபிஸ் வரச் சொன்னார்.

அதானே..? தப்பு பண்றவா ரமேஷ் கிட்டயிருந்து தப்பிக்க முடியாது.  பகவான் ரமேஷ் மூலமா திருச்சி மேனேஜரைத் தண்டிப்பார்.

முறைத்துப் பார்த்தார் பீட்டர் மாமா.அமைதியானார் மாமி.

வந்தவுடன் நாக்கைப் பிடுங்குற மாதிரி ரமேஷ் கேள்வி கேட்டார்,எனக்கே தெரியாம பிராடுத்தனமா? நான் எத்தனை பேரு கண்ணுல விரல் விட்டு ஆட்டியிருப்பேன்,உன்னை வேலைக்குச் சேர்த்த என்னையே ஏமாத்துறியா..?  என் கிட்ட சொல்லியிருந்தா உனக்கு கொஞ்சம் பங்கு கொடுத்துருப்பேன்.இப்ப ஒரு பைசா கூட உனக்கு கிடையாது. ஒழுங்கா மரியாதையா அந்த எட்டரை லட்சத்தை வச்சிட்டுப் போ,இனிமேலாச்சும் சொல்லிட்டுச் செய் எனச் சொல்லி மொத்த‌ பணத்தையும் வாங்கிக் கொண்டு அனுப்பிட்டார்.

மாமி இப்பொழுது மயக்கமாகி விட்டார்.


Friday, 27 March 2015

கருத்துரிமை சிங்கங்களும் கடந்த கால அசிங்கங்களும்...!


'மாற்றத்திற்கான ஊடகவியலாளர்கள் மய்யம்'  என்னும் அமைப்பு வரும் ஞாயிறு அன்று கருத்து சுதந்திர ஒடுக்குமுறைகளுக்கு எதிரான கூட்டம் என்னும் தலைப்பில் ஒரு நிகழ்வை ஒருங்கிணைத்துள்ளது.

தந்தி டிவி,கருத்துரிமை,ஒடுக்குமுறை,ஆர்ப்பாட்டம்,தினகரன் எரிப்பு,அழகிரி




அது தொடர்பாய் சிறு பதிவு.

அழைப்பிதழில் நிகழ்ச்சி எங்கு நடக்கிறது,யார் யார் கலந்து கொள்கிறார்கள்,எந்த அமைப்புகள் இணைந்து கொள்கிறார்கள் என்று மிகத் தெளிவாக அச்சிட்டிருக்கிறார்கள். ஆனால் கருத்து சுதந்திரத்தை காக்க கூட்டம் நடத்தும் அளவுக்கு இப்பொழுது என்ன தாக்குதல்கள் நடைபெற்றன,யார் யார் தாக்குதலுக்கு உள்ளானார்கள்..? யாரைக் கண்டித்து இந்தக் கூட்டம் போன்ற அடிப்படை விபரம் எதுவும் இல்லை.

சமீபத்தில் நடைபெற்ற தாக்குதலை வெளிப்படையாய்ச் சொல்ல என்ன தயக்கம்..? டிபன்பாக்ஸில் வெடிபொருளை நிரப்பி வீசி விட்டுச் சென்ற கும்பலே வெளிப்படையாய்ச் செய்கையில் அதைக் கண்டித்துக் கூட்டம் நடத்தும் நீங்கள் ஏன் பூசி மெழுகி பூடக மொழியில் யாருக்கும் புரியாமல் அறைகூவல் விடுக்கிறார்கள்..?

அடுத்ததாய் கலந்து கொள்ளும் கருத்துரிமை சிங்கங்கள் குறித்து..

சிறப்புரை-மூத்த பத்திரிகையாளர் என்.ராம்

என்.ராமின் கருத்துரிமைக்கு நாம் ஒரு சிறு எடுத்துக்காட்டு தருகிறோம்.

மதுரையில் தினகரன் ஊழியர்கள் மூவர் அஞ்சாநெஞ்சனின் கும்பலால் எரித்துக் கொல்லப்பட்ட பொழுது அதைக் கண்டித்து மறுநாள் மிக கடுமையான வார்த்தைகளில் இந்து நாளிதழில் தலையங்கம் எழுதினார் எடிட்டர் என்.ராம்.
மறுநாள் ரிப்போர்ட்டர் கில்டு வளாகத்தில் மூவர் எரிப்பைக் கண்டித்தும்,இதற்கு எவ்வாறு எதிர்வினை ஆற்றுவது என்றும் அவசரக் கூட்டம்.

உண்மையான பத்திரிகையாளர்கள் முதற் கொண்டு பிளாக்மெயில் பத்திரிகையாளர்கள் வரைக்கும் லெட்டர் பேடு சங்க பிரதிநிதிகள் தொடங்கி பாரம்பரிய சங்கங்கள் வரைக்கும் அனைவரும் உணர்ச்சிமயத்துடன் குழுமி இருக்கின்றனர். எடிட்டர் என்.ராம்,தினகரன் சென்னை அலுவலகம் தொடங்கி டி.ஜி.பி.அலுவலகம் வரைக்கும் அனைத்து பத்திரிகையாளர்களும் ஊர்வலம் செல்வோம்,டி.ஜி.பி.யைச் சந்தித்து மனு கொடுப்போம்,அணி திரளுவோம் என வீராவேசமாய் உரையாற்றுகிறார். அனைவரும் சம்மதிக்கின்றனர்.

ஆனால் தினகரன் அலுவல‌கம் அருகில் டுபாக்கூர் பத்திரிகையாளர்கள் கூட வந்த நிலையில் என்.ராம் வரவில்லை. தொலைபேசி எடுக்கப் ப‌டவில்லை. ஊர்வலமும் நடக்கவில்லை.

முரசொலி போட்டோ கிராபராய் மாறிய 'தி இந்து' எடிட்டர் என்.ராம்.

கடைசியில் ஒரு பத்திரிகையாளர் சொல்கிறார். 'தி இந்து' பாணியில் sources said என வைத்துக் கொள்ளுங்களேன்.

கோபாலபுரத்தில் இருந்து தொலைபேசி அழைப்பு வந்ததாகவும்,கரகரத்த குரலில்," ஏன்யா உன் குடும்பத்துல பிரச்சனை வந்தப்ப உனக்கு எவ்வளவு உதவி செய்திருக்கேன்,அதையெல்லாம் மறந்துட்டு என் குடும்பத்தை அசிங்கப்படுத்த ஊர்வலம் போறியா ? போய்ட்டு வந்து என்னை எப்படித் திட்டுனேன்னு வந்து சொல்லுய்யா" என சொல்லிவிட்டு தொலைபேசி வைக்கப்ப‌ட்டதாகவும், என்.ராம்.அதன்பின்  எப்படி எட்டிப் பார்ப்பார் எனவும் மனம் வெதும்பி கச்சேரி சாலை மதிய வெயிலில் பகிர்ந்து கொண்டார்.

அன்று தனது சுயநலத்துக்காய் மூவரின் கொலைக்கு நீதி கேட்கும் ஊர்வலத்துக்கே விடுமுறை விட்ட என்.ராம் இன்று கருத்து சுதந்திர ஒடுக்குமுறைகளுக்கு எதிராய் உரையாற்றப் போகிறாராம். உங்கள் நிகழ்ச்சி நடக்கும் பொழுது அவருக்கு எங்கிருந்தும் தொலைபேசி வராமல் பார்த்துக் கொள்ளுங்கள்.

நீங்கள் அழைத்ததைப் பார்த்து என்.ராம் கண்டிப்பாய் வாயால் சிரித்திருக்க மாட்டார்.
*
அடுத்ததாக மு.க.ஸ்டாலின்


எரியும் தினகரன் மதுரை அலுவலகம்


மதுரையில் தினகரனின் மூன்று ஊழியர்கள் கொலையின் சூத்திர‌தாரியான‌ 'அஞ்சாநெஞ்சரின்' உடன்பிறந்த தம்பி தான் மு.க.ஸ்டாலின் அவரது அப்பா மு.கருணாநிதி தான் அப்பொழுதைய முதல்வர்.

மு.க.அழகிரி வழக்கிலிருந்து அழகிரி விடுவிக்கப்பட்டு விட்டாரே என எதிர்வினா எழுப்பலாம். இந்தியாவில் அரசியல் பின்னணி உள்ள வழக்குகள் எப்படி விசாரிக்கப்படுகின்றன..? அதன் குற்றவியல் விசாரணை எப்படி நடைபெறுகிறது..? எப்படி குற்றவாளிகள் தப்பிக்கிறார்கள்..?  என்பது மாற்றத்திற்கான ஊடகவியலாளர்களுக்கு தெரியவில்லையா என்ன..?
இது கூடத் தெரியாமல் நீங்களெல்லாம் என்ன பத்திரிகையாளர்கள்..?


மூவரின் உயிரைப் பறித்த கும்பலுக்கு ஆதரவும் பாதுகாப்பும் தந்து தப்பிக்க வைக்க, உங்கள் நிகழ்ச்சியில் கண்டன உரை ஆற்றும் மு.க..ஸ்டாலினின் குடும்பமும் அவரது கட்சியும் பங்காற்றவில்லை என உங்களால் அறிக்கை வெளியிட முடியுமா..? அந்த பங்காளி கருத்து சுதந்திர ஒடுக்குமுறைகளுக்கு எதிராக உரையாற்றுகிறார்.

தயவு செய்து அடுத்த கூட்டத்துக்கு அஞ்சாநெஞ்சன் அழகிரியையும் அட்டாக் பாண்டியையும் கூப்பிட்டு விடாதீர்கள்.

ஈ.வெ.கி.ச.இளங்கோவன் & ஜி.கே.வாசன்.

கருத்து சுதந்திரத்தை மிக மோசமான முறையில் ஒடுக்கிய தகவல் தொழில் நுட்பச் சட்ப பிரிவு 66 ஏ வை கடந்த காங்கிரஸ் ஆட்சி தான் அமல்படுத்தியது. இதில் எத்தனையோ பேர் பாதிக்கப்ப‌ட்டிருக்கிறார்கள். மேற்கண்ட இருவரும் அங்கம் வகித்த இந்திரா காங்கிரஸ் கட்சி தான் இதைச் செய்தது. மேலும் இந்த சட்ட திருத்தத்தில்  தி.மு.க. அமைச்சர் ஆ.ராசாவின் பங்கு குறித்து அப்பொழுதைய சட்ட அமைச்சர் பரத்வாஜே கருத்த்து தெரிவித்திருக்கிறார்.இவர்கள் கருத்து சுதந்திர ஒடுக்குமுறைகளுக்கு எதிராய் உரையாற்றுகிறாராம். நல்லாத்தான் இருக்கு.



பால் தாக்கரே செத்துப்போன நிலையில்,அடுத்த கருத்து சுதந்திர 'பாதுகாப்பு' கூட்டத்துக்கு உத்தவ் தாக்கரேவை அழைங்க பாஸ். கல்யாண் ஜூவல்லர்ஸ் புரட்சியை விட உங்க 'புரட்சி' வேகமாய் வந்து விடும் .

ஜி.ராமகிருஷ்ணன்

தங்கள் கட்சியின் முன்னணி தலைவர் மரணம் குறித்து வினாக்கள் எழுப்பினார்கள் என்னும் ஒரே காரணத்துக்காய் கட்சியின் அடியாள் கும்பலை விட்டு மக்கள் தொலைக்காட்சியில் தாக்குதல் நடத்தியவர்கள் இன்று கருத்துரிமையைக் காக்கப்போகிறார்கள்.

வேஷம் கச்சிதமாத் தான் இருக்குது.
*
மல்லை சத்யா

கொடிய ஒடுக்குமுறைச் சட்டமான பொடாவை மிகத்தீவிரமாய் நாடாளுமன்றத்தில் ஆதரித்த வைகோ வராத நிலையில் அவர் கட்சியின் சார்பில் மல்லை சத்யா வருகை புரிந்திருக்கிறார்.இதுவும் சரியான தேர்வு தான்.
*
விஸ்வரூபம் பிரச்சனையில் கமல்ஹாசனின் 'கருத்து சுதந்திரத்துக்கு' எதிராய் அணிவகுத்து அவர் திரைப்படத்தை வெளியிடாமல் செய்த ஜவாஹிருல்லா,தெஹ்லான் பகவி போன்றோரும் கருத்து சுதந்திர‌த்தைக் காக்க கிளம்பியிருக்கிறார்கள்.

இவர்கள் எல்லாம் சேர்ந்து தான் கருத்துரிமையைக் காக்கப் போகிறார்களாம்.
இந்தக் கூட்டணி அரசியல் கூட்டணியைத் தூக்கிச் சாப்பிடும் அளவுக்கு இருக்கிறது.

இதில் இன்னொரு உள் அரசியலும் இருக்கிறது.

அ.தி.மு.க.,பா.ஜ.க.,பாட்டாளி மக்கள் கட்சி ஆகியன புறக்கணிக்கப்பட்டிருக்கின்றன. அதிமுகவும் பாஜகவும் ஆளுங்கட்சி என்பதால் புறக்கணிப்பது சரியான முடிவு தான். பாட்டாளி மக்கள் கட்சியை ஏன் புறக்கணித்தார்கள் என்று தெரியவில்லை. சாதி ஒழிப்புக்கு எதிரானவர்கள் என்று காரணம் சொல்லலாம்.

வாதத்துக்காய் கேட்கிறோம். மேலே நிகழ்ச்சிக்கு அழைக்கப்ப‌ட்டவர்கள் எல்லாம் சாதியையும் மதவாதத்தையும் உண்மையாய் ஒழிக்கும் நோக்கம் உள்ளவர்களா..?

மல்லை சத்யா சார்ந்துள்ள கட்சித்தலைவர் வைகோ வின் சாதி 'ஒழிப்பின்' லட்சணம் குறித்து கலிங்கப்பட்டி சுற்று வட்டாரத்தில் இருக்கும்  40 ஜில்லா தலித்துகளிடம் கேட்டு விட்டு முடிவுக்கு வாருங்கள்.

ஓரணா கூலி உயர்வு கோரிக்கைக்கு,சவுக்கடியையும் சாணிப்பாலையும், ஈரணா கூலி உயர்வு கோரிக்கைக்கு சவக்குழிக்கு அனுப்பவும் செய்த கபிஸ்தலம் பண்ணையார் மூப்பனாரின் வாரிசு, மேடையில் கருத்துரிமையைக் காக்க கொந்தளிக்கும் பொழுது தைலாபுரம் படையாச்சியும் உங்கள் 'உரிமை'க்காய் முழங்கினால் என்ன தப்பு..?

இதனால்  உங்கள் முற்போக்குச் சாயம் அழிந்து விடவும் நீங்கள் அம்பலப்பட்டுமா விடப்போவீர்கள் .?

இன்னொரு தகவலையும் சொல்கிறார்கள். புதிய தலைமுறை தொலைக்காட்சி மீதான தாக்குதலை ராமதாஸ் கண்டிக்கவில்லையாம்,அதனால் அழைக்கவில்லையாம். அப்படியானால் 'தினத்தந்தி' அலுவலகத்துக்குள் அத்துமீறி செருப்பு வீசிய வைகோ கட்சியை அழைப்பது எப்படிச் சரி..?
****

ன்னும் கேள்விகள் எண்ணற்றவை இருக்கின்றன.

கேட்பதற்கு எங்களிடம் நேரமும் சொல்வதற்கு உங்களிடம் பதிலும் கண்டிப்பாய் இல்லை.

ஆனாலும் தவிர்க்க முடியாமல் சில கேள்விகள்

நாளைய உங்கள் கூட்டத்தில்,இலங்கையில் லசந்தா விக்ரமசிங்கே உட்பட எத்தனையோ பத்திரிகையாளர்கள் கொல்லப்பட்டதற்கும் கருத்து சுதந்திரம் நசுக்கப்பட்டதற்கும்  காரணமான சிங்கள அரசையும் இனவாதத்தையும் 'இந்து' எடிட்டர் என்.ராம்.பகிரங்கமாய் கண்டிப்பாரா..?

மதுரையில்  தினகரன் மூன்று ஊழியர்கள் கொலை வழக்கில் உண்மைக்குற்றவாளிகள் சட்டத்தின் சந்து பொந்துகளின் மூலம்  தப்பித்து விட்டார்கள்,அவர்களைக் கைது செய்ய மத்திய மாநில அரசுகள் நடவடிக்கை எடுக்க வேண்டுமென மு.க்.ஸ்டாலினை பேச வைக்க உங்களால் முடியுமா..? (இத்தனைக்கும் இப்பொழுது அழகிரிக்கும் இவருக்கும் முரண்பாடு இருக்கிறது.)

முந்தைய காங்கிரஸ் அரசால் தகவல் தொழில்நுட்பச் சட்ட‌த்தில் செய்யப்பட்ட 66 ஏ பிரிவு ரத்து செய்யப்பட்ட நிலையில் அதைக்கொண்டு வந்த காங்கிரஸ் அரசையும் தலைவி சோனியாவையும் இளங்கோவன் ஏன் தனிக்கட்சி கண்டிருக்கும் வாசனாவது கண்டிப்பாரா..?

'மக்கள் தொலைக்காட்சி' மீதான தாக்குதலில் ஈடுபட்ட குற்ற‌வாளிகள் சட்டத்தின் முன் நிறுத்தப்பட்டுத் தண்டிக்கப்ப‌ட வேண்டும் என ஜி.ராமகிருஷ்ணன் பேசுவாரா..?



நேற்று வரை தங்களுக்கு முற்றிலும் எதிராய் இருந்தவர்களுடன் கூட்டுச் சேர்ந்து களத்தில் இறங்குவது சீரழிந்த அரசியல்வாதிகள் செய்யும் வேலை.

நேற்றொரு தலைப்புக்கு வக்காலத்து, இன்று ஒரு தலைப்புக்கு வக்காலத்து வாங்கிப்பேசவும் அரங்கில் இருந்த பார்வையாளர்களை வாய்விட்டு சிரிக்க வைக்க எதை வேண்டுமானாலும் பேச‌வும் இது சிரிப்பு பட்டிமன்றம் அல்ல.

இது பத்திரிகையாளர்களின்கருத்துரிமை சார்ந்த போராட்டம். உண்மையை எந்த இடத்திலும் எப்பொழுதும் உரத்துச் சொல்வதற்குத் தயங்கக் கூடாது.அதிலும் நீங்கள் மாற்றத்திற்கான ஊடகவியலாளர்கள் என்று வேறு பீற்றிக் கொள்கின்றீர்கள். அப்படியானால் எப்படிச் செயல்பட வேண்டும்..?

நமக்காய் உரத்துக் குரல் ஒலிக்கவும்,நம்முடன் இணைந்து போராடவும் யாரைத் தேர்வு செய்ய வேண்டும் என்பதை விடவும் யாரைத் தேர்வு செய்யக்கூடாது என்பதில் அதீத எச்சரிக்கையும் தெளிவும்  தேவை.

நேற்று வரை  பத்திரிகையாளர்களை ஒடுக்கியவன்,ஓட ஓட விரட்டியவன்,கொலை செய்தவன்,முதுகில் குத்தியவன்,எதிரியிடம் காட்டிக் கொடுத்த‌வன் போன்றோர்களுடன் இணைந்து உரிமையைக் காக்க முடிவு செய்வது எந்த விதத்தில் சரி..?

அடுத்த அரசாங்கம் வந்தால் யாருடன் இணைந்து உரிமையைக் காப்பீர்கள்..? புதிய தலைமுறை அலுவலகத்தின் மீது டிபன் பாக்ஸ் குண்டு வீசியவனுடன் இணைந்தா..?

'மாற்றத்திற்கான ஊடகவியலாளர்கள் மய்யம்உருவான மிகக் குறுகிய காலத்தில் உங்களின் தன்முனைப்பும் ஆர்வக்கோளாறும் பளிச்செனத் தெரிகிறது.

உங்கள் அமைப்பின் சார்பில் உண்மையான ஒரு பத்திரிகையாளர் கலந்து கொண்டு ஒற்றைக்குரலாய் ஒலித்துத் தோற்றுப் போனாலும் பரவாயில்லை. கவலை கொள்ளவும் தேவையில்லை.இல்லை இல்லை  நாங்கள் மேற்கண்ட 'போராளிகளுடன்' இணைந்து இணைந்து போராடியே தீருவோம் என   நீங்கள் பிடிவாதமாய் நின்றால் சொல்வதற்கு ஒன்று இருக்கிறது.

என்.ராம்,ஜி.கே.வாசன்,மற்றும் மு.க.ஸ்டாலின் வகையறாக்கள் வாங்கித் தரும் கருத்துரிமை சுதந்திரத்தை சுவாசிப்பதை விடவும் களத்தில்தோற்றுப் போவதையே உண்மையும் நேர்மையும் கொண்ட பத்திரிகையாளன் விரும்புவான்.

நீங்கள் எப்படிப் பட்ட பத்திரிகையாளர்கள் என்பதை முடிவு செய்து கொள்ளுங்கள்.

Tuesday, 24 February 2015

நாளிதழ் முதலாளிக்கு எதிராய் ஈரத்துணி கட்டி போராட்டம்...!


வேலை பார்த்தவன் கஞ்சிக்கு வழியில்லாமல் திண்டாட கேக் வெட்டிக் கொண்டாட்டம் ஒரு கேடா ராதா கிருஷ்ணா..?

குறுக்கு வழியில் பல நூறு கோடிகளைக் குவித்த பேர்வழிகள் தங்க‌ளின் மீதான குற்றங்களை மறைக்கும்  வண்ணமும்,சுருட்டிய பணத்தைப் பாதுகாக்கும் வண்ணமும்,அரசியல் அதிகாரத்தை அடையும் பொருட்டும் என பல்வேறு காரணஙக்ளுக்காய் பத்திரிகை ஆரம்பிப்பது கடந்த சில வருடங்களில் தமிழ் நாட்டில் அதிகரித்துக் கொண்டே வருகிறது.

சன் குழுமம்,புதிய தலைமுறை,நியூஸ் 7, மடிப்பாக்கம் வேலாயுதத்தின் G  தொலைக்காட்சி,புதிய வாழ்வியல் இதழ்,வின் தொலைக்காட்சி,ஜன்னல் என இந்த வரிசை முடிவற்றது.

இந்த வரிசையில் இடம்பெற்ற நாளிதழ் தான் 'தின இதழ்.' பல்வேறு சுயநிதிக்கல்லூரிகளை ஆரம்பித்துச் சுரண்டியதற்குப் பாதுகாப்புத் தேடும் பொருட்டு கல்வி வியாபாரியால் ஆரம்பிக்கப்பட்டது தான் 'தின இதழ்'.

தனது நாளிதழில் தமிழ்நாட்டை ஆளும் அரசுக்கு எதிராகவும்,மத்தியில் ஆளும் அரசுக்கு எதிராகவும் ஒரு வரி கூட எழுத மாட்டார். 'தமிழரசு' பத்திரிகையின் தினசரிப் பதிப்பாக வருகிறது என்றால் மிகையில்லை. இவரது பத்திரிகையின் நோக்கம் எதுவென்று எளிதில் புரியும்.

Sri muthukumaran institute of technology.Meenakshi amman dental college.


ற்ற பேர்வழிகள் தாஙகள் ஆரம்பித்த நிறுவனங்களில் சம்பளத்தை ஓரளவிற்கு கணிசமாகவும் சரியான நேரத்திலும் கொடுத்தாலும் தின இதழ் முதலாளி ராதாகிருஷ்ணனோ அதிலும் ஏமாற்றுப் பேர்வழி. வேலை செய்யும் தொழிலாளிக்கு அடிமாட்டு தொகையில் தான் சம்பளம் கொடுப்பார்.அதையும் ஒழுங்காய் கொடுக்க மாட்டார். ஆரம்பிக்கப்பட்ட காலத்தில் இருந்து எந்த மாதமும், பத்தாம் தேதிக்குள் சம்பளம் கொடுத்த வரலாறு இல்லை.அதிலும் கடந்த சில மாதங்களாய் 20 ஆம் தேதி வரைக்கும் கூட இழுத்தடிக்கப்பட்டு வந்தது. இந்த மாதமோ மிக கொடுமை.

இந்தப் பதிவு எழுதும் 24 ஆம் தேதி (செவ்வாய்க்கிழமை) ஆகி விட்டது. ஆனால் கடந்த 2015 ஜனவரி மாதச் சம்பளம் வேலை பார்த்த சுமார் 80 க்கும் மேற்பட்ட ஊழியர்களுக்கு இன்னும் வழங்கப்படவில்லை. சுயநிதிக்கல்லூரிகளின் மூலம் பல நூற்றுக்கணக்கில் கோடிகளைக் குவித்து வைத்திருக்கும் இந்த பேர்வழிகளுக்கு மாதம் முழுவதும் வேலை பார்த்த ஊழியர்களுக்கு சம்பளம் கொடுக்க மனம் வருகிறதா பாருங்கள்.அனைத்து ஊழியர்களின் ச்மபளமும் மொத்தமாக அதிக பட்சம் 30 லட்சத்துக்கு குறைவாகத்தான் வரும்.

தங்களது பள்ளி,கல்லூரிகளில் படிக்கும் மாணவர்களிடம் கட்டாய நன்கொடைகளை செர்க்கையின் பொழுதும்,வருடம் முழுமைக்குமான கல்விக் கட்டணங்களை முதல் நாளிலேயே வாங்கும் இந்த சுயநிதிக் கொள்ளையர்கள் தாங்கள் நடத்தும் பத்திரிகையில் பணிபுரியும் ஊழியர்களுக்கு வேலை பார்த்த சம்பளத்தை அடுத்த மாதம் முடிவடைய இருக்கும் தருவாயிலும் கொடுக்காமல் ஏமாற்றுவது எப்படிப்பட்ட பித்தலாட்டக்காரர்கள் என்பது விளங்கும்.

வாயைக்கட்டி, வயிற்றைக்கட்டி சொற்ப சம்பளத்துக்காய் மாதம் முழுதும் வேலை பார்த்த ஊழியர்கள் எப்பொழுது சம்பளம் வரும் என கடந்த 20 நாட்களாய் வயிற்றெரிச்சலில் இருக்கின்றனர்.ஆனால் அலுவலகத்தில் பதில் சொல்லத்தான் ஆள் இல்லை. எடிட்டர் குமாரோ வேலை வாங்குவதில் ஆர்வம் காட்டுகிறாரே தவிர பத்திரிகையை நடத்தும் பேர்வழி கவனத்துக்கு சம்பளப் பிரச்சனையைக் கொண்டு போகவே இல்லை. அவரைத் தவிர 'தின இதழ்' முதலாளி தொடர்பில் அலுவலகத்தில் யாரும் இல்லை.

இதனால் பொறுத்துப் பொறுத்துப் பார்த்த நிறுவனத்தின் ஊழியர்கள் இன்று மாலை கூடி ஒரு முடிவு எடுத்திருக்கிறார்கள். பெரும்பாலோனோரின் ஒப்புதல் இதற்கு பெறப்பட்டிருக்கிறது. வரும் வெள்ளிக்கிழமைக்குள் (27 ஆம் தேதி) சம்பளம் கொடுக்கவில்லை என்றால் ஈரத்துணியை வயிற்றில் கட்டி  தொடர்ச்சியாகப் போராடி அரசின் கவனத்திற்கு தங்கள் பிரச்சனைகளுக்குத் கொண்டு செல்வது என முடிவெடுத்திருக்கிறார்கள்.

இதிலாவது தீர்வு கிடைக்குமா..? அல்லது ஏமாற்றுப் பேர்வழிகள் ஈரத்துணியுடன் இவர்களை  பட்டினியில் சாக விடுவார்களா..?

பொறுத்திருந்து பார்ப்போம்.


குறிப்பு

தின இதழ் எடிட்டர் குமார் நேற்று மட்டும் லே அவுட் ஆர்டிஸ்டுகளுக்கு சில ஆயிரம் ஊதியம் தன் கையில் இருந்து அவசர உதவியாய்க் கொடுத்திருக்கிறார். அது என்ன லே அவுட் ஆர்ட்டிஸ்டுகள் மீது மட்டும் தனிப்பாசம் என அனைவருக்கும்  ஆச்சரியம்.
அது வேறொன்றுமில்லை. ஜெயலலிதா பிறந்த நாள் விளம்பரம் பக்கம் பக்கமாய் இரண்டு நாட்களாய் வருகிறது.அதில் பெரும்பாலானவற்றை எடுத்தவர் எடிட்டர் குமார். அதற்காய் இவருக்கு கமிஷன் 20% இது மட்டும் லட்சத்தை தொடுமாம். விளம்பரம் வெளிவராவிட்டால்  கமிஷன் போய் விடும்.  வடிவமைக்கும் லே அவுட் ஆர்டிஸ்டுகள் சம்பளம் வராத‌ கடுப்பில் இருக்கும் பொழுது அவர்களை  கொஞ்சம் மகிழ்ச்சிப்படுத்தவே அவர் கையில் இருந்து உதவி. அதனால் தான் இந்த திடீர் பாசம்.

எலி அம்மணமாய் ஓடுகிறது என்றால் சும்மாவா....?

Thursday, 12 February 2015

புதிய தலைமுறை- வீதியில் வீசப்பட்ட ஊழியர்கள்...!



சென்னை பீட்டர்ஸ் சாலை,சரவண பவன் ரெஸ்டாரண்ட் முதல் மாடி.

ஊடகவியலாளர்கள் பார்த்தசாரதி,பெஞ்சமின்,அன்பரசு சந்திப்பு.

"ரொம்ப நாள் கழிச்சி பார்க்குறோம். என்ன நடக்குது பத்திரிகை உலகத்துல ? "

"ஆமாம்.நிறைய பேசணும்." பெஞ்சமின்

இங்க அண்ணாச்சி நம்ம பர்சைக் காலி பண்ணிடுவாரே..? அடுத்த பில்டிங் செல்ப் சர்வீஸ் போயிருக்கலாம். அன்பரசு பர்ஸ் கனம் குறித்துக் கவலைப்பட்டார்.

"காசு கொஞ்சம் அதிகம் தான். ஒரு காபி குடிச்சுட்டு  ஒரு மணி நேரம் ஏ.சி.யில உட்கார இதை விட்டா வேறு இடம் கிடையாது. அங்க நின்னுக்கிட்டே இருக்கணும்."

"விகடன் எம்.டி. பாலசுப்ரமணியம் இறந்ததுக்கு போனீங்களா..? " பெஞ்சமின் ஆரம்பித்து வைத்தார்.

அஞ்சலி...


"ஆமாம். பெரும்பாலும் ஊடக நெறிகளின் படியும் பணி புரியும் தொழிலாளர்களின் மீது கரிசனத்துட‌னும் வாழ்ந்த சில முதலாளிகளில் அவரும் ஒருவர். அவருக்கு நம்ம அஞ்சலியை செலுத்திடுவோம். அவர் குறித்து விகடன் ஊழியர்கள் உட்பட ஊடகவியலாளர்கள் அனைவரும் நிறைய பதிவு செய்துட்டாங்க. இணையம் உட்பட எல்லா ஊடகங்க‌ளிலும் வந்திருக்குது."

"ஆமாம்.அந்திமழையில் ஜி.கவுதம் ஒரு இரங்கற்பா எழுதியிருந்ததையும் படிச்சேன்."

"விகடன் முதலாளி மறைவை ஒட்டி 'தமிழ் இந்து'நாளிதழ் வெளியிட்ட ஒரு கட்டுரை சர்ச்சை ஏற்படுத்தியதுன்னு சொன்னாங்களே..? "அன்பரசு.

"ஆமாம். சமஸ் சில வாரங்களுக்கு முன் செய்த அவரது நேர்காணல் ஒன்றை விகடன் பாலசுப்ரமணியம் இறந்த மறுநாள் வெளியிட்டு 'எனக்குப் பிடித்த பத்திரிகை குமுதம்-விகடன் பாலசுப்ரமணியம் கடைசிப் பேட்டி அப்படின்னு தலைப்பு வைத்திருந்தாங்க."

"இது கண்டிக்கப்ப‌ட வேண்டிய குசும்பு தான். ஒருத்தர் மறைவுக்குப் பின் வரும் அவரது பேட்டியில் வெற்றுப் பரபரப்பை உண்டாக்கும் கோக்குமாக்கான தலைப்பைத் தவிர்த்திருக்கலாம். "

"நிச்சயமா. தமிழ் இந்து ஆசிரியர் அசோகனும்  நடுப்பக்க பொறுப்பாளர் சமசும் இதன்னால விகடன் மேல்மட்ட ஆட்கள் எல்லோர் கிட்டயும் கடுமையா திட்டு வாங்குனாங்க."

"இதன் காரணமா சமஸ் துக்க வீட்டிலும் ஒரு ஓரமா அமைதியா, கவுண்டமணியிடம் திட்டு வாங்கின நடிகர் செந்தில் மாதிரி ஒருவித பாவமான‌ முகத்துடன் இருந்தார். இதை விட இன்னொரு முக்கியமான விஷயம் விகடனின் நீண்ட நாள் ஊழியர்,ஆ.வி.ஜு.வி.போன்றவற்றின் முன்னாள் ஆசிரியர் அசோகன் கடைசி வரைக்கும் இறப்பு வீட்டுக்கு வரலைன்னு சொல்றாங்க.

"உண்மை தானா..? நம்பவே முடியலை..எதுக்கும் சரி பார்த்துக்கங்க..எதிரிகளானாலும்  இறப்புக்கு வந்து அஞ்சலி செலுத்துவது தானே நம்ம மரபு. இங்கோ வேலை கொடுத்த முதலாளி கூட...!"

"அது நம்மைப் போன்றவர்களுக்கு. இன்னொரு முக்கிய விஷயம்.இன்னைக்கு 'தி இந்து' ஆசிரியர் பொறுப்பு அசோகனுக்கு கிடைத்ததற்கும் மறைந்த பாலசுப்ரமணியம் தான் காரணம்."

"அப்படியா..? "

தனது ஊழியர்களுடன் விகடன் எம்.டி.மறைந்த பாலசுப்ரமணியம்


"ஊழல் காரணமாக விகடனில் அசோகனுக்கும் சீனிவாசனுக்கும் பிரச்சனை வந்த பின்னால் அசோகனை மொத்தமா வெளியே தள்ள இப்ப இருக்கும் முதலாளி சீனிவாசன் முடிவு செய்யுறார்.அப்ப பாலசுப்ரமணியம் தான் அவரைக் காப்பாற்றி பதிப்பாளரா இருந்துட்டு போகட்டுமுன்னு சீனிவாசன் கிட்ட சொல்லி காப்பாத்துறார்.

அதுக்கு பிறகு சில காலத்தில் 'தி இந்து' தமிழ் ஆரம்பிக்கும் பொழுது தன்னை ஆசிரியர் பொறுப்புக்கு ப‌ரிந்துரைக்க பாலசுப்ரமணியத்திடம் அசோகன் சொல்றார். அவரும் என்.ராமிடம் தனக்கு இருக்கும் நட்பை பயன்படுத்தி இவரைப் பரிந்துரை செய்யுறார்.அதனால் தான் இவரை விட திறமையானவர்கள் நிறையப் பேர் பரிசீலனையில் இருந்தாலும் இவருக்கு லக் அடிக்குது. அதற்குப்பிறகு விகடன் பதிப்பாளரை விட்டு வெளியேறுறார். இன்றைக்கோ தனது இந்த நிலைக்கு காரணமானவர் மறைவுக்கு கூட போகலை. "

" நீங்க சொல்றதை நம்பவே முடியலை. எதுக்கும் சரி பார்த்துடுங்க.என்னடா உலகம் இது.நன்றி கெட்ட மனிதர்கள்." பார்த்தசாரதி சலித்துக் கொண்டார்.

ளுக்கொரு காபியை ஆர்டர் செய்து விட்டுப் பேச்சைத் தொடர்ந்தார்கள்.



"எந்த தொலைக்காட்சியைப் பார்த்தாலும் இமான் அண்ணாச்சி வர்ற‌ விளம்பரத்துக்கு போட்டியா 'ஜன்னல்- சமூகத்தின் சாளரம்' அப்படின்னு புதிய பத்திரிகை விளம்பரம் வருதே ? அது யாருங்க..புதுசா கிளம்பியிருக்காங்க.? " அன்பரசு அலுத்துக் கொண்டார்.

"யோக்கிய சிகாமணிகளா இங்க வரப்போறானுங்க.புதிய தலைமுறை,மாறன் குடும்பம்,ஜி டிவி,நியூஸ் 7 மாதிரியான கும்பல்கள் மாதிரி தான் இருக்கும். தாங்கள் செய்யும் அயோக்கியத்தனத்தில் இருந்து தங்க‌ளைப் பாதுகாக்க ஆரம்பித்திருப்பாங்க."

அதானே..?

"'ஜன்னல்' பத்திரிகை முதலாளிகள் இதுக்கு முன்னாடி ரியல் எஸ்டேட்,சீட்டு,எம்.எல்.எம். மாதிரி வணிகம் செய்துக்கிட்டிருந்தவங்க.அது தான் இவர்கள் பிழைப்பு.

அதில் கணக்கு வழக்கு இல்லாத பணம். மதுரையில் விசாலட்சுமி மில் ரொம்பப் பழமையானது.அதை நூற்றுக்கணக்கான கோடி கொடுத்து வாங்கியிருக்காங்க.அது மட்டுமல்லாமல் ராமநாதபுரம் மன்ன‌ருக்கு சொந்தமான பல கோடி மதிப்புள்ள நிலம் குற்றால மலையை ஒட்டி இருக்குது.அதையும் வாங்கியிருக்காங்க. நான் சொன்னது ஒரு சில பரிமாற்ற‌ங்கள் தான்.

இவ்வளவு கறுப்பு பணமும் சொத்தும் குறுக்கு வழியில் பத்து வருடஙக்ளுக்குள் வந்தது தான்.அதுக்கு ஒரு பாதுகாப்பு வேண்டாமா என்ன..? அதனால் தான் இப்ப முதலில் வார பத்திரிகை ஆரம்பித்திருக்காங்க.அடுத்து நாளிதழ்,தொலைக்காட்சி,அரசியல் பத்திரிகை என தொடர்ச்சியா ஆரம்பிக்குற திட்டம் இருக்காம்."

" நாட்டைத் குட்டிச்சுவரா ஆக்காமல் விட மாட்டாங்கன்னு சொல்லுங்க. " அன்பரசு

"ரி இவங்க கதை இருக்கட்டும். இதைப் போல புதியதாக இரண்டு நாளிதழ்கள் வரப்போறதா சொல்றாங்களே..?"

ஆமாம்.திருமாவளவன் மற்றும் வைகோ சார்பா ஆளுக்கொரு  தினசரி கொண்டு வராங்க.

"திருமா ஆதரவு நாளிதழுக்கு எஸ்.சரவண‌குமார் ஆசிரியர் ஆகப்போறாருன்னு சொல்றாங்க. ஆனால் கொஞ்சம் தாமதமாகலாம். வைகோ சார்பு நாளிதழை அவர் கட்சியைச் சேர்ந்த இமயம் தொலைக்காட்சி உரிமையாளர் ஜெயராஜ் ஆரம்பிக்கப் போறார்."

"வைகோ செய்தியை தந்தி உட்பட எல்லா முதலாளியும் வரிந்து கட்டித்தானே வெளியிடுவாங்க. அப்புறம் எதுக்கு தனி நாளிதழ்.?" பார்த்தசாரதி.

"அவருக்கும் தந்திக்கும் இப்ப பஞ்சாயத்து இருக்கு.தந்தியின் ராஜபக்க்ஷே ஆதரவு பேட்டியை எதிர்த்து ஆர்ப்ப்பாட்டம் செய்தார்."

நாய் நிகழ்ச்சி நடத்திய‌ ஹரிஹரன்


"ஆமா. தந்தி தொலைக்காட்சி எடுத்த நேர்காண‌லில் இனப்படுகொலை பற்றி ஒரு கேள்வியும் ராஜபக்க்ஷேவிடம் கேட்கலையே..ஏன்..? அவன் சொன்னதை அப்படியே வெளியிட அவனுக்கு பி.ஆர்.ஓ.இருக்காங்க. அதுக்கு எதுக்கு தந்தி டிவியும் ஹரிஹரனும்..?" பெஞ்சமின் கொந்தளித்தார்.

"ஹரிஹரன் நாய், நிகழ்ச்சி நடத்த தான் லாயக்குன்னு தெரியுது. அப்புறம் ஆர்ப்பாட்டம் பண்ணாமல் என்ன செய்வாங்க.?"

"இதுக்கு எதிரா ஆர்ப்பாட்டம் அறிவித்த வைகோ வழக்கமான சடங்கா அது நடக்குமுன்னு எதிர்பார்த்தார். ஆனால் யாரும் எதிர்பாராமல் தினத்தந்தி வளாகத்தில் செருப்பு வீசப்பட்டது. இதனால் தந்தி நிர்வாகத்துக்கு கடும் கோபம்."

"யார் வீசுனாங்க..? "

தந்தி அலுவலகம் முன்பு ஆர்ப்பாட்டத்தில்


"வைகோ,வேல்முருகன் கட்சி ஆட்களை கை காட்டித் தப்பிக்கப் பார்த்தார்.வேல்முருகன் எங்களுக்குத் தெரியலைன்னு பதில் சொன்னார். மொத்தத்தில் இப்ப ரெண்டு பேர் செய்தியும் தந்திக்காரன் போடுவதில்லை."

"இதனால் வைகோ ரொம்ப அப்செட். அதனால் இதர பெரிய ஊடகங்கள் மீது அதிக அக்கறை காட்டுறார்."

"அதனால் தான் தொலைபேசி இணைப்பு முறைகேட்டில் கைது செய்யப்பட்ட மாறன் கூட்டாளிகளை பத்திரிகை ஊழியர்கள் கைதுன்னு திரித்து சொல்லிக் கூச்சமில்லாமல் கண்டனம் தெரிவித்தாரோ..? "

அரசியல்வாதிகளிடம் உண்மையை மட்டும் எதிர்பார்ப்பது மடைமை. அது மட்டுமல்லாமல் கே.டி.க்கள் பயன்படுத்திட்டுத் தூக்கி எறியும் இயல்பு உள்ள‌வர்கள்.அவர்களுக்கு ஆதரவு தெரிவிப்பது எதுக்கும் பயனளிக்காது.
 இதனால் தான் தனக்குன்னு புது நாளிதழ் வருவதிலும் அதிக அக்கறை செலுத்துறார்.

தந்தி ஆர்ப்பாட்டத்தில் நடந்த கல் வீச்சுக்கு வேல்முருகனைக் குற்றம் சாட்டினாலும் அவர் கூடத் தொடர்பில் தான் இன்னும் இருக்கார். 'இம‌யம்' தொலைக்காட்சிக்காக வைகோ நேர்காணலையும் வேல்முருகன் செய்திருக்கார்.

வைகோ வை நேர்காணல் செய்யும் வேல்முருகன்.
பக்கா அரசியல்வாதிகள் முன்பு அடக்க ஒடுக்கமாக வியப்புடன், சூழல் 'போராளி' கோ.சுந்தர் ராஜன்.


" ம்ம்ம்.அரசியல் வாதிகள் யாரும் யாருடனும் சேர்ந்துக்கிடலாம். ஆனால் 'பூவுலகின் நண்பர்கள்' என்.ஜி.ஓ.நடத்துற‌வங்க, பாழாய்ப்போன அரசியல்வாதிகள் பின்னாடி எதுக்குப் போறாங்க..?

என்.ஜி.ஓ.ஆரம்பிக்கும் பொழுது தங்களை வித்தியாசமா காட்டிக்கிட வேண்டியது. அப்புறம் ஊடகங்களின் துணையுடன் ஒரு அடையாளம் கிடைத்தவுடன், எதற்கும் விலை போகத் தயாராய் இருக்கும்,மக்கள் பிரச்சனைகளின் போராட்டத்தை நீர்த்துப்போகச் செய்யும் அரசியல் வாதிகளுடன் தனிப்பட்ட உறவைப் பேணுவது என திட்டமிட்டு நடந்து கொள்கிறார்கள். இதுக்கு முன்னாடி வைகுண்டராஜன் டிவி அலுவலகம் சென்று வந்தார் என நாம் ஒரு புகைப்படத்துடன் கூடிய செய்தி வெளியிட்டிருந்தோம். இப்படியே போனால் அதிகார வர்க்கத் தொடர்பு அடுத்து எளிதில் கிடைக்கும்.

"நல்லாத் தான் இருக்கு சூழலைக் காக்கும் நிகழ்ச்சி நிரல்."

ழக்கம் போல் தாமதமாய் வந்த காபியை எடுத்துப் பருகிக் கொண்டே பெஞ்சமின் ஆரம்பித்தார்.

 "தினமலர் நாளிதழ் மாற்றத்தைக் கவனிச்சிங்களா..?"

"ஆமாம். 'தினமலர்' தனது வாசகர்களை 'தமிழ் இந்து' கவர்ந்து விடக்கூடும் எனும் எண்ணத்தில் தினமும் ஒரு துறை குறித்த செய்திகளை ஒரு பக்க இணைப்பா வழங்குது. மகளிர்,சினிமா,கல்வி,பெண்கள்,அறிவியல் பகுதி என பலதுறைகள் குறித்தும் எளிய நடையில் மிக அருமையா இருக்குது. தொடர்ந்து படிக்கிறேன்."

"அப்படியா ? நானும் பார்க்குறேன். "

அவர்களும் புதியதாய் சில பத்திரிகைகள் ஆரம்பிக்கப்போறாங்கன்னு சொல்றாங்களே..?

ஆமாம். 'அலப்ஸ்' அப்படின்னு பேராம்.இன்னொரு பத்திரிகை 'புதிய அலை' என்றும் சொல்றாங்க.

அதுக்காய் கவுதம சித்தார்த்தனைத் தேர்ந்தெடுத்திருக்காங்க. சிறு பத்திரிகை நடத்தி வந்த அவர் 'குமுதம் தீராநதி'யில் பணியாற்றினார். இப்ப 'தினமலரில்' இணைந்திருக்கிறார்.

"அலப்ஸ் பேரப்பாரு.'தினமலர்' காரன் வைக்குற தலைப்பு மாதிரி கேவலமா இருக்கு."

ம்.அவங்க பங்குக்கு அவங்க ஆரம்பிக்கட்டும்.

'தி இந்து'  தமிழ் நாளிதழ் செய்தி எதுவும் உண்டா..?

"வெள்ளி,சனி,ஞாயிறு அன்று விலை 6 ரூ.ஆக்கிட்டாங்க. விற்பனையில் முதல் நிலையில் இருக்கும் தினத்தந்தி,தினகரனே விலை குறைவு தான். இவங்க கொடுக்கும் பக்கங்களை விட அதிகம் தர்றாங்க. ஆனா தினமணியுடன் போட்டி போடும் 'தி இந்து'  விலையை உயர்த்தியிருக்குது. இந்த நிலையிலேயே இப்படின்னா விற்பனை இன்னும் அதிகமாச்சுன்னா இவங்க வச்சது தான் விலைன்னு ஆகிடும். "

"விளம்பரம் அதிகம் வராததினால் தான் இந்த நிலை என நினைக்கிறேன். அதுக்கு நம்ம பாக்கெட்ல எதுக்கு கை வைக்கணும்.?"

காபி காலியானது .




'விகடன் விருதுகள்' பார்த்தீர்களா..?

ஆமாம். பார்த்தேன். எது நடந்தாலும் எவ்வளவு திட்டினாலும் கொஞ்சமும் கூச்சமே இல்லாமல் அவங்க கம்பெனி சீரியலுக்கு அவங்களே அவார்டு கொடுக்கும் கேவலம் மட்டும் நிக்கவே இல்ல. இந்த முறையும் அவங்க நிறுவன தெய்வமகள் சீரியலுக்குத் தான் விருது.

அதுவும் இல்லாமல் 'விஜய் டிவி' திவ்யதர்ஷினிக்கு தொடர்ந்து நான்கு வருசமா சிறந்த தொகுப்பாளினி விருது கொடுத்துக்கிட்டிருக்காங்க. விகடன் ஒட்டுமொத்த டீமும் இதுல  பாரபட்சம் இல்லாமல் சொக்கிப்போய்க் கிடக்காங்க போல தெரியுது. கொஞ்சம் தெளிந்து மற்ற தொகுப்பாளினிகள் நடத்துற நிகழ்ச்சியையும் பார்க்கணும்.

அதுவும் இல்லாமல் 'சிறந்த தொலைக்காட்சி சேனல்' அப்படின்னு 'சன் மியூசிக்' சேனலுக்கு அவார்டு கொடுத்திருக்காங்க. 'சிறந்த பொழுதுபோக்கு சேனல்' அப்படின்னு கொடுத்திருந்தா சரியா இருந்திருக்கும்.

10 க்கும் மேற்பட்ட செய்தி தொலைக்காட்சிகள் இருக்கும் பொழுது 'சன் மியூசிக்' சிறந்த சேனலாத் தேர்ந்தெடுத்திருப்பது அபத்தமா இருக்கு. பொழுதுபோக்கும் சேனலை விட பிற துறைகள் குறித்த சேனலுக்கு முக்கியத்துவம் கொடுக்கலாம்.



"க்கீரன் படிச்சீங்களா..வர வர ஆபாச மேட்டர் தான் கவர் ஸ்டோரியா வருது."

"ஆமாம் நடிகை விந்தியா காதல் தோல்வி, நடிகை ஸ்ரீ திவ்யா செல்பி அப்படின்னு."

"அதிலும் நடிகை ஸ்ரீ திவ்யா அரை குறை ஆடை செல்பி மேட்டர் எழுதி நாட்டுக்கு கொணர்ந்த‌து யாரு தெரியுமா..?"

" யாரு..? "

நிருபர் மனோ சவுந்தர்.



ஆமாம். அவர் குறித்துக் கேள்விப்பட்டிருக்கேன். அந்தாளுக்கு எதுக்கு இந்த ஆபாச வேலை. இதுக்கு வேற வேலைக்கு போகலாமே..?

"அவரை விட புதிய தலைமுறை இதழில் நிருபராய் பணியாற்றும் அவர் மனைவி வினி ஷர்ப்னா பெரிய புர்ர்ரட்சியாளர் தெரியுமா..? "

ஓ.

ஆமாம். முகநூலில் எழுதுவார். படிச்சா புல்லரிக்கும்.சுகிதா ராஜினாமா தொடர்பா கலகக்குரலில் எழுதிய  ஒரு செய்திக்காய் இவனுங்களுக்கெல்லாம் புத்தி வராதுன்னு நம்மைக் கடுமையா எழுதினார்.

 தான் காதலித்து மணம் செய்து கொண்ட‌ கணவர், இன்னொரு பெண்ணின் அந்தரங்கம் குறித்து புகைப்படத்தோடு கேவலமா எழுதிய‌துக்கு எதிரா எப்படி பொங்குவாரு..? 'நக்கீரன்  கோபால்' தலைமையில் தான் மனோவை இவர் திருமணம் செய்து கொண்டார். பெண்ணின் அந்தரங்கத்தை வெளியிட்டு அவரை அசிங்கப்படுத்தியதுக்காய் ஒன்னு கண‌வரைச் சாத்தணும் அல்லது இப்படிப்பட்ட ஆளைத் திருமணம் செய்துக்கிட்டதுக்காய் தன்னைத் தானே சாத்திக்கணும்.

எல்லாம் சரிதான்.
நடிகையின் அந்தரங்கத்தை எழுதி வெளியிட்டதற்கு என்ன தண்டனை..?
ரெண்டு பேரும் பேசி முடிவுக்கு வாங்க.


// ஸ்ரீதிவ்யா இது தொட‌ர்பாய் புகார் கொடுத்தால் கண்டிப்பாய் காவல் துறை கடும் நடவடிக்கை எடுக்கும் என சைபர் கிரைம் பிரிவு காவல்துறை அதிகாரி கருத்து தெரிவித்தார் என மனோ எழுதியிருக்கார்.//

" நடிகை ஸ்ரீ திவ்யா புகார் கொடுத்தால் கண்டிப்பாய் எழுதிய மனோவையும் வெளியிட்ட‌ கோபாலையும் தான் காவல்துறையினர் அரஸ்ட் பண்ணி லாடம் கட்டுவாங்க. ஆனால் நடிகை ஸ்ரீ திவ்யா கொடுக்க மாட்டாங்க அப்படிங்குற கொழுப்பில் தான் இப்படிப்பட்ட செய்திகள் வருது. "பெஞ்சமின் கடுப்பைக் காட்டினார்.



" குமுதம் இதழில் குஷ்பூ,பாக்யராஜ்,வைரமுத்து,அனிருத்,ராஜேஷ்குமார் என பிரபலங்கள் அணிவகுப்பு அதிகமா இருக்குதே..? கவனித்தீங்களா..?"  பார்த்தசாரதி

"ஆமாம். தனது வாசகர்களை தக்க வைப்பதோடு மட்டுமல்லாமல் புதிய வாசகர்களையும் குமுதம் அதிகரிச்சுக்கிட்டே இருக்குது.  விகடன் தொடர்ந்து இரண்டாம் இடத்தில் தான் இருக்குது. ஆனால் ஆ.விகடன் மீட்டிங்ல  தொடர்ந்து முதலிடத்தில் இருப்பதாக சொல்லிக்கிட்டே இருக்காங்க. விகடன் எடிட்டோரியலில் இருப்பவர்களும் அதை அப்பாவியா நம்பிக்கிட்டு  இருக்காங்க."



புதிது புதிதா ஆரம்பிக்குற பத்திரிகைகள் பத்திரிகைகள் பத்தி பேசினோம். 25 வருடமா வந்துக்கிட்டிருந்த 'இந்தியா டுடே' தமிழ் பதிப்பு நிறுத்தப்படுதுன்னு சொல்றாங்களே..?

"ஆமாம்.நீண்ட நாளா சொல்லிக்கிட்டிருந்தாங்களாம். இப்ப முடிவு கட்டி மூட்டை கட்டப்போறாங்களாம்."

ம். அங்கே வேலை செய்யும் பத்திரிகையாளர்களுக்கு என்ன நிவாரணம் கொடுத்தாங்கன்னு தெரிய‌லை. தமிழ்,மலையாளம்,தெலுங்கு உட்பட எல்லா பதிப்பும் சேர்த்து பல்வேறு பிரிவுகளிலும் ஏறக்குறைய 200க்கும் மேற்பட்ட ஊழியர்கள் இதனால் நிர்க்கதியாய் இருக்காங்க..

அசோசியேட் எடிட்டர் கவிதா முரளிதரனை வேலைக்கு எடுத்து 3 மாதம் கூட ஆகலை. பூட்டப்போற கம்பெனிக்கு ஆசிரியர் பொறுப்புக்கு எதுக்கு ஆள் எடுக்கணும் ? அவங்க வேலையையும் பாழாக்கிட்டாங்க.

இனி பாதிக்கப்பட்ட தொழிலாளர்கள் என்ன செய்யப்போறாங்கன்னு தெரியலை. தொழிற்சங்க நிர்வாகங்கள் இதற்கு எதுவும் நடவடிக்கை எடுக்கப் போறாங்களான்னு தெரியலை."

ஒரு பத்திரிகை மூடிட்டது பத்திக் கவலைப்படுறோம். அதைப்போல நிகழ்ச்சி ஒன்னு நிறுத்தப்பட்டு பணி செய்த ஊடகவியலாளர்கள் வெளியே எறியப்பட்டது குறித்து யாருக்கும் கவலை இல்லை.இன்னும் சொல்லப்போனால் செய்தியே வெளியே வரலை.

என்னாச்சு..?



'புதிய தலைமுறை' தொலைக்காட்சியில் 'ரவுத்திரம் பழகு' அப்படின்னு ஒரு நிகழ்ச்சி.

" பெயரே ரொம்ப டெரரா இருக்கே..? "

"ஆமாம்."

திடீருன்னு அந்த நிகழ்ச்சியை ஊத்தி மூடிட்டாங்க. அது மட்டும் இல்லாமல் நிகழ்ச்சியில் பணி புரிந்த 30 க்கு மேற்பட்டவர்களை வீட்டுக்கு அனுப்பிட்டாங்க.

என்னய்யா அநியாயமா இருக்குது..? அந்த நிகழ்ச்சியை நிறுத்திட்டா என்ன..? அவங்க தொலைக்காட்சியில் எத்தனையோ நிகழ்ச்சிகள் ஒளிபரப்பாகுது. கைவசம் 3 சேனல் இருக்குது. எத்தனையோ வேலைகள் இருக்குது. அதில் இவர்களைச் சேர்த்துக்கிடலாமே..? இவ்வளவு நாள் வேலை பார்த்தவங்க இப்ப நடுத்தெருவில் நிற்பாங்களே..?

"அதான்.பிற‌ ஊடகங்களில் நிம்மதியா வேலை பார்த்துக்கிட்டிருந்தவங்களை அதிகச் சம்பளம் பேசி ஆசை காட்டி அழைத்துட்டு வந்துட வேண்டியது. ,புதிய இடத்தில் கிடைத்த அதிக சம்பளத்தில் தங்கள் வாழ்க்கை முறையை சொகுசா மாற்றிக்கிட்ட கொஞ்ச காலத்தில், அவர்களை தூக்கி எறிந்துட வேண்டியது. நிம்மதியாய் செய்துக்கிட்டிருந்த வேலையும் போய் நிர்க்கதியாய் நடுத்தெருவில் நிற்குறாங்க."

"ஐ.டி.ஊழியர்கள் மட்டுமில்ல.ஊடகத்துறையிலும் இது தான் நிலை. அதிலும் புது ஊடகக் காரர்களான புதிய தலைமுறை போன்ற மன்னராங் கம்பெனிகள் வந்த பின்பு இது அதிகமாய் காணப்படுகிறது.

டி.சி.எஸ்.போன்ற நிறுவனங்களில் காணப்படும் ஆட்குறைப்பு பற்றி ஊடகங்களில் நிபுணர்கள் நரம்பு புடைக்க விவாதிக்கிறார்கள். ஆனால் ஊடகங்களில் நடக்கும் இது போன்ற அநியாயங்களை விவாதிக்க நாதி இல்லை. புதிய தலைமுறை வேலை பறிப்பு நடந்து 2 மாதங்கள் ஆகப்போகுது.ஒரு சத்தமும் இல்லை."

அதானே ? அதிலும் 'புதிய தலைமுறை'யில் நிகழ்ச்சிகளுக்கு வைக்கும் பெயரைப் பாருங்கள்.'ரவுத்திரம் பழகு','நேர்பட பேசு','புதுப்புது அர்த்தங்கள்'.
ஆனால் நடப்பதோ நேர் எதிர்.

'ரவுத்திரம் பழகு' நிகழ்ச்சியில் வேலை பார்த்தவங்க உண்மையில் ரவுத்திரமா நடநதிருந்தா ஒரு முடிவு தெரிந்திருக்கும்.

காபிக்கு பணமும் டிப்சும் கொடுத்து சபை கலைந்தது.

Sunday, 8 February 2015

தினமலர் முதலாளி மருமகனின் மோசடி.. !

(2012 டிசம்பர் பதிவு. எழுத்துப்பிழை சரிசெய்யப்போய் தவறுதலாய் மறுபிரசுரம் ஆகி விட்டது.)


ஊர் உலகத்திற்கெல்லாம் நேர்மை,நியாயம்,அறம் இன்னபிற  போதிக்கும் தினமலர் பத்திரிகையின் முதலாளி மருமகன் மீது கோடிக்கணக்கான ரூபாய் மதிப்புள்ள  மோசடி குற்றச்சாட்டு சுமத்தப்பட்டு அவர் மீதும் அவரது சகாக்கள் மீதும்  கடையநல்லூர் காவல் நிலையத்தில் முதல் தகவல் அறிக்கை பதிவு செய்யப்பட்டுள்ளது.

தினமலர் நிறுவனர் ராமசுப்பையருக்கு  வேங்கடபதி,லட்சுமிபிபதி,ராக‌வன்,கிருஷ்ணமூர்த்தி,சத்தியமூர்த்தி என ஐந்து ஆண் வாரிசுகள் இருக்கின்ற‌னர்.தினமலரின் பத்து பதிப்புக்களும் இவர்களுக்குள் பிரிக்கப்பட்டிருக்கின்றன.ஒவ்வொருவரின் கட்டுப்பாட்டிலும் இரண்டு பதிப்புக்கள் இருக்கின்றன.
மூத்தவரான வேங்கடபதியின் கட்டுப்பாட்டிலும் உரிமையிலும் திருநெல்வேலி,நாகர்கோவில் தினமலர் பதிப்புகள் உள்ளன.அவருக்கு இரண்டு மகள்கள்.அவரின் மூத்த மருமகன் மீது தான் இப்பொழுது மோசடிக்குற்றச்சாட்டு பதிவு செய்யப்பட்டுள்ளது.

ராமசுப்பைய்யர் தபால்தலை வெளியிட வருகை தரும் கருணாநிதியை வரவேற்க காத்திருக்கும் தினமலர் முதலாளிகள் 


நில மோசடி,பிளாக்மெயில்


புகார் மனு


முதல் தகவல் அறிக்கை

தினகரன் செய்தி


இந்தச் செய்தியை நாம் நினைத்தது போல் பொய்மையின் உரைகல்லான  தினமலர் வெளியிடவில்லை.

யாரையும் குறை சொல்லவும் குற்றம் காணவும் விமர்சிக்கவும் குறைந்தபட்ச யோக்கியதையும் அருகதையும் தகுதியும் தினமலர் நாளிதழுக்கு இருக்கிறதா என்ன..?

Friday, 23 January 2015

சிறுமிகளைச் சீரழித்து ஆணுறை விற்கும் இந்தியா டுடே

சிதையும் குழந்தைமை,ஜெயமோகன்


வ்வொரு பத்திரிகையும் தங்கள் குறித்த‌ சில விஷயங்களைப் பெருமிதமாய்ச் சொல்வார்கள்.

தாங்கள் தான் முதன்முதலில் போபர்ஸ் ஊழலை வெளிக்கொணர்ந்தோம், வீட்டு வசதி வாரிய  முறைகேட்டினை அம்பலப்படுத்தினோம், இந்த நிகழ்ச்சியைத் தொடர்ச்சியாய்ச் செய்து வருகிறோம் என்று, அவர்களுக்கு அதில் உரிமை இருக்கிறதா இல்லையா என்பதைத் தாண்டி உரிமை கோருவார்கள்,அதில் பெருமிதமும் சாதித்து விட்ட திருப்தியும் வெளிப்படும்.

ஆனால் இந்த 'இந்தியா டுடே'காரர்களுக்கோ வேறு விதமான உரிமை கோரல்.

பாலியல் இச்சைகளின் ஆய்வுகள் தொடர்பான நீண்டகால உரிமை கோரல் தான். தாங்கள் தான்  11 ஆண்டுகளாக தொடர்ச்சியாக தேசத்தின் தலையணை பேச்சுகளை படம் பிடித்துக் காட்டி வருகிறோம் எங்க‌ளை விட யாருக்கு இதில் தகுதியும் அனுபவமும்  இருக்கிற‌து என . உங்களுக்கு இது வக்கிரமாகவும் கழிசடையின் பிறப்பிடமாகவும் தெரியலாம்,ஆனால் அவர்களுக்கோ அது பெருமிதம்.

ஆனால் அவர்களுக்கே இந்த வழக்கமான பள்ளிய‌றை, கழிப்பறை பாலியல் தொடர்பு ஆய்வுகள்,இட்டுக்கட்டல்கள் அதைத்தொடர்ந்த  பூச்சுகள் அலுத்து விட்டதா என்று தெரியவில்லை.புதிய‌ வெரைட்டியைத் தேடியிருக்கிறார்கள்.

அதனால் தான் வழக்கமான ஆண்- பெண் உறவுகள் தொடர்பான ஆய்வு முடிவுகளைத் தங்களது விற்பனை யுக்தியாய் பயன்படுத்தாமல் இந்த முறை பதின்பருவத்தினர் குறித்த பாலியல் ஆய்வுகள் என்று சொல்லிக் கொண்டு பள்ளியில் படிக்கும் சிறுவர் சிறுமிகள் தொடங்கி  கல்லூரி மாணவ மாணவிகள் வரையிலான  பாலியல் தேர்வுகளை,விருப்பங்களையும் அது குறித்த முடிவுகளை ஆய்ந்தறிவதாகச் சொல்லி 'பதின்பருவத்தில் பூக்கும் காமம்' எனத் தலைப்பிட்டு வெளியிட்டு இருக்கிறார்கள்.

வக்கிரம் பிடித்தவனுக்கு பெற்ற தாய்க்கும், பிள்ளைக்கும், மனைவிக்கும் வித்தியாசம் தெரியாதது போல 'இந்தியா டுடே' காரர்களுக்குத் தெரிய‌வா போகிறது..? விற்பனைக் கச்சாப் பொருளாக எந்தச் சதை கிடைத்தால் என்ன..? அது மனைவியினுடையதானால் என்ன மகளுடையதானால் என்ன..? நமக்கு கல்லா கட்டணும்,சந்தையில் தொடர்ச்சியாய் நிற்க வேண்டும்.தனது உயர்தட்டு வாசகர்களின் வக்கிரத்துக்குத்  தீனி போடணும்.அவ்வளவு தான்.

சனவரி (16-21)2015 நாளிட்ட இதழில் இந்த 'ஆய்வுகள்' மட்டும் மொத்தம் 24 பக்கங்கள்.

இதனைத் தாங்கிய முகப்பு அட்டை. 'பதின்களில் பூக்கும் காமம்'

முகப்பு கட்டுரையின் முதல் பக்கத்திலேயே ஒரு சிறுமி தனது உடைகளைக் களைந்து விட்டு தன்னை விட‌ சற்று வயது அதிகமான‌ ஆணுடன் கட்டித்தழுவி உடலுறவில் இருப்பது போல ஒரு படம் வரையப்பட்டிருக்கிறது. அருகில் அந்த சிறுமியின் பள்ளிக்கூடப்பையும்,பள்ளிச் சீருடையும் கிடக்கிறது.

அதன் தொடர்ச்சியாக 'காதல் வேண்டும் புதிய பதின் பருவ‌த்தினர்,' 'செக்ஸ் பற்றிப்பேசும் நேரம் இது சரியா ?,' 'செக்ஸ் அகராதி-இளசுகளின் வார்த்தைகள்,' 'வளாகத்தில் விளையாட்டுகள்,' 'தொலைந்த பிள்ளைகள்,' 'எல்லாமே இணையத்தில்,''மூன்று நகரங்களின் கதை,' 'கூர் தீட்டப்படும் அழகு,' 'உண்மை தரும் துணிவு,' 'பெருஞ்சுவர் - எல்லைகளை மீறி' என கட்டுரைகள்

ஒவ்வொரு செய்திப்பதிவின் தலைப்பை மட்டும் யாரும் பார்த்தால் முற்போக்கு ஹோல்சேல் குத்தகை எடுத்தது போலத்தெரியும்.விஷயம் படித்தால் காறித்தான் துப்ப முடியும்.





வ்வொரு பகுதி குறித்தும் சில வார்த்தைகள் குறிப்பிட வேண்டுமென்றால்,

'காதல் வேண்டும் புதிய பதின் பருவ‌த்தினர்,'பகுதியில் பள்ளி-கல்லூரி மாணவிகளிடையே,

அ)   10 ஆம் வகுப்பு படிக்கும் சிறுமியர்களில் எத்தனை விழுக்காடு கன்னித்தன்மை மிக்கவர்கள்..?

ஆ) பள்ளி வளாகங்களில் எத்தனை விழுக்காட்டினர் உபயோகப்படுத்திய ஆணுறைகள் கிடக்கின்றன..?

இ) எத்தனை சிறுவ சிறுமியர்கள் ஆன்லைனில் போர்னோ பார்த்திருக்கிறார்கள்.?

ஈ) கன்னித்தன்மையை மதிப்பவர்கள் எத்தனை பேர்..?

இந்தக் கட்டுரையை 'இந்தியா டுடே' இதழின் துணை ஆசிரியர் தமயந்தி தத்தா எழுதியிருக்கிறார்.



நாம் ஆங்கிலம் கற்க ஆரம்பிக்கும் பொழுது ஏ முதல் இசட் வரை ஒவ்வொரு எழுத்துக்கும் ஒரு வார்த்தை குறிப்பிடப்பட்டிருக்கும்.

ஆனால் 'இந்தியா டுடே' இதழோ தில்லி பல்கலைக்கழகத்தில் முதுகலைப் பட்டம் பெற்ற‌வர்கள் தொகுத்த 'இளசுகளின் அகராதி' எனத் தலைப்பிட்டு ஒன்றை வெளியிட்டுள்ள‌து.

இதன் படி A பார் ஆப்பிள் அல்ல, தான் படுக்கையைப் பகிர விரும்பும் ஆண்ட்டியை சிறுவன் குறிப்பதாகச் சொல்லும் சொல்லின் முதல் எழுத்து என்கிறது.

G என்பது got if  என்பதன் சுருக்கமாம் அது.

அதாவது வாய்ப்புக் கிடைத்தால் குறிப்பிட்ட நபருடன் படுப்பாயா ? என்பதைக் கேட்கப் பயன்படுத்தும் சங்கேத வார்த்தை என்கிறது. ஆங்கிலத்தில் பெயர்கள் குறிப்பிட்டிருக்கின்றன. தமிழில் பிரியா,ரமேஷ் என இரண்டு பெயர்களைச் சூட்டியிருக்கிறார்கள்.

K என்பதன் விரிவாக்கம் காமசூத்ராவாம். 69 பொஷிசனின் சுருக்கமாம் அது.

S  என்பது எப்பொழுதும் செக்சுக்குத் தயாரானவரைக் குறிக்கும் எழுத்தாம்.

W என்பதன் விரிவாக்கம் விங்மேன் என்பதன் சுருக்கமாம். அதாவது பாலியல் தரகராம்.

இப்படிக் கஷ்டப்பட்டு 'அகராதி' உருவாக்கியிருக்கிறார்கள்,ஆனால் தொகுத்தவர்களின் பெயர் குறிப்பிடக்கூட இல்லை. எடிட்டோரியல் டீம் இதனைச் செய்திருக்கும் போல.


டுத்து -'டீன் ஏஜ் வாக்குமூலம்' என்று தலைப்பிட்டு இன்னொரு பகுதி.

எதையும் அறியாத ஒரு 'பச்சைக்குழந்தை' அனைத்தையும் அறியும் நோக்குடன் ஒரு ஆய்வைச் செய்யத்தொடங்கியதாகவும் அதன் முடிவு என்ன என்றும் எழுதியிருக்கிறார்கள்.

எங்கு வைத்து உடலுறவு வைத்துக்கொள்வீர்கள்..? எப்பொழுது வைத்துக் கொள்வீர்கள்..? சுய இன்பம் காண்பதற்கு சராசரி வயது மாணவிகளுக்கும் மாணவர்களுக்கும்  என்ன..? மாணவிகளுக்கு சுய இன்பத்தில் திருப்தி உண்டா..?
 24 மணி நேரத்தில் எத்தனை முறை உடலுறவு கொள்ள முடிந்தது ? எத்தனையாவது முறையிலிருந்து வலிக்க ஆரம்பித்தது என்பன போன்ற‌ அனைத்தையும் எழுதி விட்டு இதனை 'பச்சைக்குழந்தை' ஆய்வு செய்ததாகவும்,இந்த ஆய்வின் மூலம் பல தயக்கங்களை உடைத்ததாகவும்,இது குறித்து  தீவிரமாக விவாதிக்க முடிந்ததாகவும் எழுதியிருக்கிறார்கள்.



டுத்து 'தொலைந்த பிள்ளைகள்' என்றொரு பகுதி.

பள்ளி மாணவிகள் பற்றியது. உடல் உறவின் பொழுது, எத்தனை விழுக்காடு பேருக்கு உடைகள் களையப்பட்டது,மார்பகங்களை எத்தனை விழுக்காடு தொடப்பட்டது..? வாய்வழி புணர்ச்சி எத்தனை விழுக்காடு..? பேச்சு மட்டும் எத்தனை விழுக்காடு..?சுய இன்ப விழுக்காடு போன்ற 'அரிய' தகவல்களுடன் ஆய்வு முடிவுகள்.

'செக்ஸ் பற்றிப்பேசும் நேரம் இது சரியா ?' என்ற கட்டுரையை 'இந்தியா டுடே' சீனியர் எடிட்டர் 'காயத்ரி ஜெயராமன்' எழுதியுள்ளார்.

'எல்லாமே இணையத்தில்' என்ற தலைப்பின் கீழ் என்றொரு பகுதி. இந்தப்பகுதிக்கு ஆங்கில பதிப்பில் can you see the boobs ? எனத் த‌லைப்பிட்டிருக்கிறார்கள். ஒட்டு மொத்த இதழிலும் ஆங்கிலத்துக்கும் தமிழுக்கும் இது போல சிறு சிறு வித்தியாசம் தான்.

இணையத்தொடர்பு எவ்வளவு பாதகங்களை உருவாக்குகிறது என்று சொல்லிவிட்டு 9ஆம் வகுப்பு படிக்கும் மாணவி சம்பவம் ஒன்றை எழுதியிருக்கிறார்கள். இதனை 'இந்தியா டுடே' வின் சீனியர் கரஸ்பான்டென்ட் 'மரூஷா முசாபர்' எழுதியுள்ளார்.

டுத்ததாய் 'மூன்று நகரங்களின் கதை' என்றொரு பகுதி. அதில் இந்தியாவின் பழமையான மூன்று நகரங்களின் பள்ளி-கல்லூரி மாணவ மாணவிகளின் பாலியல் விருப்பங்கள்,தேர்வுகள்,உடை,பழக்க வழக்கங்கள் குறித்து ஆராய்வதாகச் சொல்கிறது. இதனை இந்தியா டுடேவின் அசோசியேட் எடிட்டர்களான சுகாரி சிங்,அமிதாப் ஸ்ரீ வத்சவா,ரோகித் பரிகர் ஆகியோர் எழுதியுள்ள‌னர். ஆய்வுக்கு எடுக்கப்பட்ட 19 நகரங்கள் பட்டியலில் தமிழ்நாட்டின் சென்னையும்  இடம் பெற்றுள்ளமையால் அது குறித்து குறிப்பாக எதுவும் இருக்கிறதா எனப் பார்த்தோம். ஆனால் எதுவும் இடம் பெறவில்லை. ஒருவேளை 'இந்தியா டுடே' வின் பிற மொழிப்பதிப்பு எதிலாவது சென்னையின் பள்ளி கல்லூரி மாணவ மாணவிகள் குறித்த இவர்களின் ஆய்வுகள் இடம் பெற்றிருக்கலாம்.இல்லாமலும் இருக்கலாம். (தேடிக்கொண்டிருக்கிறோம்.)

40 ஆயிரம் விலை மதிப்புள்ள செல்போனுக்காக  மகிழ்ச்சியுடன் தன்னை அளித்த‌ பெண் குறித்து விளக்கி விட்டு ஓரிரு சந்திப்புக்குப்பின் அந்த ஆளுடனான உறவை  மற‌ந்து விட்டதையும் எழுதுகிறது. அதைத் தொடர்ந்து தார்மீகச் சிங்கங்களுக்கு இது குறித்துப் பேசினால் எரிச்சல் உண்டாக்கலாம் எனவும் எழுதியுள்ள‌து.

இப்படி பக்கத்துக்கு பக்க‌ம் டீன் ஏஜ் வயதினரின் என்ற பட்டியலில் பள்ளி கல்லூரி மாணவ மாணவியரின் பாலியல் தேர்வு,விருப்பங்கள் என வகை வகையாய் பக்கத்தை நிரப்பியுள்ள‌து இந்தியா டுடே. தாங்கள் சொன்ன விஷயம் படிப்ப‌வர்களுக்குப் புரியாமல் போய் விடுமோ என்ற 'அக்கறையில்' வரைபடங்கள்.'ஈர்க்கக் கூடிய ' தலைப்புகள்.

ங்கில புது வருடத்தின் இரண்டாவது இதழை இப்படி வெளிக்கொணர்ந்து தனது தேக்கமான விற்பனை நிலையைச் சரிக்கட்டி இருக்கிறது. வழக்கமாய் செவ்வாய்க்கிழமை இரவு வரை கடையில் கிடைக்கும் இந்தியா டுடே இதழானது இந்த முறை கடைக்கு வந்த ஞாயிறு மாலையே விற்றுத் தீர்ந்து விட்டது. இந்த சர்வே எப்படியும் 3 மாதங்கள் அதன் விற்பனையைத் தக்க வைக்கும். (அடுத்து இருக்கிறது இன்னொரு சர்வே.! சிறுவ சிறுமியர்களிடையே அதிகரித்து வரும் ஓரினச் சேர்க்கை என ஒன்றை எடுத்து விட்டால் கிடக்கிறது.எவன் கேட்கப் போகிறான்..?)

பள்ளி,கல்லூரி மாணவிகள் எப்படி உடலுறவு கொள்கிறார்கள்,அதில் மார்பைத்தொடுவது எத்தனை விழுக்காடு../ வாய்வழிப்புணர்ச்சி எத்தனை விழுக்காடு என்பது ஒரு ஆய்வு. ( இதனை எடுத்தார்களா இல்லையா என்ற கேள்வியே இங்கு அனாவசியம்.)அதற்கு ஒரு கவர் ஸ்டோரி. இதற்கு எடிட்டோரியல் குழு.

இது தான் இந்தியாவின் நம்பர் ஒன் செய்திப் பத்திரிகை எனச் சொல்லிக்கொள்ளும் 'இந்தியா டுடே'வின் வழக்கமான லட்சணம். இந்தியாவைப் புரிந்து கொள்ள இதைப்படிக்க வேண்டுமாம்.

இது தான் அவர்கள் கட்டமைக்க விரும்பும் இந்தியா.

*****



ந்தியா முழுவதும் குழந்தைகள் உட்பட இளம் பிராயத்தினர் மீதான பாலியல் சீண்டல்கள், தாக்குதல்கள் முன் எப்பொழுதையும் விட மிக அதிக அளவில் அதிகரித்த வண்ணம் உள்ளன. 'இந்தியா டுடே' இதழே சில இதழ்களுக்கு முன் 'சிதையும் குழந்தைமை' என ஒரு முகப்புக் கட்டுரையை வெளியிட்டது. இன்றோ சிறுவ சிறுமிகளின் பாலியலை கதைகளாகவும் ஆய்வுகளாகவும் அகராதியாகவும் எழுதி எஞ்சியுள்ள‌ பெரும்பான்மை சிறார்களை பாலியல் விருப்பத்துக்குள் தள்ளி விடும் வேலையைத் திட்டம் போட்டுச் செய்கிறது.

பண்பாட்டிலும் கலாச்சாரத்திலும் சீரழிந்த நிலையை உருவாக்கி, மிக மிகக் குறைந்த விழுக்காட்டினரின்  செயல்களை ஆய்வு என்று அதற்கு நாமகரணம் சூட்டி ஒட்டுமொத்த சமூகத்தின் நடவடிக்கையாக மாற்றி அதனை விற்பனைப் பொருளாக்கி காசு பார்க்கத் துடிக்கிறது வக்கிர 'இந்தியா டுடே' கும்பல். இதுவரை தனது விற்பனைப்பொருளாக பெண்களைப் பயன்படுத்தி வந்த இதழ் இப்பொழுது இளம் பிராயத்தினரைப் பயன்படுத்த தொடங்கி இருக்கிறது.



இந்த இதழில் கண்துடைப்புக்காகவாவது  ஏதாவது மனநல மருத்துவர்,குழந்தைகள் நல நிபுணர் யாரிடமாவது கருத்து வாங்கி மாணவ‌,மாணவிகள் மீதான தனது 'அக்கறையை' வெளிப்படுத்தி இருப்பார்கள் என எதிர்பார்த்தோம். ஆனால் அப்படி எதுவும் இல்லை. அதற்குப் பதிலாக பக்கத்துக்குப் பக்கம்  ஆணுறை விளம்பரங்கள். வயதான ஆண்களுக்கு எழுச்சியை உண்டாக்கும் Vacurect சாதன விளம்பரமும் பல‌ வண்ண‌த்தில் இருக்கிறது.

அப்படியானால் தங்க‌ள் நோக்கம் என்ன என்பதை வெளிப்படையாகப் பறைசாற்றுகிறது.

எதை வலியுறுத்துகிறது 'இந்தியா டுடே'..?

இதனைப் படிக்கும் இரு தரப்பினரும்  சக பாலினரை   என்ன மனநிலையில் அணுகுவார்கள்..? பெண்களின் மீதான தாக்குதலை எதிர்க்கும் மனநிலையுடன் பயிற்றுவிக்கப்படுவானா அல்லது சந்தர்ப்பம் கிடைக்கும் பொழுது தனது இச்சைக்கு அவர்களைப் பயன்படுத்த நினைப்பானா..?

அது மட்டும் இல்லாமல் ஒட்டுமொத்த பிரச்சனையையும் 'இந்தியா டுடே' 'கொண்டாட்ட' மனநிலையுடன் அணுகுகிறது. அதனால் தான் ஊதாரித்தனமான செலவுக்காய் 3 ஆண் நண்பர்களுடன் உறவு வைத்திருக்கும் பெண் குறித்துக் கூறும் பொழுது இவரின் செயல் தார்மீகச் சிங்கங்களுக்கு எரிச்சலை உண்டாக்கலாம் என நக்கலாய் எழுதுகிறது.

பெண்கள் மீதான பாலியல் தாக்குதல்களிலாவது அவர்கள் தங்களுக்கு இழைக்கப்ப‌டும் தீங்கு குறித்து தெரிந்திருக்கின்றனர். அதனை எதிர்கொள்ள ஓரளவுக்காவது மன வலிமையும் உடல் பலமும் இருக்கிறது.

ஆனால்  சிறுமிகள் மீதான பாலியல் தாக்குதலை எதிர்கொள்ள அவர்களுக்கு எந்த வடிவத்திலும் உரிய பக்குவம் இருப்பதில்லை. ஆனால் அத்தகைய வன்முறையையும் அவர்கள் மீதான பாலியல் சீண்டலையும் 'இந்தியா டுடே' திட்டமிட்டு உருவாக்க நினைக்கிற‌து.

ஆபாச பத்திரிகையை சட்டப்படி இந்தியாவில் பதிவு செய்ய முடியாது. ஆனால் 'இந்தியா டுடே' போன்ற பத்திரிகைகள் அத்தகைய வேலையைத் தான் மறைமுகமாய்ச் செய்கின்றன.  இத்தகைய பத்திரிகைகளைத் தடை செய்வது தான் சரியாக இருக்கும். அதற்கான கோரிக்கைகள் இனி வலுப்பெற வேண்டும்.



டைம்பாஸ்,வண்ணத்திரை,சினிக்கூத்து இதழ்கள் கூட இப்படிப்பட்ட மனநிலையை உருவாக்க முனைவதில்லை. தங்கள் விற்பனைப் பொருட்களாக பெண்களுடன் மட்டும் நிறுத்திக் கொள்கின்றனர்.ஆனால்  'இந்தியா டுடே' பதின்பருவத்தினர் எனச் சொல்லிக் கொண்டு சிறுவ சிறுமியர்களை வைத்து அருவருப்பான இதழை வெளியிட்டிருக்கிற‌து.

இந்த செக்ஸ் சர்வே முழுவதும் டெல்லியில் இருந்து முடிவு செய்யப்பட்டு ஒட்டு மொத்த இந்தியா முழுமைக்கும் 'இந்தியா டுடே' இதழில் ஒன்று போல் வெளியிடப் பட்டிருக்கின்றன.

இதில் குறிப்பாகத் தமிழ்நாட்டுப் பெண்களையும் (தென்னக வார்த்தை என லாவகமாய் சொல்லியிருக்கிறார்கள்) மிக இழிவு படுத்தியிருக்கிறார்கள்.

இளசுகளின் அகராதியில், UB என்பது பின்னாலிலிருந்து கவர்ச்சியாகவும் முன்னால் அப்படி இல்லாமலும் இருக்கும் பெண் என்று எழுதியிருக்கிறார்கள். பெண்களை மிக இழிவுபடுத்தியதற்காய் தமிழ்நாட்டு பெண் முற்போக்காளர்கள் எனச் சொல்லப்படுவோர் 'இந்தியா டுடே' சென்னை அலுவலகத்தை இதற்காய் முற்றுகையிட வேண்டும். எழுத்தாளர் ஜெயமோகன் விமர்சனத்துக்கு எதிராய், சாரை சாரையாய் அணிவகுத்து பக்கம் பக்கமாய் எழுதி கொடி பிடித்த‌ பெண் 'போராளிகளில்' ஒரே ஒருத்தர் கூட 'இந்தியா டுடே' போன்ற ஊடகத்தை எதிர்த்து முணுமுணுக்க கூட மாட்டார்கள் என்பது தான் கசப்பான உண்மை.

சிலர் நினைக்கலாம் தமிழ் பதிப்பு எடிட்டோரியலில் பெண்கள் முக்கிய பொறுப்பில் இருக்கிறார்கள்.அசோசியேட் எடிட்டர் கவிதா முரளிதரனும்,அசோசியேட் காப்பி எடிட்டர் கவின் மலரும் முற்போக்காளர்கள் என இலக்கிய உலகிலும்,முகநூலிலும் அறியப்படுபவர்கள் அவர்களை மீறி எப்படி இதுவெல்லாம் வந்தது என ? அப்படி நினைத்தால் நினைப்பவர்கள் ஊடக அறியாமையில் இருக்கிறார்கள் எனலாம்.

காவல் நிலையத்தில் மகளிர் காவலர்கள் இருப்பதானலேயே அங்கு செல்லும் பெண்கள் மீதான  மீதான வன்முறைகள்,தாக்குதல்கள்,பாலியல் கொடுமைகள் நின்றுவிட்டனவா.. என்ன..? அது போலத்தான் இங்கும்.

'இந்தியா டுடே' இந்த இதழில் இடம்பெற்றுள்ள வக்கிரமான கட்டுரைகள் டெல்லியில் இருந்து முடிவு செய்யப்பட்டவை,எங்களுக்கும் அதற்கும் தொடர்பு இல்லை  என வாதிடுவது சரியாகாது. அருண் பூரி தலைமையிலான  தமிழ் பதிப்பு எடிட்டோரியலில் இருக்கும் அசோசியேட் எடிட்டர் தமிழ்ப் பதிப்பில் வெளிவந்தமைக்கு பதில் சொல்லக் கடமைப்பட்டவர் தான்.

india today editor arun purie,kavitha muralidharan,kavin malar
இந்தியா டுடே சீப் எடிட்டர் அருண் பூரி


ந்தியாவைப் புரிந்து கொள்ள 'இந்தியாடுடே' வைப்படிக்க வேண்டுமாம்.

'இந்தியா டுடே' வர்க்கத்தைச் சார்ந்தவர்கள் பிரதிபலிக்கும் இந்தியாவிலிருந்து தான் இந்தக் கட்டுரை உருவாகியுள்ளது.எந்தச் சமூகத்தில் இருந்து வந்தார்களோ அதன் வக்கிரத்தைப் பிரதிபலிக்கிறார்கள்.

'இந்தியா டுடே'வின்  மேட்டுக்குடியினர் முன்பெல்லாம் பணத்தை அள்ளி இறைத்து அவர்களுக்குப் பிடித்த அழகிகளையும் அல்லது வாய்ப்பிருந்தால் திரை நட்சத்திரங்க‌ளையும்  தங்கள் இச்சைக்குப் பயன்படுத்துவார்கள்.அதற்குத் தோதான தரகர்களை வைத்திருப்பார்கள்.

இப்பொழுது அவர்களுக்குத் தங்களது வழக்கமான விருப்பங்கள் சலித்து விட்டது.அவர்கள் இப்பொழுது தங்களின் வக்கிரத்துக்குத் தீனி போட விரும்புகிறார்கள். அவர்கள் விரும்புவதெல்லாம் புத்தம் புதிய மலர்கள் தான். அதனால் தான் கல்லூரி,பள்ளி மாணவிகளை நோக்கித் தங்கள் வக்கிரப்பார்வையைத் திசை திருப்பியிருக்கிறார்கள்.இது தான் அவர்களின் இப்பொழுதைய விருப்பம்.அதற்கு என்ன விலை கொடுக்கவும் ,எந்த எல்லைக்கும் செல்லவும் தயாராய் இருக்கிறார்கள். அதற்கான புரோக்கர்களும் இருக்கிறார்கள். இது மேல் மட்டத்தில் சமீப ஆண்டுகளாய் நடந்து கொண்டு தான் இருக்கிறது.

அவர்களின் இந்த வக்கிரத்தை பொதுத்தளத்தில் கடைசிக் கட்டம் வரைக்கும் கொண்டு போய் திட்டமிட்ட பண்பாட்டுச் சீரழிவை உருவாக்க நினைக்கும் செயலைத்தான்  'இந்தியா டுடே' செய்கிறது.அதன் விளைவு தான் இந்த இதழ். இதன் தொடர்ச்சியாய் இன்னும் பல வடிவங்களில் பல ஊடகங்களில் வரும்.

பெண்களிடமிருந்து விலகி சிறுமிகளை நோக்கி விபச்சாரத் தரகர்கள் தங்கள் பார்வையைத் திருப்பியிருக்கிறார்கள்.

படுக்கையறை செக்ஸ் ஆய்வுகளை ஓரம் கட்டி விட்டு பள்ளிகளில் நடக்கும் பாலியல் ஆய்வுகள் என 'இந்தியா டுடே' கவர் ஸ்டோரி வெளியிடுகிறது.

விபச்சாரத் தரகர்களின் செயல்பாட்டிலிருந்து 'இந்தியா டுடே' வேலை மாறுபட்டிருக்கலாம்.

ஆனால் தன்மை ஒன்று தான்.

தொடர்புடைய இணைப்புகள்

http://kalakakkural.blogspot.in/2014/10/blog-post_27.html

http://kalakakkural.blogspot.in/2013/03/blog-post.html

அம்பை-பெண் வெறுப்பு என்றொரு நீண்ட படலம் 

Wednesday, 24 December 2014

விகடனில் ப்ரியா தம்பி - "இவர் பிழைப்பு, அவர்கள் உழைப்பு " ..!

ப்ரியா தம்பி

டகங்களில் தகுதி,திறமை,அனுபவம் எல்லாம் இரண்டாம் பட்சம் தான். நிர்வாகம் அல்லது எடிட்டோரியலில் உயர் பொறுப்பில் இருப்பவர்களுடன் சாதி,நட்பு தொடங்கி என்ன காரணம் என்று அறுதியிட்டுச் சொல்ல முடியாத வண்ணம் வரைக்குமாக  ஒவ்வொருவரும் ஒருவித வலைப்பின்னலில் கோர்த்துக்கொண்டு தங்களது தகுதிக்கும் திறமைக்கும் எட்டாத  உயரத்தைப் பிடித்து விடுகின்றனர். இது  எப்பொழுதும் நடப்பது தான் என்றாலும் இப்பொழுது மிக அதிகமாய் நடக்கிறது.

உயர் பொறுப்பில் இருப்பவரின் நட்பும், கூச்சமில்லாமல் சுயமரியாதையற்று லாபி செய்யும் குறுக்குப் புத்தியும் அறிந்தால்,எவ்விதத் தகுதியுமற்ற ஒருவர் உயரே ஏறி உச்சாணிக்கொம்புக்கு வர முடியும் என்பதை அம்பலப்படுத்தும் பதிவு இது.

"ப்ரியா தம்பி' என்பவர் விகடன் குழுமத்தில் இருந்து வெளியாகும் 'டாக்டர் விகடனுக்கு' பொறுப்பாசிரியராய் ஒரு மாதத்திற்கு முன்பு நியமிக்கப்ப‌ட்டுள்ளார்.

இது பற்றிய செய்திக்குச் செல்வதற்கு முன் பிறிதொரு சம்பவத்தைப் பார்ப்போம்.

சென்னை பெருநகர குற்றவியல் நீதிமன்ற வளாகம், எழும்பூர். முதல் மாடி.

சென்னை பெருநகரத்தில் வசிக்கும்,பத்திரிகை நடத்த விரும்பும் 'பண்பாளர்கள்' அனைவரும் இந்த நீதிமன்றத்தில் தான், புது டில்லி  RNI அலுவலகத்தினால் ஒப்புதல் அளிக்கப்ப‌ட்ட தங்களது பத்திரிகையின் பெயரைப் பதிவு செய்ய வேண்டும்.அதன் பின் தான் பத்திரிகையை அச்சிட்டு வெளியிட முடியும்.

பதிவிற்கென‌ சில நடைமுறைகள் உள்ளன‌.

அதில் முக்கியமானது,பத்திரிகை வெளியீட்டாளர் ஒரு படிவமும்,அச்சிடும் அச்சக உரிமையாள‌ர் ஒரு அறிவிக்கை படிவத்தையும்  நிரப்பி சமர்ப்பிக்க வேண்டும்.

பத்திரிகை பெயர்,விலை, வெளியிடும் மொழி,முகவரி,ஆசிரியர் பெயர்,பதிப்பாளர் பெயர்,உரிமையாளர் பெயர்,காலம்,அச்சிடுபவர் பெயர் உட்பட அனைத்து விபரங்களையும் நிரப்பிய‌ படிவம் (FORM1 ) வெளியீட்டாளரால் அளிக்கப்படும்.

அச்சக உரிமையாள‌ர் கொடுக்கும் ஒப்புகைப் படிவத்தில், தான் குறிப்பிட்ட பத்திரிகையை அச்சிடுவதாக இருக்கும். இந்த அறிவிக்கையானது section 6,Press and registration of books act 1867 இன் படி உள்ள நடைமுறை. எந்த மொழி பத்திரிகை என்றாலும் இரண்டு படிவங்களும்  ஆங்கிலத்தில் இருக்கும்.

நிரப்பப் பட்ட இரண்டு படிவங்க‌ளையும் நீதிமன்ற‌த்தால் இதற்காக நியமிக்கப்ப‌ட்ட முதல் மாடியில் இருக்கும் அலுவலரிடம் கொடுத்த பின் அது பட்டியலில் இடப்படும். பெரும்பாலும் பதிவு செய்யும் நடைமுறை  வேலை நாட்களில் நீதிமன்றம் காலை 10.45 க்கு துவங்கியதும் முதல் அலுவலாக நடைபெறும் வழக்கம் இருக்கிறது.

பதிவுக்கு, ஒரு நாள் முன்பே இந்த படிவங்கள் அனைத்தும் நீதிமன்ற‌ அலுவலரிடம் சமர்ப்பிக்கப்பட்டு தவறுகள் திருத்தப்படுவதால், சமர்ப்பிக்கப்படும் படிவத்தில் பெரும்பாலும் தவறுகள் இருக்க வாய்ப்பு இல்லை. நீதிமன்றத்தில், சம்பிரதாயமான கேள்விகள் மட்டும் கேட்கப்படுவதாலும் சிக்கல் இல்லை.

என்று நமது பதிவு நாள் பட்டியலில் இடப்படுகின்றதோ அன்று, மாஜிஸ்டிரேட் முன்பு கூண்டில் ஏறி நின்று வெளியீட்டாளரும்,அச்சக உரிமையாளரும் ஒருவர் பின் ஒருவராக‌ பத்திரிகை குறித்த தகவலைக் கூறிப் பதிவு செய்யும் நடைமுறை இருக்கிறது. சில நேரம், மாஜிஸ்திரேட் எழுப்பும் வினாக்களுக்கு உரிய பதிலை கூற வேண்டும். (அதில் அவருக்குத் திருப்தி இல்லையென்றால் பதிவு அன்று நிறுத்தப்படும்.)

பெரும்பாலும் பதிவு எளிது முடிந்து விடும்.

னி விஷயத்துக்கு வருவோம்.

வழக்கம் போல் ஒரு அலுவல் நாள். சென்னை முதன்மை பெருநகர குற்றவியல் நீதிமன்றம்.எழும்பூர்.நீதீமன்ற அறை எண்.12.காலை நேரம்  10.45.

வழக்கமான நடைமுறையில் இல்லாமல், நீதிமன்ற அலுவல் துவங்க இருக்கும் சிறிது நேரத்துக்கு முன்பு ஒரு பத்திரிகையின் பதிவுக்கான ஆவணங்கள் சம்பந்தப்பட்ட அலுவலரிடம் கொடுக்கப்ப‌டுகிறது. நீதிமன்ற அலுவலரும் பதட்டத்தில் அவசர அவசரமாய் எதனையும் சரிபார்க்காமல் அனுமதிக்கிறார்.

வழக்கறிஞர்களும் தங்கள் வழக்குக்காய் வந்தவர்களாலும்,அலுவலர்களாலும் நீதிமன்றம் நிரம்பி இருக்கிறது.

வழக்கம் போல் முதலில் பத்திரிகை பதிவு நடைபெற ஆரம்பிக்கிறது.

பதிவுக்கான பத்திரிகையின் விபரம் இது தான்.

Oli vilakku.  Rs.10. Hindi magazine. Monthly 

'ஒளி விளக்கு' என்னும் இந்தி மொழி மாத பத்திரிகை.விலை ரூ.10. முதலில் வெளியீட்டாளர் கூண்டில் ஏறி நிற்கிறார்.


(இந்த பத்திரிகையைப் பொறுத்த வரை  வெளியீட்டாளர் தான் எடிட்டர் பொறுப்பையும் வகிக்கிறார்.)

விண்ண‌ப்ப படிவ‌ம் தப்பும் தவறுமாய் இருக்கிறது.இதை ஆங்கிலத்தில் இப்ப‌டி எழுதி இருக்கிறார்கள்.

'ol vilakku விலைக்கு நேரே ரூ.1014 என்று இருக்கிறது.

மாஜிஸ்திரேட் படித்து விட்டு கோபமாகிறார்.

மாஜிஸ்திரேட்,பத்திரிகை பெயர் என்ன ? .

ஒளி விளக்கு.

"அப்படியா..? இங்கு அப்படி எழுத வில்லையே ?"

எதனால் இப்படிக் கேள்வி எழுகிறது என்பது தெரியாததால் இந்தக் கேள்விக்கு வெளியீட்டாளர் தடுமாறுகிறார்.

என்ன விலை ?

ரூ.10.

அங்கோ Rs..10/- என்பதற்குப் பதில் 1014 என்று இருக்கிற‌து. இந்தப் பதிலும் கடும் எரிச்சலை உண்டாக்குகிறது.

"நீதிமன்றத்தில் சமர்ப்பிக்கப்படும் ரெண்டு பக்கத்தையே தப்பில்லாமல் ஒழுங்கா எழுதத் தெரியலை.நீங்க எப்படி 50 பக்கம் பத்திரிகை தயாரிப்பீங்க.? " என்று சொல்லி விட்டு அடுத்ததாய் பத்திரிகை அச்சிடுபவரை அழைக்கச் சொல்கிறார்.

வெளியீட்டாளருக்கு ஏற்பட்ட நிலையைப் பார்த்து,அவர் என்றுமில்லாத பயத்துடன் கூண்டில் ஏறுகிறார்.

வழக்கமான கேள்வி எதுவும் இல்லாமல் அச்சிடுபவரிடம் மாஜிஸ்திரேட் கேட்ட முதல் கேள்வி.

"உங்களுக்கு இந்தி எழுதப் படிக்கத் தெரியுமா..?"

அச்சிடுபவர் தயங்கித் தயங்கி,"எனக்கு ஹிந்தி கொஞ்சம் புரியும். பேசினால் ஓரளவுக்குப் புரிந்து கொள்வேன்"

கேட்ட கேள்விக்குப் பதில்."ஹிந்தி எழுதப்படிக்கத் தெரியுமா..?"

"தெரியாது." பளிச்சென உண்மையை ஒப்புக் கொள்கிறார்.

"அப்படின்னா இந்த பத்திரிகையை எப்படி படித்துப் பார்த்து அச்சிடுவீங்க.?  என்ன எழுதுகிறார்கள் என்பதை தெரியாமல் எப்படி நீங்கள் அச்சிடலாம்..? இது தவறுக்கு வழி வகுக்கும். இது சட்டப்ப‌டி தவறு. முதலில் இந்தி நன்கு படித்து விட்டு வாருங்கள். அதன்பின் பத்திரிகையை நீங்கள் அச்சிடலாம்."

 அந்தப்பத்திரிகை அன்று பதிவு செய்யப்ப‌டவில்லை. நிராகரிக்கப்படுகிறது.

இனி நாம் கட்டுரைக்கு வருவோம்.

இதனை அப்படியே பொருத்திப்பாருங்கள்.

ஒரு பத்திரிகையில் அச்சிடுபவரை விட ஆசிரியருக்கு முதன்மைப்பொறுப்பு இருக்கிறது. பொறுப்பாசிரியர் நியமிக்கப்ப‌ட்டால் அனைத்துப் பொறுப்பும் அவரைச் சார்ந்து விடுகிறது.

பத்திரிகையில் எதைப் பிரசுரிக்கலாம் என முடிவு செய்வதும்,அதை யாரிடம் இருந்து பெறலாம் என முடிவு செய்வதும்,அதன்பின் பிரசுரத்துக்காய் வரும் படைப்புகளைச் சரி பார்ப்பதும்,அதில் இருக்கும் பிழைகளையும் தவறுகளையும் சுட்டிக்காட்டித் திருத்துவதும்,வந்துள்ள கட்டுரை போதுமான விவரங்கள், தகவல்களுடன் இல்லாத பட்சத்தில் கூடுதல் விபரங்களைக் கோரிப்பெறுவதும் தான் பொறுப்பாசிரியரின் பணி.

மேற்கண்டவற்றைச் செய்வதற்கு, இதழ் எந்த உள்ளடக்கத்தைக் கொண்டிருக்கிறதோ அத்துறை குறித்த ஞானம் கொண்டிருக்க வேண்டும். இதழுக்குப் பங்களிப்பவர்கள் எது குறித்து எழுதுகிறார்களோ அத்துறை குறித்த விஷயங்களைத் தெரிந்திருக்க வேண்டும்.அரசியல் பத்திரிகை என்றால் அரசியல் ஞானமும்,திரைத்துறை குறித்த பத்திரிகை என்றால் அத்துறை குறித்த விஷயங்களையும் தெரிந்திருக்க வேண்டும்.

தினமணி ஆசிரியர் பொறுப்பு வகித்த‌ திரு.சம்பந்தமோ,தினகரன் ஆசிரியர் பொறுப்பு வகித்த‌ திரு.கதிர்வேலோ தாங்கள் வகித்த பொறுப்பை உணர்ந்தவர்கள்,அதற்கான தகுதியை உடையவர்கள்.இது போல‌ எத்தனையோ பேரை அடையாளம் காட்ட முடியும்.

இவ்வளவு ஏன்? விகடன் குழுமத்தின் அரசியல் பத்திரிகையான 'ஜூனியர் விகடன்' ஆசிரியராய் ப.திருமாவேலன் இருக்கிறார். இவருக்கு இதழில் ஒரு ரிப்போர்ட்டர் எழுதுவதை எடிட் செய்யும்,அதிலிருக்கும் தகவல்களைச் சரி பார்க்கும் திறனும்,தலைப்பு வைப்பதிலிருந்து அனைத்தையும்  செய்யும் வல்லமை  உண்டு. இதழ் முடிக்கும் கடைசி நேரத்தில் ஒரு முக்கிய அரசியல் நிகழ்வு நடக்கிறது என்றால் அது குறித்து அவரே எழுதி அந்தப்பக்கத்தை நிரப்பும் திறமையும் அவருக்கு உண்டு. தமிழ் நாட்டின் அரசியல் சூழல் அவருக்குத் தெரிந்ததனால் அவரால் இதைச் செய்ய முடிகிறது. இதே திருமாவேலனால் மேற்கு வங்காளத்தில் உள்ள ஒரு அரசியல் பத்திரிகைக்கு ஆசிரியராய் நியமிக்கப்ப‌ட்டால் செயல்பட முடியாது என்பது வேறு விஷயம். அங்குள்ள அரசியல் அவருக்குப் பரிச்சயம் கிடையாது என்பது தான் காரணம்.

மேற்கண்டவர்களின் அரசியலில் நமக்கு முரண்பாடுகள் இருக்கலாம். ஆனால் வகித்த பொறுப்புக்குத் தகுதியானவர்கள் தான்.

விகடன் மட்டுமல்ல, எந்த நிறுவனத்திலும் அனுபவம் இல்லாத கத்துக்குட்டிகளை, எடுத்தவுடன் தலைமைப் பொறுப்புக்கு நியமிப்ப‌தில்லை. தினமலர்,தினகரன்,தினத்தந்தி போன்ற நிறுவனங்கள் ஒருவரை தலைமைப்பொறுப்புக்கு நியமிக்கிறது என்றால் அவர் எதற்கு ஆசிரியராய் நியமிக்கப்ப‌டுகிறாரோ அது குறித்து அனைத்தும் தெரிந்தவராகத் தான் இருப்பார். இவ்வளவு ஏன் ஒரு நிருபரைத் தேர்ந்தெடுக்கும் பொழுது எத்தனை கேள்விகள் கேட்கின்றனர்.

இது தான் நடைமுறை.

'பிரியா தம்பி' என்பவர் 'டாக்டர் விகடன்' பத்திரிகையின் பொறுப்பாசிரியராய் நியமிக்கப்ப‌ட்டிருக்கிறார்.

டாக்டர் விகடன்,ரா.கண்ணன்,ப்ரியா தம்பி,குங்குமம் டாக்டர்

பொறுப்பாசிரியர் பணிக்குத் தகுதி உடையவரா 'பிரியா தம்பி'  ..?

'டாக்டர் விகடன்' பத்திரிகை முழுக்க முழுக்க மருத்துவம் சார்ந்தது. வயிற்றில் இருக்கும் கருவிலிருந்து மரணத்தை எதிர்நோக்கி இருக்கும் உயிர்கள் வரை எதிர்கொள்ளும் உடல் நல சிக்கல்கள் அனைத்தையும் அந்த இதழ் விவாதிக்கிறது. மனித உடல்களில் ஏற்படும் பிரச்சனைகளுக்கு ஆலோசனையும்  தீர்வும் சொல்கிறது. இதில் பெரும்பாலானவற்றை மருத்துவத்துறையில் நிபுணத்துவம் மிக்க மருத்துவர்கள் மற்றும் இத்துறை சார்ந்தவர்கள் எழுதுகின்றனர். தங்களது ஆலோசனைகளைச் சொல்கின்றனர். இந்த இதழுக்குத்தான்  பொறுப்பாசிரியராய் 'பிரியா தம்பி' நியமிக்கப்பட்டுள்ளார். ஒட்டுமொத்த பத்திரிகையும் இவரது கட்டுப்பாட்டில் இருக்கிறது.

அவர்கள் எழுதும் கட்டுரையைச் சரி பார்ப்பதற்கும் அவர்கள் எழுதுவதில் தவறு இருந்தால் அதனைச் சுட்டிக்காட்டுவதற்கும், கட்டுரை அதிக பக்கங்கள் இருந்தால் அதனைச் சுருக்கவும், கட்டுரையில் சொல்லப்ப‌ட்டுள்ள‌வைகள் முழுமையாய் இல்லையென்றால் கூடுதலாய் தகவல்களைக் கோரவும் இத்துறையில் பரிச்சயம் இருக்க வேண்டும். இதுவும் போக மருத்துவ உலகில் சமீபத்திய அனைத்தும் அப்டேட்டாக இருக்க வேண்டும்.

நிபுணத்துவம் மிக்க மருத்துவர்களின் படைப்புகளைச் சரி பார்க்க அவர்கள் அளவுக்கு திற‌மையும் அறிவும் இல்லையென்றாலும்,குறைந்த பட்சம் அடிப்படை விஷயங்களாகவது தெரிந்திருக்க வேண்டும். ஆனால் 'டாக்டர் விகடன்' பொறுப்பாசிரிய‌ருக்கோ மருத்துவம் குறித்து எதுவும் தெரியாது. இவர் இதற்கு முன் மருத்துவ இதழ்கள் எதிலும் வேலை பார்க்கவில்லை. அல்லது மருத்துவம் தொடர்பான கட்டுரைகள் எதையும் எழுதவில்லை.

ஆனால் இவர் ஏற்றிருக்கும் வேலையோ 'டாக்டர் விகடன்' என்னும் மருத்துவ இதழுக்கு பொறுப்பாசிரியர்.

இதில் இடம் பெற்றிருக்கும்  கட்டுரைகள் பெரும்பாலானவற்றை எழுதுபவர்கள் புகழ் பெற்ற மருத்துவர்கள். இது எப்ப‌டிச் சரியாகும்..?

 நம் உயிரையும் உடலையும் குறித்து எழுதும் மருத்துவ இதழுக்கு பொறுப்பாசிரியராய் மருத்துவம் குறித்து தெரியாத ஒருவர் நியமிக்கப்ப‌டுகிறார் என்றால் அதன் வாசகனின் உயிர் குறித்து 'விகடன் குழுமம்' மயிர் அளவுக்கும் கவலைப்ப‌டவில்லை எனத் தெரிந்து கொள்ள‌லாம். மற்ற துறை இதழ்களின் நிருபர்களின் தகுதியின்மை போல் இதனை எளிதாய் ஒதுக்கித் தள்ளி விட முடியாது. ஏனென்றால் இது படிப்பவனின் உயிரும் உடல்நலமும் சம்பந்தப்பட்ட விஷயம்.

தண்டு வடப்பிரச்சனை குறித்தோ, நரம்புச்சிதைவு நோய் குறித்தோ,இதய மாற்று அறுவைச் சிகிச்சை குறித்தோ,மார்பகப் புற்று நோய் குறித்தோ,ஸ்டெம்செல் குறித்தோ ஒரு மருத்து நிபுண‌ர் கட்டுரை எழுதுகிறார் என வைத்துக் கொள்வோம்.

அந்தக்கட்டுரையை வெளியிடுவதில் பொறுப்பாசிரியராய் இருக்கும் பிரியா தம்பியின் பங்கு என்ன..? இதைப்பற்றி எதுவுமே தெரியாத இவரால் என்ன செய்ய முடியும்..? எழுதப்பட்ட விஷயங்கள் சரியான முறையில் சொல்லப்பட்டுள்ளதா இல்லையா என்பதை எப்படி முடிவு செய்வார்..? தகவல்கள் போதுமானவையா இல்லையா என்பதை எப்படி முடிவு செய்வார்..? மூன்று பக்க கட்டுரைக்கு நான்கு  பக்க மேட்டர்  வந்தால், அதனை எப்படி கையாள்வார்..?

அவர் எதைச் செய்தாலும் அதும் படிக்கும் வாசகனின் தலையில் தானே வந்து இடியாய் இறங்கும்.எதுவுமே தெரியாத ஒருவர் பொறுப்பாசிரியராய் பணியாற்றுவது படிக்கும் வாசகனின் உயிரைப் பணயம் வைக்கும் ஒன்றுக்கு சமம் இல்லையா..?

இல்லை,இல்லை  பிரியா தம்பி மருத்துவர்கள் எழுதும் இது போன்ற‌ கட்டுரையில் திருத்தமோ,எடிட்டிங்கோ எதுவும் செய்வதில்லை,அதனால் வாசகன் இது குறித்து கவலை கொள்ளத் தேவையில்லை என்று சொன்னால் அவர் வகிக்கும் பொறுப்பாசிரியர் பதவி என்பது அலுவலகத்தில் அமர்ந்து இருக்கும் அலங்காரப் பதவியா.? பதவிக்காக அவர் வாங்கும் நாற்பத்து சொச்சம் ஆயிரம் சம்பளம் என்பது தண்டமா..?

மலையாள சினிமா விமர்சனம் எழுதும் ஒருவரை,தொலைக்காட்சி சீரியலுக்கு வசனம்  எழுதிக்கொண்டிருந்த ஒருவரை டைம்பாஸ் இதழில் பணி செய்யச் சொல்வதில் நமக்குப் பிரச்சனை இல்லை,அல்லது விகடன் நிருபராக பத்தோடு ஒன்றாக பதினொன்றாக‌ பணி செய்யச் சொல்வதில் நமக்குப் பிரச்சனை இல்லை. ஆனால் ஒட்டுமொத்த  டாக்டர் விகடனைத் தாம்பாளத்தில் வைத்து கொடுத்திருக்கிறது விகடன்.

 தெருவுக்குத் தெரு புற்றீசல் போல் முளைத்திருக்கும் மெடிக்கல் ஸ்டோரை நடத்துவதற்கே, குறைந்த பட்சம் பார்மசி படிப்பில்  டிப்ளமோ படித்திருக்க வேண்டும் என சட்டம் சொல்கிறது. ரெண்டு பக்கம் ஒழுங்காய் எழுத தெரியவில்லை,உனக்கு வெளியீட்டாளர் கம் எடிட்டர் பதவி கேடா ? எனவும்,அச்சிடுவதை படிக்கத் தெரியாது எனவே நீ அச்சிடக் கூடாது என நீதிமன்றம் பதிவு செய்ய மறுக்கிறது. ஆனால் கட்டுரையாளர் எழுதுவதை படிக்கத் தெரிந்தாலும் அது பற்றி ஒன்றுமே தெரியாதவர் இங்கு பொறுப்பாசிரியர்.  நீதிமன்றத்தில் குட்டு வாங்கிய ஆசிரியர் நிலையில் இருப்பவர். மருத்துவம் குறித்து எதுவும் தெரியா விட்டாலும்,உள்ளடக்கம் பற்றி எதுவுமே தெரியா விட்டாலும் ஒருவரை பொறுப்பாசிரியராய் விகடன் குழுமமும் ஆசிரியர் ரா.கண்ணனும் நியமிக்கிறார்கள்.

உள்ளே ஒரு அறிவிப்பு இருக்கிறது.

மருத்துவர்களின் ஆலோசனையைப்பெற்றுத்தான் படிப்பவர்கள் செயல்பட வேண்டும் என்று. இதைப்படித்தால் 'புகை உள்ளத்துக்கும் உடலுக்கும் தீங்கானது' என்று அட்டையில் சிறியதாய் அச்சிட்டு விட்டு ஊரெங்கும் உள்ள‌வனின் உயிரைப்பறிக்கும் புகையிலை நிறுவனங்கள் தான் ஞாபகத்தில் வந்து தொலைக்கிறது.

இது தான் 80 ஆண்டு பாரம்பரிய நிறுவனம் எனச் சொல்லிக்கொள்ளும் விகடனின் தரம்.

(விகடன் மட்டுமல்ல 'டாக்டர் விகடன்','குமுதம் ஹெல்த்','குங்குமம் டாக்டர்' என அனைத்து பத்திரிகைகளுக்கும் கட்டுரையின் இந்தப்பகுதி பொருந்தும்.அப்படியே பொருத்திக் கொள்ளலாம்.)

துவரை தகுதியற்ற ஒருவரின் நியமனம் குறித்து நாம் பார்த்தோம். இனி நாம் இந்த நியமனத்தால் பாதிக்கப்ப‌ட்ட விகடன் பத்திரிகையாளர்களைப் பார்ப்போம் .




ந்த  பத்திரிகையிலும் பொறுப்பாசிரியர் பதவிக்கு ஒருவர் வர வேண்டுமென்றால் அவர் நிருபர்,மூத்த நிருபர்,உதவி ஆசிரியர் போன்ற படிநிலைகளைக் கடந்து வர வேண்டும். அனைத்து கட்டங்களையும் கடந்து வந்தால் தான் அவர் தான் வகிக்கும் உயர் பொறுப்புகளில் மிளிர முடியும் என்பதற்காகத் தான் இந்த நடைமுறை. இல்லையென்றால் கத்துக்குட்டிகள் எல்லாம் தலைமைப்பொறுப்புகளுக்கு வந்து விடுவார்கள் அல்லவா..?

வேறு பத்திரிகையில் இருந்து ஒருவர்,இன்னுமொரு பத்திரிகைக்கு வந்தாலும், அவரது பழைய பொறுப்பையோ அல்லது அதற்கு அடுத்த படிநிலையையோ தான் அடைய முடியும்.

நிருபர் பதவி வகித்த ஒருவர் புதிதாய் இன்னொரு நிறுவனத்தில் சேரும் பொழுது அவருக்கு ஆசிரியர் பதவியையோ,பொறுப்பாசிரியர் பதவியையோ யாரும் தருவதை நினைத்துக் கூடப் பார்க்க முடியாது. அதுவும் நாளிதழ்களில் கனவில் கூட நினைக்க முடியாது. பிளாக்மெயில் பேர்வழிகள் நடத்தும் பத்திரிகைகள்,கட்டப்பஞ்சாயத்து நபர்கள் நடத்தும் பத்திரிகைகள் வேண்டுமானால் இப்படிச் செய்யும்.

பாரம்பரிய குழுமம் என்று பெருமை பீற்றிக்கொள்ளும் விகடன் இப்பொழுது இதைச் செய்துள்ளது. இது வரை இப்படி அந்த நிறுவனம் செய்ததில்லை.

அந்த நிறுவனத்தின் ஆசிரியர் பதவி வகித்த அனைவரும் இதுவரை விகடனில் கடைநிலையில் இருந்து தான் முன்னேறி இருக்கின்றனர். இல்லையென்றால் அதற்கான அனுபவத்துடனும் தகுதியுடனும்  பிற பத்திரிகையில் இருந்து வந்திருக்கின்றனர்.

அசோகன்,ரா.கண்ணன்,திருமாவேலன் என அனைவரும் இதைக்கடந்து வந்தவர்கள் தான்.

இவ்வளவு ஏன் ? விகடனின் வெளியீடான டைம்பாஸ் விகடனுக்கு ஆசிரியராய் நியமிக்கப்பட்டுள்ள ரீ.சிவக்குமார் என்ற சுகுணா திவாகர் வரை நியமனம் இப்படித்தான் நடந்துள்ள‌து.

ஆபாசம்,வக்கிரம்,சினிமா,கிசுகிசு,துணுக்கு,ஜாலி உள்ளடங்கிய பத்திரிகைக்கே விகடன் நிறுவனம், அந்த நிறுவனத்தில் நிருபர்,மூத்த நிருபர்,முதன்மை நிருபர் என படிநிலைகளைக் கடந்த ஒருவருக்குத் தான் முறைப்படி பொறுப்பைக் கொடுக்கிற‌து.

இனி விஷயத்துக்கு வருவோம்.

'டாக்டர் விகடன்' பொறுப்பாசிரியர் பதவி காலியாய் சிறிது காலம் இருக்கிறது. இதனை நிரப்ப வேண்டும். அதற்கு 'டாக்டர் விகடன்' வெளியிடுபவரும் ஆசிரியரும், விகடன் நிர்வாகமும் என்ன செய்ய வேண்டும்?

தற்பொழுது டாக்டர் விகடனில் உதவிப் பொறுப்பாசிரியர் பொறுப்பு வகிப்பவர் அதற்கான தகுதியுடன் இருந்தால் அவரை நியமனம் செய்ய வேண்டும்,அல்லது விகடன் குழுமத்தில் இருக்கும் பிற பத்திரிகையாளர்கள் யார் அதற்குத் தகுதியாய் இருக்கிறார்களோ அவர்களை நியமிக்க வேண்டும்,அல்லது வெளியில் இருந்து உரிய தகுதியுடன் ஒருவரை வேலைக்குத் தேர்ந்தெடுக்க வேண்டும்.

ஆனால் இங்கோ விகடனின் அனுபவமிக்க பத்திரிகையாளர்கள் கண்டு கொள்ளப்படாமல் வெளியிலிருந்து 'ப்ரியா நாயர்' பொறுப்பேற்றுள்ளார்.

பத்திரிகையாளராக 'ப்ரியா தம்பி' அனுபவம் என்ன ? அதற்கான தகுதி அவருக்கு இருக்கிறதா..?

கேரள‌ கைரளி நிறுவனத்தில் ஐந்து மாதங்கள். அதன் பின் இடைவெளி,அதற்கடுத்து 'சுட்டி விகடனி'ல் ஒரு ஆறு  மாத காலம்,அதன் பின் 'தமிழ் முரசு' நாளிதழில் நிருபராய் ஒரு எட்டு மாத காலம் (பணி நீக்கம்), அதன் பின் 'கிழக்கு' பதிப்பகத்தில் மிகக் குறைந்த காலம்,அதன் பின் நீண்ட இடைவெளி, அதன் பின் 'குமுதம் ரிப்போர்ட்டரி'ல் சில காலம், அதன் பின் நீண்ட இடைவெளி.

இவ்வளவு தான் இவரது பத்திரிகையாளர் அனுபவம்.

எல்லாவற்றையும் கூட்டினால் துறை அனுபவம்  மூன்று வருட சொச்ச பணிக்காலம் கூட வராது. இவரைத் தான் தொடக்க நிலையிலேயே 'டாக்டர் விகடன்' பொறுப்பாசிரியராய் நிர்வாகம் நியமனம் செய்துள்ளது.

இது எப்படிப்பட்ட முறைகேடு ?

 தகுதி,திறமை,படிநிலை பற்றி இம்மியளவு விட்டுக்கொடுக்காமல் பின்பற்றுவதாய்ச் சொல்லிக் கொள்ளும் விகடன் நிறுவனம் அப்படி என்ன யாரிடமும் இல்லாத தகுதியை ப்ரியா தம்பியிடம்  கண்டுவிட்டது..? தகுதிக்கு என்ன அளவுகோல் வைத்திருக்கிறது.? அதை வெளிப்படையாகக் கூட சொல்ல வேண்டாம். கிசுகிசு பாணியிலாவது செப்புமா..?

அவர் பத்திரிகை பணிக்கு வந்த காலத்தில் இருந்து இன்று வரை தொடர்ச்சியாக இத்துறையில் இருந்திருந்தால் வேண்டுமென்றால் ஒருவேளை அவருக்கு இப்பொறுப்பு கொடுத்திருப்பதில் ஒரு நியாயம் இருப்பதாய் வாதிட முடியும்..? அப்பொழுதும் வாதிடத்தான் முடியும். அது சரியென்று தீர்ப்பு சொல்லி விட முடியாது.

'ப்ரியா தம்பி'யின் நியமனத்தால் டாக்டர் விகடனில் பணியாற்றிய மூவர் பாதிக்கப்பட்டுள்ள‌னர். அதை முதலில் பார்ப்போம்.

பலி கொடுக்கப்பட்டவர்களுக்கு விருந்து-டாக்டர் விகடன் டீம்.

பிரேமா நாராயணன்.

இப்பொழுது உதவிப் பொறுப்பாசிரியராய் பதவி வகிக்கிறார்.டாக்டர் விகடன் ஆரம்பித்ததில் இருந்து அங்கு பணியாற்றி வருகிறார். இவர் தான் பொறுப்பாசிரியராய் நியமனம் ஆகி இருக்க வேண்டும். ஆனால் இவருக்கு நியமனம் மறுக்கப்பட்டுள்ளது. ப்ரியா தம்பியை விட துறை அனுபவம் மிக்கவர்.

எஸ்.ரேவதி.உதவி ஆசிரியர்.

இவர் பல வருடங்களாய் விகடன் குழுமத்தில் பணியாற்றி வருகிறார். அடிமட்டத்தில் இருந்து இந்த நிலைக்கு வந்தவர். விகடனின் வள‌ர்ச்சிக்கு வியர்வையையும், விகடன் குழுமங்களின் தலைவர் மறைந்த‌ பாலசுப்ரமணியம் மனைவிக்கு தனது ரத்தத்தை தானமாகவும் அளித்தவர்.இவரும் ப்ரியா தம்பியை விட இத்துறையில் அனுபவம் மிக்கவர்.

இதற்கடுத்து பா.ப்ரவீண் குமார். 

பா.ப்ரவீண் குமார்

இவரும் 'டாக்டர் விகடன்' ஆரம்பித்ததில் இருந்து இங்கு பணியாற்றி வருகிறார்.பத்திரிகைத் துறையில் 10 ஆண்டுகளுக்கும் மேலாய் இருக்கிறார். இன்னும் சொல்லப்போனால் 'தமிழ் முரசு' நாளிதழில் ப்ரியா தம்பி பணிக்கு வரும் முன்பே 'தினகரனில்' பணியில் இருந்தவர்.

மேற்கண்ட மூவரும் ப்ரியா தம்பியை விட இத்துறையில் அனுபவம் மிக்கவர்கள். இத்துறையை விட்டு வேறு எங்கும் செல்லாதவர்கள். மருத்துவத்துறை குறித்து அதிகமாய்த் தெரியா விட்டாலும் தொடர்ச்சியாய் டாக்டர் விகடன் முதல் இதழிலிருந்து பணிபுரிந்ததன் மூலம் யாரிடம் படைப்புகளை வாங்கலாம்,எந்தப் பிரச்சனைக்கு யார் கட்டுரை சிறப்பாய் இருக்கும் என்பது மட்டுமல்ல,போட்டி இதழ்களின் போக்கையும் அறிந்த அனுபவமிக்க‌வர்கள்.

ஆனால் இவர்கள் அனைவருக்கும் பணி உயர்வு மறுக்கப்ப‌ட்டு ப்ரியா தம்பியை ராஜபாட்டையில் அழைத்து வந்து பொறுப்பாசிரியர் பதவி வழங்கப்பட்டுள்ளது.

இவரது நியமனத்தால் டாக்டர் விகடனில் பாதிக்கப்ப‌ட்டவர்கள் இவர்கள். விகடன் குழுமத்தில் பாதிக்கப்பட்ட சில எடுத்துக்காட்டுகளைச் சொல்கிறோம்.

தமிழ் மகன்.




'தமிழ் மகன்' என்பவர் சென்னையைச் சேர்ந்தவர். 'தினமணி' இணைப்பிதழான கொண்டாட்டம் பொறுப்பாசிரியராய் (பொறுப்பாளராய் )இருந்தவர். ஆனால் அவரோ இப்பொழுது 'ஜூனியர் விகடன்' உதவிப் பொறுப்பாசிரியராய் இருக்கிறார். 'தினமணி'யில் இருந்து விலகி விகடன் குழுமத்தில் சேரும் பொழுதே இப் பொறுப்பிற்குத் தான் தெரிவு செய்யப்பட்டார்.




விகடனை விட பாரம்பரிய இதழான 'தினமணி'யின் இணைப்பிதழில் பொறுப்பாசிரியராய் பணியாற்றியவரையே, உதவிப் பொறுப்பாசிரியருக்குத் தேர்ந்தெடுக்கும் அளவுக்கு கடுமையான அளவுகோல் வைத்திருக்கும் விகடன்,சொற்ப காலம்  துறையில் நிருபராகப் பணியாற்றிக்கொண்டிருந்து விட்டுத் துறையை விட்டு நீண்ட காலம் விலகியிருந்த ஒருவ‌ரை பணிக்குச் சேர்க்கும் பொழுதே, பொறுப்பாசிரியராய் நியமிப்பதற்கு என்ன காரணம்..?
**

னந்த விகடனில் மூத்த நிருபராய்  பணியாற்றும் டி.அருள் எழிலன் என்பவர் குமரி மாவட்டத்தைச் சேர்ந்தவர்.
அருள் எழிலன்


ஆ.வி.நிருபராய் சில ஆண்டுகளுக்கு முன் பொறுப்பு வகித்தார். அதன் பின் அந்த நிறுவனத்தை விட்டு விலகினார். சில ஆண்டுகள் இடைவெளியில் அவர்  மீண்டும் ஆ. விகடனுக்கு வேலைக்கு வந்தார். இடைப்பட்ட காலத்தில் அவர் குங்குமம் வார இதழிலும்,இன்னும் சில இதழ்களிலும் வேலையில் இருந்தார். இடைப்பட்ட காலத்தில் அவர் இத்துறையை விட்டு எங்கும் சென்று விடவில்லை,ஆனாலும் மீண்டும் விகடன் நிறுவனத்தில் சேர்ந்த பொழுது அவருக்கு 'மூத்த நிருபர்' பொறுப்பு தான் வழங்கப்பட்டது. இது அவர் ஏற்கனவே வகித்த நிருபருக்கு அடுத்த நிலை தான். இப்பொழுது ஓர் ஆண்டு பணிபுரிதலுக்குப்பிறகு அவருக்கு 'முதன்மை  நிருபர்' பொறுப்பு கிடைத்துள்ளது.



பாரதி தம்பி


பாரதி தம்பி என்பவர் தஞ்சாவூரைச் சேர்ந்தவர். சில காலங்களுக்கு முன்பு ஆனந்த விகடனில் மூத்த நிருபராய் பணி புரிந்தார். அதன் பின் விகடனை விட்டு விலகி 'சன் டிவி'யில் பணி புரிந்தார். அதன்பின்பு அங்கிருந்து விலகி மீண்டும் விகடனில் வேலைக்குச் சேர்ந்தார். அவருக்கு ஏற்கனவே வகித்த மூத்த நிருபருக்கு அடுத்த நிலையான 'முதன்மை  நிருபர்' பதவி தான் கொடுக்கப்பட்டது. அதன் பின் இப்பொழுது அவர் 'உதவிப் பொறுப்பாசிரியர்' ஆகி இருக்கிறார்.

இவர்கள் எல்லாம் பத்திரிகைத் துறையை விட்டு விலக வில்லை. இவர்கள் திறமைக்கும் குறைவில்லை. ஆனாலும் இவர்கள் எத்தனை வருடம் கழித்து வந்தாலும் இவர்கள் ஏற்கனவே வகித்த பொறுப்பிலோ,அல்லது அடுத்த நிலையிலோ தான் பணிபுரிய அழைக்கப்படுகின்றனர்.

ப்ரியா தம்பியை ஒப்பிடும் பொழுது மேலே சொல்லப்பட்டவர்கள், இத்துறையில் பல வருடங்கள் அதிக அனுபவம் உள்ளவர்கள். இவர்களின் பத்திரிகை அனுபவம் தமிழ் மகனுக்கு 20 வருடமும்,மீதமுள்ளவர்களுக்கு 15 வருடங்களை ஒட்டிய அனுபவமும் இருக்கும்..

நாம் மேலே சொன்ன தமிழ்மகன்,அருள் எழிலன்,பாரதி தம்பி ஆகியோர் நூல்களையும் எழுதியுள்ளனர்.

இவர்களைப் போல் கலீல் ராஜா,'டைம்பாஸ்' இதழின் பொறுப்பாசிரியர் சரண் உட்பட‌ விகடனில் இன்னும் அனுபவமிக்க,திறமைமிக்க  எத்தனையோ பத்திரிகையாளர்களைக் காட்ட முடியும். இவர்கள் எல்லாம் இன்னும் உதவி ஆசிரியர்,மூத்த,முதன்மை நிருபர்,உதவி பொறுப்பாசிரியர் பதவியைத் தாண்ட முடியாமல் இருக்கின்றனர்.

தனது எழுத்தின் மூலம் , நந்திக்கடலில் நாதியற்றுச் செத்துப்போன தமிழனுக்காக‌ படிப்பவர் மனதில் குற்ற உணர்வை  உருவாக்க டி.அருள் எழிலனால் முடியும், உழைப்புச் சுரண்டல் குறித்து பக்கம் பக்கமாய் எழுத பாரதி தம்பியால் முடியும்,கொரிய சினிமாவை ஏமாற்றி தமிழ் திரை உலகினர் படம் எடுக்கிறார்கள் என கலீல் ராஜாவால் அம்பலப்படுத்த  இயலும்.

ஆனால் இவர்களின் உரிமையோ, பணி உயர்வோ 'ப்ரியா தம்பி' போன்றோரால் கண் முன்னே சத்தமில்லாமல் பறிக்கப்படும் பொழுது அறிந்தும் அறியாமலும் கையறு நிலையில் தான் இவர்களால் இருக்க முடியும்.சகித்துக்கொண்டு கடந்து தான் செல்ல முடியும். இவர்கள் எல்லாம் பொறுப்பாசிரியர் ஆவதற்கு இன்னும் எத்தனை யுகம் காத்திருக்க வேண்டுமோ தெரியவில்லை.

னால் மொத்தமே மூன்று வருடத்து சொச்சம் அனுபவம் உள்ள ப்ரியா தம்பி, நீண்ட காலம் துறையில் இல்லாத சீரியல் வசனகர்த்தா ப்ரியாதம்பி   திரும்பவும் துறைக்குள் நுழையும் பொழுதே, பொறுப்பாசிரியராய் நியமிக்கப்ப‌டுகிறார்.  ப்ரியா தம்பிக்கு இவர்களை விட சில ஆயிரம் ஊதியமும் அதிகம்.

துவும் போக‌ பொறுப்பாசிரியர் பதவி என்பது மிகவும் கவுரமானது. இதில் அடிக்கடி ஆட்களை மாற்ற‌ முடியாது. ப்ரியா தம்பியோ ஆறு மாதத்திற்கு மேல் அதிகபட்சம் எட்டு மாதம் இதற்கு முன் எந்த நிறுவனத்திலும் தொடர்ச்சியாக‌ பணிபுரிந்ததில்லை.இவரை நம்பி எப்படி இந்தப் பொறுப்பை விகடன் நிர்வாகம் அளித்தது..?

அடுத்ததாக  முகநூலில் கவனிக்கத்தக்க லைக்கும் கமெண்டும் வாங்குபவர் என்று குஷியாகி வேலைக்கு எடுத்தார்கள் என்று வாதத்துக்காய் வைத்துக்கொண்டால் கூட இவரை விட பல மடங்கு திறமையான டிமிட்ரி இவ்நோவ்ஸ்கியைத் தான் தேர்ந்தெடுக்க வேண்டும்.

ஆக‌ அதுவும் இல்லை. மீண்டும் கேட்கிறோம். என்ன தான் உங்கள் அளவுகோல்..?

அவரிடம் அப்படி என்ன திறமையைக் கண்டனரோ விகடன் நிர்வாகிகளும் அதன் ஆசிரியரும்..? அதற்கு என்ன தேர்வு வைத்தனரோ..? தேர்வின் அளவுகோல் என்ன..? 

**



டாக்டர் விகடனுக்கு சந்தையில் போட்டி இதழ் தினகரன் நிறுவனம் நடத்தும் 'குங்குமம் டாக்டர்'

அங்கு 'வைதேகி' என்பவர் முதன்மை ஆசிரியராய் இருக்கிறார். இவரது ஆசிரியர் நியமனம் ஒரு வருடத்திற்குள்ளாகத்தான் நடந்துள்ளது.

 20 வருடங்களுக்கும் மேலாக அனுபவம் மிக்கவர். இவர் பழைய தினகரனில் இருந்து அங்கு பணியில் இருப்பவர். மிகத்திறமை வாய்ந்தவர்.இன்னும் சொல்லப்போனால் பழைய தினகரன் நடத்திய மருத்துவம் குறித்த 'ஆரோக்யா' இலவச இணைப்பில் பணியாற்றியவர். அதன்பின் குங்குமம் வார இதழின் தலைமை உதவி ஆசிரியர். அதற்குப்பின் 'குங்குமம் தோழி' பத்திரிகை பொறுப்பாசிரியர்.(இவரது தாய் ஒரு எழுத்தாளர் என்பது குறிப்பிடத்தக்கது)

இன்று 'குங்குமம் டாக்டர்' முதன்மை ஆசிரியர்.

 'வைதேகி' 


ஆக ஒருவர் என்ன தான் திற‌மையானவராய் இருந்தாலும் ஒரே நிறுவனத்தில் தொடர்ச்சியாய் பணியாற்றியவராய் இருந்தாலும் 20 வருடங்கள் அனுபவமிக்கவராய் இருந்தாலும் அவர் 'முதன்மை ஆசிரியராய்' நியமிக்கப்ப‌ட இவ்வளவு பணிக்காலம் தேவைப்படுகிற‌து. குறுக்கு வழிக்கோ 3 ஆண்டு காலம் போதுமானதாய் இருக்கிறது.

ஒன்றுக்கு 3 வருட பதவி புரிந்தவர் பொறுப்பாசிரியர். அதன் போட்டி இதழுக்கு  20 வருடங்கள் அனுபவமிக்கவர் முதன்மை ஆசிரியர்.

எந்த பத்திரிகை தரத்துடனும்,சிறப்புடனும் வெளிவரும் என்பதை நீங்கள் முடிவு செய்து கொள்ளுங்கள்.



க எப்பத்திரிகை பொறுப்பாசிரியராய் பொறுப்பு ஏற்றுள்ளாரோ,அதன் உள்ளடக்கம் குறித்த ஞானமும் இல்லை. இன்னொரு புறம் துறை அனுபவமும் இல்லை.

மொத்தத்தில் ப்ரியா தம்பியை நியமித்தது எந்த வகையில் பார்த்தாலும் அதிகார துஷ்பிரயோகத்தின் மூலமும் குறுக்கு வழியில் லாபி செய்ததன் மூலமும் பதவியை அடைந்தது தெரிகிற‌து.


ஏற்கனவே விகடனில் நடைபெற்ற இதுபோன்ற துஷ்பிரயோகத்தை ஒரு பதிவாக எழுதியுள்ளோம். 

தங்களது நிறுவனத்தில் இப்படியான செயல்களை எவ்விதக்குற்ற உணர்வும் இன்றி செய்பவர்கள் தான் அரசியல்வாதிகளையும்,அதிகார மட்டத்தினரையும் கடுமையாய் விமர்சனம் செய்கின்றனர்.

இன்னொருபுறமோ,இப்படிக் குறுக்கு வழியில் அடுத்தவரின் வாய்ப்புக்களைத் தட்டிப்பறித்து தங்களுக்குத் தகுதி இல்லாத இடத்துக்கு தாவி வந்தவர்கள் தான்,பத்திரிகையாளர்கள் என்று கூறிக்கொண்டு அனைவரையும் விமர்சனம் செய்கின்றனர்.

 தகுதியும் திறமையும்  இல்லாமல் குறுக்கு வழியில் பத்திரிகை தலைமையைப் பிடிக்கும் ப்ரியா தம்பி போன்ற இப்படிப்பட்ட 'பண்பாளர்கள்' தான் பொதுவெளியில் நியாயவான்களாக உருமாறுகிறார்கள். எத்துறை குறித்த விவாதம் என்றாலும் அது குறித்து துளியும் தெரியாவிட்டாலும்  கருத்துச் சொல்லவும்,மேடையில் இடம்பிடிக்கவும் முதல் ஆளாய் கிளம்பி விடுகிறார்கள்.ஊடகர் என்றால் பொது வெளியில் இருக்கும் மதிப்பும் ஒளி வட்டமும் இவர்களை மகிழ்ச்சிக்கடலில் ஆழ்த்துகிறது.அதுவும் ஊடகங்களின் எண்ணிக்கை  அதிகரித்துள்ள கடந்த ஐந்தாண்டுகளில் இப்படி 'நியாயவான்களின்' எண்ணிக்கை பல்கிப் பெருகியிருக்கிறது.

சாதியச் சண்டையில் இருந்து திரைப்பட விமர்சனம் வரை, அரசியல்வாதிகள் முதல் அதிகார வர்க்கம் வரை அனைவரையும் நடுநிலைச் சொம்பெடுத்து முகநூல் முதல் தொலைக்காட்சிப் பெட்டி வரை கருத்து வாந்தியெடுக்கிறார்கள். சகட்டுமேனிக்கு விமர்சிக்கிறார்கள்.

இந்த நியமனம் அதன் ஆசிரியர் ரா.கண்ணன் பரிந்துரை மற்றும் விரைவுபடுத்தல் இல்லாமல் துளியும் சாத்தியமில்லை. ரா.கண்ணன் அவர்களே நீங்கள் கை நீட்டிக் காசு வாங்காதவராய் இருக்கலாம். ஆனால் நேர்மை என்பது பணத்துடன் மட்டும் தொடர்பு கொண்டது அல்ல. இப்படி முறையற்ற நியமனத்துக்கு துணை புரிந்ததன் மூலம் நீங்கள் மிகப்பெரிய தவறு இழைத்திருக்கின்றீர்கள்.

டாக்டர் விகடனுக்கு ப்ரியா தம்பியை நியமித்ததன் மூலம்,திறமையான எத்தனையோ விகடன் பத்திரிகையாளர்கள் பணி உயர்வு தடுக்கப்பட்டிருக்கிறது. இன்னொரு புறமோ அறிவார்ந்த டாக்டர் விகடன் வாசகர்களை மூடர்களாக விகடன் குழுமம் கருதியிருக்கிறது,அதனால் அவர்களின் உயிரும் உடல் நலமும் பணயம் வைக்கப்பட்டிருக்கிறது.

தங்கள் நிறுவனத்தில் முறையற்ற நியமனத்தைச் செய்யும் விகடன் தான்,அலைக்கற்றை ஊழல் முதல் பல விஷயங்களில் முறைகேடு நடந்திருக்கிறது என கூப்பாடு போடுகிறது.போலி மருத்துவர்களையும்,அங்கீகாரம் இல்லாத மருத்துவக்கல்லூரி நடத்துபவர்களையும் சாடுகிறது. ஒரு வருட மூப்பு குறைவான ஐ.ஏ.எஸ்.,ஐ.பி.எஸ்.அதிகாரிக்கு பதவி உதவி வழங்கினால் அதை எதிர்த்து கவர் ஸ்டோரி எழுதுகிறது.

இதைச் செய்வதற்கான‌ தகுதி உங்களுக்கு இருக்கிறதா..? உங்கள் மனசாட்சியிடம் நீங்கள் கேட்க வேண்டிய கேள்வி.