Sunday, 30 August 2015

தமிழ்நாட்டில் கால் பதிக்கும் அமெரிக்க அரசின் ஊடகம்..!





சென்னை அண்ணா சாலை ஸ்பென்சர் சிக்னல் அருகே உள்ள ஆவின் பாலகம்.
ஊடகவியாலாளர்கள் பெஞ்சமின், ரவிக்குமார், பார்த்தசாரதி சந்திப்பு.

”ம.தி.மு.க. பொதுச்செயலாளர் திரு. வைகோ தொடங்கும் நாளிதழ் வேலை ரொம்ப மும்முரமா நடக்குதாமே ?” என்றபடியே பெஞ்சமின் உரையாடலைத் தொடங்கினார்.

”ஆமாம். தமிழ்நாட்டில் வாழும் மலையாளிகள் சங்கத் தலைவர், புருஷோத்தமனுக்குச் சொந்தமான, எழும்பூரில் அமைந்துள்ள (EMPEE TOWERS) எம்பி டவரில் மேல் மாடியில் தான் அலுவலகம் வைத்திருக்கிறார்கள். 


'தின செய்தி’  அப்படின்னு பேரு. செப்டம்பர் 15 இல் பேரறிஞர் அண்ணா பிறந்த நாளன்று வெளியிடுவதாகத் திட்டம். எத்தனையோ ஜாம்பவான்கள் முயற்சித்து கைவிட்டது தான் நாளிதழ் நடத்துவது. வைகோ இப்பொழுது புதிதாய்த் தொடங்குகிறார். வெற்றி பெற்றால் மகிழ்ச்சி. இமையம் தொலைக்காட்சி உரிமையாளர் தான் இதன் வெளியீட்டாளராம். இமையம் பப்ளிகேஷன் வெளியீடாக‌ வருதாம். 


டி.எம்.நாயர்,திருமாவேலன்,தின செய்தி,ராஜா திருவேங்கடம்,



ஆனால் உண்மையான எஜமானர் யாரென்பது வைகோவுக்குத் தான் தெரியும்.” ரவிக்குமார் தொடர்ச்சியாகச் சொல்லிக் கொண்டே போனார்.

”வைகோவுக்கு எதுக்கு ’தினத்தந்தி’ அதிக முக்கியத்துவம் தருதுன்னே தெரியலையே? ஒரே ஒரு மதுபானக் கடையை எதிர்த்து வைகோ நடத்திய போராட்டத்தை அதிக முக்கியத்துவம் கொடுத்து  தலைப்புச் செய்தி அளித்து வெளியிடுது. வைகோ வெளியிடும் எந்த அறிக்கை ஆனாலும் அதே வடிவத்தில் சங்கொலி போல் வெளியிடுகிறது. அதே நேரம் சிகரெட்டுக்கு ஆதரவாக வைகோ கொந்தளித்த கருத்தை வெளியிட மறுக்கிறது.  எல்லாச் செய்தியையும் வெளியிடுவது தானே ஊடகத்துக்கு அழகு. இவர்கள் இடையே என்ன ’நெருக்கம்’ என்று தெரியலை.” பார்த்தசாரதி பொருமினார்.

empee distilleries

பெஞ்சமின் ”இதில் என்ன பெரிய சூத்திரம். பத்திரிகை முதலாளிகளின் குரலை ஒலிப்பதற்கும் அவர்களின் திரைமறைவு வேலைகளை முடிப்பதற்கும் பல அரசியல் வாதிகளை எப்பவும் தங்கள் பாக்கெட்டில் வைத்திருப்பார்கள். அதில் ஒருவர் தான் வைகோ. 

ஒரு எடுத்துக்காட்டு.

சென்னை சூப்பர் கிங்ஸ் அணியை கைப்பிடியில் வைத்திருக்கும் ’இந்தியா சிமெண்ட்ஸ்’ நிறுவனத்துக்கும் ’தந்தி’ குழுமத்துக்கும் வணிக உறவு இருக்குது. அந்த அணியின் நிர்வாகி குருநாத் மெய்யப்பனின் மேட்ச் பிக்சிங்குக்கு எதிராக அனைத்து ஊடகங்களும் செய்தி வெளியிட்டாலும் 'தந்தி குழுமம்' இருட்டடிப்புச் செய்யும். அதே நேரம், தடையை நீக்க வேண்டும் என்ற நோக்கில் முழுமூச்சில் செய்தி வெளியிடும்.

இப்பொழுதோ லலித் மோடி ’சென்னை சூப்பர் கிங்ஸ்’ அணிக்கு எதிராக உள்நோக்கத்துடன் செயல்பட்டார் என  அந்த அணியைக் காக்கும் நோக்கில் ’தந்தி டிவி’ சமீபத்தில் தொடர்ந்து செய்தி வெளியிட்டது. மறுநாள் வைகோ அந்த அணியின்மீதான தடையை நீக்க வலியுறுத்தி அறிக்கை கொடுக்குறார். இப்ப நாட்டில் இருக்குற பிரச்னைக்குநடுவில் எவ்வளவு அக்கறை பார்த்தீர்களா?

காலால் இட்ட கட்டளையை கையால் நிறைவேற்றும் அரசியல் தலைவரை ஊடக முதலாளிகளுக்கு பிடிக்காமல் இருக்குமா என்ன? 

இந்த மாதிரி விசுவாசத்துக்குத் தான் தினமலரில் இருந்து பச்சமுத்து வரைக்கும் சாதி, இன பேதமற்று எல்லா பத்திரிகை முதலாளிகளுக்கும் வைகோவை பிடிக்கும். போன தேர்தலுக்கு முந்தைய தேர்தலில் 2% வாக்குகள் வாங்கினாலும் கருணாநிதிக்கு நிகராக எல்லா ஊடகங்களும் அவரை பிரதானப்படுத்துவது இதனால் தான். ”

ரவிக்குமார் டாபிக்கை மாற்றினார். ”வைகோ பற்றிப் பேசியதால் விகடன் ஞாபகம் வருது.



’ஜூனியர் விகடனில்’ பொறுப்பாசிரியராய் இருக்கும் ராஜா திருவேங்கடத்தைச் சுற்றி சர்ச்சைகள் வலம் வருதே?”

”ஆமாம். ஒரு பெண் ஊடகவியலாளர் அவர் மீது அளித்த புகாரின் பேரில் முதலில் தற்காலிக நீக்கம் செய்த நிறுவனம் இப்பொழுது நிரந்தரமாக நீக்கியிருக்கிறது.”

ம். உண்மையில் நடந்தது என்ன..?

தனிப்பட்ட வாழ்க்கை தொடர்பான விஷயங்களில் நாம் எப்பொழுதும் தலையிடுவதோ, ஆர்வம் காட்டுவதோ கிடையாது. அதைப் பற்றிப் பேசுறதுக்கு முன்னாடி பழைய விஷயம் சொல்றேன். இதே ராஜா திருவேங்கடம், எழுத்தாளர் தியாகு வாழ்க்கைப் பிரச்சனையில் ஒரு சார்பான நிலைப்பாடுஎடுத்து ஜூவியில் பதிவு செய்தார். நாம் சுட்டிக்காட்டிய பின்னும் வீம்புக்காகவேனும் அடுத்தடுத்து அதனை ஆர்வமாய் மேற்கொண்டார். அவரது தனிப்பட்ட விருப்பா? அல்லது யாரின் கட்டளையா என்பது நமக்குத் தெரியாது. இன்றோ அவரது வாழ்வில் அதே போல சிக்கல் முளைத்திருக்கிறது. அடுத்தவர் வாழ்க்கை முரண்களை ஒருதலைப்பட்சமாய் பதிவு செய்ய இனியாவது யோசிப்பார் எனவும் எதிர்பார்க்கிறோம். ” பார்த்தசாரதி

இதே விஷயத்தில், என் கருத்தைச் சொல்லி விடுகிறேன் என்ற பீடிகையுடன் பெஞ்சமின் ஆரம்பித்தார்.



”ராஜா திருவேங்கடம் திருமணமானவர் என்று நன்கு அறிந்திருந்தும், அவருடன் விருப்பப்பட்டுச் சுற்றி விட்டு, இப்பொழுது அவர் என்னைத் திருமணம் செய்யாமல் ஏமாற்றி விட்டார் என்று ஊரைக்கூட்டி புலம்புவது மிகத்தவறு. அடிப்படையிலேயே இது முறையற்ற உறவு. சட்டப்படியோ, தார்மீகப்படியோ இதனை ஏற்க முடியாது. தவறு இரண்டு பக்கமும் இருக்கிறது, இதில் கண்டிப்பாய் யாரையும் ஆதரிப்பது சரியானதல்ல.”

”உங்கள் கருத்து சரிதான். ஆனால் இந்த உண்மையை நாம் உரத்துப் பேசினால் பெண்களுக்கு எதிரானவர்கள் என்ற குற்றச்சாட்டு சிலரால் முணுமுணுக்கப்படும் என்பதையும் சொல்லி விடுகிறேன்.” என்று சொல்லியபடி ரவிக்குமார் முடித்து வைத்தார்.

”விகடன்காரங்க அக்கப்போரு இணையத்தில் தாங்கலையே..?”

”ஏன் என்னாச்சு?”




”ஆமாம். இதுக்கு முன்னாடி ஒவ்வொரு நடிகையின் படத்தைப்போட்டு மார்க் போடச் சொன்னாங்க. இப்ப மோசமான படங்களைப் போட்டு அதில் தரக்குறைவான கருத்துக்களை விருப்பத்துடன் அனுமதிக்கிறாங்க. உதிரித்தனமான லும்பன் வாசகர் வட்டாரத்தை மிகப்பெரிய அளவில் விருப்பப்பட்டு உருவாக்குறாங்க. தங்கள் நிறுவனப்புகழ் எல்லா இடத்திலும் கொடிகட்டணும் என எதிர்பார்க்கிறார்கள். எதிர் விமர்சனம் வருவது எதைப்பற்றியும் கவலைப்படுவது கிடையாது. இவர்கள் தான் விகடன், ஜூ.வி நடத்தி நமக்கு வாராவாரம் வகுப்பெடுக்குறாங்க.”

”நீங்கள் சொல்வது சரிதான். ஆனால் இன்னொரு பக்கம், அதே நிறுவனத்தின் ’டைம்பாஸ்’ பத்திரிகையின் உதவி ஆசிரியர் கே.கணேஷ்குமார் கருத்துச் சுதந்திரத்துக்காய் ரொம்பக் கவலைப்படுறார்.” பார்த்தசாரதி கிண்டலாய்ச் சொன்னார்.

கே.கணேஷ்குமார்

”ஆம். நானும் பார்த்தேன். டைம்பாஸிலும், விகடன் குழுமத்திலும் நடிகைகளின் அந்தரங்க வாழ்க்கையையும் அவர்களின் சுதந்திரத்தையும் மதிக்காமல் அதனை வக்கிரமாய் விற்றுக் காசாக்கும் பத்திரிகையில் அமர்ந்து கொண்டு, அதே சமயம் இழிவாய் எழுதிய சாம்ராஜை, எப்படி மிகத்தரக்குறைவாய் விமர்சிக்கலாம் எனக் கொந்தளிக்கிறார். அதற்கு முன் தங்கள் இதழினாலும், இணையப்பக்கத்திலும் பாதிக்கப்படும் நபர்களுக்காய் அவர் ’டைம்பாஸ்’ எடிட்டோரியலிலும், எம்.டி.சீனிவாசனிடமும் முதலில்  குரல் எழுப்ப வேண்டும். அதற்குப்பின் சாம்ராஜின் அருவருப்புக்கு ஆதரவுக் குரல் கொடுக்கலாம். செய்வாரா?” ரவிக்குமார் கேள்வியுடன் முடித்தார்.



எனக்கென்னமோ இந்தக் கையெழுத்துக்குப் பின்னாடி ’தமிழ்நாட்டு அருந்ததிராய்’ இருக்காருன்னு நினைக்கிறேன். 


நக்கீரன் காமராஜ்
அதை விடுங்க. தாமதமான கேள்வி தான். ’நக்கீரன்’ இணை ஆசிரியர் காமராஜ் நீக்கம் பத்தி என்ன செய்தி?” பார்த்தசாரதி பழைய வில்லங்கத்தை எடுத்து வைத்தார்.

”நீண்ட நாளா முதலாளி கோபாலுக்கும் காமராஜூக்கும் புகைஞ்சுக்கிட்டிருந்த விஷயம் வெடித்து இப்ப வெளியேற்றப்பட்டிருக்கார். முதல்வர் உடல்நிலை தொடர்பா வந்த செய்தி தான் உச்சத்துக்கு காரணம். நிறுவனத்தை வைத்து தன்னை அளவுக்கு அதிகமாக பல வழிகளிலும் வளர்த்துக் கொண்டார் என்பது தான் கோபாலின் நீண்ட நாள் ஆதங்கம், வெறுப்பு,கோபம்.”

”அதனால் தான், காமராஜ் வெளியேற்றத்துக்குப் பின்னால் ஆ.ராசா வீட்டில் நடைபெற்ற ரெய்டு பத்தி  ’திகிலடித்த ராசா’ என்று அட்டையில் தங்கள் கோபத்தை வெளிக்காட்டியிருந்தது நக்கீரன். 




இப்ப பொறுப்பாசிரியரா கோவி.லெனின் பதவியேற்றிருக்கார். இவர் முன்னாள் முதல்வர் அறிஞர் அண்ணா பற்றி 'அண்ணா பெருங்கடலிலிருந்து சில துளிகள்என்று ஒரு ஆவணப்படம் தொகுத்திருந்தார். நக்கீரன் அதை வெளியிட்டிருந்தாலும், அப்பொழுது பெரம்பலூர் திமுக என்ற பெயரில் ஆ.ராசா  பின்னின்று அந்த உதவியைச் செய்திருந்தார். ஆனால் இன்றோ கால சக்கரத்தில் ஆ.ராசாவுக்கு எதிர்ச் செய்தி இவர் பொறுப்பாசிரியரா இருக்கும் இதழில் வருது.”

”முதலாளி கோபால் சொன்ன படிதானே இவர் செய்ய முடியும். ஆனால் இவர் பொறுப்பேற்றதற்குப் பின்பு இதழில் செய்த சின்னச் சின்ன மாற்றங்கள் நன்றாக இரு இருக்கிறது என்பதையும் சொல்ல வேண்டும். ”

”நானும் படித்தேன். நக்கீரன் முன்னாள் இணை ஆசிரியர் காமராஜ் இப்ப என்ன செய்யுறார்?”

”இருக்குற சொத்துக்களை நிர்வாகம் செய்துக்கிட்டிருக்கார். விரைவில் தனது நண்பர்கள் ஆ.ராசா போன்றோர் தொடர்பில் ஒரு வாரப்பத்திரிகை ஆரம்பிக்கப் போறாருன்னும் சொல்றாங்க. ஆனால் செய்தியை உறுதிப்படுத்த முடியலை.”

”’இப்போது’ என்ற பெயரில் ஒரு இணையதளம் வருது பார்த்தீர்களா? “



 ”அப்படிச் சொல்றாங்க. ஆனால் அமெரிக்க அரசு பின்னின்று நடத்துவது போல் தெரியுது. அந்த நிகழ்ச்சிக்கான அழைப்பிதழிலேயே அது தெளிவாக் குறிப்பிடப்பட்டிருக்குது. துவக்க விழாவில் தர்மபுரி குணசேகரன் போன்ற மூத்த ஊடகவியலாளர்கள் எல்லாம் பங்கேற்றார்கள். அமெரிக்க அரசின் உதவியுடன் நடத்தப்படும் இணைய தளத்தின் நோக்கம் என்ன? செயல்பாடு எப்படி இருக்கும் என்பது கேள்விக்குறிதான். பிற துறைகளில் அன்னிய முதலீட்டை வலிய ஆதரிக்கும் பத்திரிகை நிறுவனங்கள் தங்கள் துறைகளில் நுழைவதை எதிர்க்கின்றனர். ஆனால் இங்கு சத்தமில்லாமல் அமெரிக்க அரசு நுழைந்திருக்கிறது. 





பீர் முகம்மது

”இப்பொழுது இன்னொரு செய்தியும் ஞாபகம் வருது. ஓரிரு வருடத்துக்கு முன்பு சில ஊடகவியலாளர்கள் இங்கிருந்து அமெரிக்க சுற்றுப்பயணம் போனாங்க, அதில் பீர் முகம்மதுவும் ஒருவர். அந்தப்பயணம் மூலம் இந்த ஊடகம் சாத்தியமாச்சா..? இல்லை இதன் உருவாக்கத்தின் பின்னணி வேறு நெட்வொர்க்கா என்பதும் தெரியலை.”

”பீர் முகம்மது எப்படி இத்துறையில் மிக விரைவில் எப்படி முன்னுக்கு வந்தார் என்பதையும் சொல்றேன். இஸ்லாமிய மக்களுக்காக நடத்தப்படும் ’சமநிலைச் சமுதாயம்’ பத்திரிகையில் அப்ப பீர் முகம்மது வேலை பார்த்துக்கிட்டிருந்தார். அதில் நடைபெற்ற ஒரு நிகழ்ச்சிக்காக அப்பொழுது ’இந்தியா டுடே’ ஆசிரியர் பொறுப்பில் இருந்த வாசந்தியை முயற்சியெடுத்து அழைத்து வருகிறார். அந்த நேரத்தில் இந்தியா டுடே மீதும்,  வாசந்தி மீதும் சிறுபான்மையினர், கம்யூனிஸ்டுகள், பெரியாரிஸ்டுகள் எல்லாரும் கடும் வெறுப்பில் இருந்தார்கள் என்பதை நினைவில் கொள்ள வேண்டும். இந்த நேரத்தில், நமக்கு அவசியமான நிகழ்ச்சி என்று கருதிய வாசந்தியும் மகிழ்ச்சியுடன் கலந்து கொள்கிறார்.

அந்தக் கூட்டத்தில் வாசந்தி, இஸ்லாமியர்கள் பத்திரிகைத்துறையில் அதிக அளவில் பங்கேற்க வேண்டும் என்பதை வலியுறுத்துகிறார். அதன் பின் ஓரிரு வாரங்களில் பீர் முகம்மதுவுக்கு ’இந்தியா டுடே’ வில் வேலை கிடைக்கிறது. அன்றிலிருந்து பீர் முகம்மதுக்கு ஏறுமுகம் தான். இன்று பீர் முகம்மது அமெரிக்க அரசின் (உதவியுடன்) இணையத்தை நடத்தும் அளவுக்கு உயர்ந்திருக்கிறார். ”

தமிழில் ஊடகத்துறையின் எதிர்காலம் குறித்து அவர்கள் கூடச் சேர்ந்து கவலைப்படுறார். கொடுமையாத் தான் இருக்குது.

 


ஜூ.விகடனில் ஆசிரியர் ப.திருமாவேலன் எழுதுற தொடர், பெரியோர்களே… தாய்மார்களே! தொடர் படிக்கிறீங்களா?” அது பத்தி திராவிட இயக்க ஆதரவாளர்கள் விமர்சனம் செய்திருக்காங்களே..? பார்த்தசாரதி புது சப்ஜெக்டுக்குத் தாவினார்.

 ரவிக்குமார் விரிவாகப் பேசத் தொடங்கினார்., ”ம். ( அத்தியாயம் 14) படிச்சேன். அரசியலில் இருக்கும் பெண்களை தனிப்பட்டமுறையில் பேசி அவமானப்படுத்துவது குறித்து இந்த அத்தியாயம் பேசுகிறது. அன்னிபெசன்ட்டை இழிவாகப் பேசியது குறித்து எழுதப்பட்டுள்ள இந்தப் பதிவில் தகவல்கள் முழுமையா இல்லை. இந்திய சுதந்திரப் போராட்டத்தில் அன்னிபெசன்ட்டின் பங்கு மிகவும்  சந்தேகத்திற்குரியதாக இருந்தது என்பதையும், அவர் ஜாலியன் வாலாபாக் படுகொலையை ஆதரித்தவர் என்பதையும் குறிப்பிட்டிருக்கலாம்.

அதைத் தவிர இன்னொரு முக்கிய விஷயம் நீதிக்கட்சி நிறுவனர்களில் ஒருவரான டி.எம்.நாயரின் ஆபாசப் பேச்சு குறித்து மேற்கோள் காட்டியிருக்கிறார். 



எப்படி அவரைக் குற்றம் சொல்லலாம் என்றுதான் திராவிட இயக்க ஆதரவாளர்கள் கொதிக்கிறார்கள். அதில் ஆசிரியர் திருமாவேலன் மேற்கோள் காட்டி இருப்பதை விட மிகமிக ஆபாசமாகப் பேசியவர் தான் டி.எம்.நாயர்.

’ஆன்ட்டி செப்டிக்’ இதழில் அன்னிபெசண்ட் குறித்து டி.எம்.நாயர் எழுதியதில்  இதுவும் உண்டு.

“Woman of deep penetration, quick conception, and easy delivery” ”ஆழமான ஊடுருவலும், விரைவான கருத்தாக்கமும், எளிதான டெலிவரியும் கொண்ட பெண்மணி”  

இளங்கோவனின் பேச்சுக்கு ஒப்பானதாக இதைத்தான் குறிப்பிடலாம்.

இன்னும் சொல்லப்போனால் வெற்றி கொண்டான், தீப்பொறி ஆறுமுகங்களின் ஆபாசப் பேச்சுக்கு அடிகோலியவரும், சவால் விடக் கூடியவரும் டி.எம்.நாயர் என்பது தான் உண்மை. இந்த மேற்கோளை முரசொலி மாறனும் தன் நூலில் குறிப்பிட்டிருக்கிறார்.

அவர் பேசியதை முழுமையாய் வெளியிட்டிருந்தால் டி.எம்.நாயர் இன்னும் அசிங்கப்பட்டிருப்பார், திருமாவேலன் டி.எம்.நாயரை முடிந்தமட்டும் காப்பாற்றித்தான் இருக்கிறார். ஆகவே அவர்களின் விமர்சனம் சரியானதல்ல. அதே சமயம் ஆணாதிக்கத்துடன் வைகோ பேசியதை பெயர் சொல்லாமல் விமர்சித்து பாசம் காட்டியிருக்கிறார் திருமாவேலன். என்று சொல்லி அந்த உரையாடலை பார்த்தசாரதி முடித்து வைத்தார்.


” ம். ’புதிய வாழ்வியல்’ பத்திரிகை ரியல் எஸ்டேட் முதலாளி ஒருவரால் நடத்தப்படுதுன்னு ஏற்கனவே பேசியிருக்கிறோம். 20000 காப்பி அச்சடித்த அந்த இதழ் 2000 இதழ் கூட இப்ப அச்சடிக்குறதில்லையாம். ஒரு தளம் முழுக்க ஆட்களைக் கொண்டு டாபீகமாக நடத்துன ஆபிசையும் இப்ப ரெண்டு கேபின்ல முடக்கிட்டாங்களாம்.

”வேறென்ன செய்தி..? கிளம்புற நேரம் வந்துடுச்சு.”

தொலைக்காட்சி விவாத நிகழ்ச்சியில் கலந்து கொள்பவர்களை விமர்சகர், சமூக ஆர்வலர், கவிஞர் என்று பொதுவான பெயரிட்டு அழைப்பதை ஒழுங்குபடுத்தினால் சரியாக இருக்கும் என்று நினைக்கிறேன். பானு கோம்ஸ் என்று ஒருவர் நடுநிலையாளர் போலக் கலந்து கொள்கிறார், இவர் நடுநிலையாகப் பேசுவார் எனக்கருதி பொதுவான அடையாளத்துடன் விவாத நிகழ்ச்சிக்கு அழைக்கின்றனர். ஆனால் அவர் எப்பொழுதும் பிஜேபி சார்பாகத் தான் பேசுகிறார். அதற்குப் பதிலா பிஜேபியை சேர்ந்த யாரையாவது அழைக்கலாம். அல்லது பிஜேபி ஆதரவு நபர் என்று பெயரிட்டு பானு கோம்ஸை அறிமுகப்படுத்தலாம். விவாதத்தைப் பார்ப்பவர்களுக்கு புரிந்து கொள்ள உதவியாய் இருக்கும்.

தி.மு.க.வில் இணையும் மனுஷ்யபுத்திரன்

மனுஷ்யபுத்திரன் என்பவரை கவிஞர், அரசியல் விமர்சகர் என்று அழைத்து அனைத்து தொலைக்காட்சிகளும் தங்கள் நிகழ்ச்சிகளில் கலந்து கொள்ள போட்டி போட்டு வாய்ப்பளித்தனர். அவரும் மூன்றாண்டுகளாக நடுநிலை வேடத்தில் தி.மு.க., ஆதரவுக் கருத்துக்களை பேசினார். இன்று ஊடக விவாதம் மூலம் கிடைத்த புகழை அறுவடை செய்து திமுகவில் முதல் வரிசையில் போய் அமர்ந்து விட்டார். இவருக்கு ஏதாவது ராஜ்யசபா எம்.பி. அல்லது கட்சியில் நல்ல பொறுப்புக் கிடைக்கலாம். இதுவரை அவர் நடுநிலையாகப் பேசினார் என நம்பியவர்கள் தான் பாவம் ஏமாளிகள். இவர்களை நிகழ்ச்சிகளுக்கு அழைப்பதில் தவறில்லை. ஆனால் இவர்கள் பங்கேற்கும் ஓரிரு நிகழ்ச்சியிலேயே, அதுவரை பேசியதை வைத்து முடிவு செய்து திமுக, அதிமுக, பிஜேபி ஆதரவு நபர்கள் என்று  சொல்லி விட வேண்டும், நடுநிலையாகப்பேசினால் விமர்சகர் என அடைமொழி கொடுப்பதில் தவறில்லை. ரங்கராஜ் பாண்டே ஒரு முறை மனுஷ்யபுத்திரனை திமுக ஆதரவு விமர்சகர் என அழைத்தார் என நினைக்கிறேன். 

இதன் மூலம் ஒரே நேரத்தில் வெவ்வேறு அடைமொழியுடன் ஒன்றுக்கு மேற்பட்டோர், ஒரே கட்சியின் சார்பில் பங்கேற்பது தவிர்க்கப்பட்டு, விவாத சமநிலை ஏற்படுத்த முடியும். இது நடைபெறாத பட்சத்தில் விவாத நிகழ்ச்சியைப் பார்ப்பவர்கள் முட்டாள்கள் ஆவதையும், நிகழ்ச்சியில் நடுநிலை வேடம் தரிப்பவர்கள் நல்ல விலைக்குத் தங்களை விற்பதையும் தவிர்க்க முடியாது.”

பெஞ்சமினின் கருத்தினை அனைவரும் ஏற்றுக்கொண்ட படி விடைபெற்றனர். 

Tuesday, 21 July 2015

சன் நெட்வொர்க் மாறன்களின் ஊளைச் சத்தம்..!




ன் குழுமத்தினை முடக்க சதி என்ற கூக்குரல் இப்பொழுது சன் குழுமத்தால் எழுப்பப் படுகிறது.

புதிதாய் பண்பலைகளுக்கு விடப்படும் ஏலத்தில் தங்கள் நிறுவனங்கள் பங்கேற்க அனுமதி மறுத்ததில் தொடங்கிய பிரச்னையை முதலில் பொதுவெளிக்கு கொணர்ந்து அனைவரின் ஆதரவையும் திரட்டிய சன் குழுமம், இப்பொழுது சன் குழுமத்தின் நிர்வாகிகள் மீது நிலுவையில் உள்ள வழக்குகளைக் காரணம் காட்டி உள்துறை அமைச்சகம் அதன் உரிமம் புதுப்பிக்கும் விண்ணப்பத்துக்கு முட்டுக்கட்டை போடுவதை முடிச்சுப்போட்டு ஒட்டுமொத்தமாய், தங்கள் நிறுவனத்தை மத்திய அரசு முடக்க முயற்சி என கூக்குரல் எழுப்புகிறது.





மக்கள் விரும்பினாலும் விரும்பாவிட்டாலும் கோடிக்கணக்கான மக்களைச் சென்றடையும் வலைப்பின்னல் கொண்டுள்ள சன் குழுமம், தங்கள் நிலைப்பாட்டுக்கு வலு சேர்க்கும் வண்ணம் ஆதரவாய் நாள்தோறும் பல தரப்பட்டவர்களின் செய்தி அறிக்கை,பேட்டி,தலையங்கம்,கருத்து எனத் தினமும் வெளியிட்டு வருகிறது. தனது ஊடகங்கள் மூலம் இவர்களின் எசப்பாட்டுக்கு நல்ல வாய்ப்பையும் விளம்பரத்தையும் தருகிறது.

ப‌த்திரிகையாளர் நலன்,மோடி எதிர்ப்பு, எதேச்சதிகார அரச எதிர்ப்பு,தொழில் நடத்தும் உரிமை,பாரபட்சம்,அனைவருக்கும் சமநீதி எனப் பலவித காரணங்களைக் காட்டித், தனி நபர் அரசியல் இயக்கம் வைத்திருப்பவர்,எட்டாவது தெரு-ஏழாவது சந்து  நலச்சங்க செயலாளர்  தொடங்கி நூற்றாண்டு நெருங்கும் அரசியல் கட்சிகள் வரையிலும், டுபாக்கூர் பத்திரிகையாளர்,கட்டப் பஞ்சாயத்து பத்திரிகையாளர் சங்கங்கள் தொடங்கி பாரம்பரிய தொழிற்சங்கங்கள் வரைக்கும் சன் குழுமத்துக்குத் தங்கள் ஆதரவை வெவ்வேறு குரலில் பதிவு செய்து வருகின்றனர். அமெரிக்க தூதரகத்தில் கொளுத்தும் வெயிலிலும் கால்கடுக்க காத்திருப்பவர்களைப் போல் மேற்கண்டவர்கள் ஆதரவு அறிக்கை அளிக்க முண்டியடிக்கிறார்கள். சன் குழுமத்தின் அனுசரனையாளர்கள் பட்டியலில் எப்பொழுதும் இடம் பிடித்து விட முடியாதா என அவர்களின் ஏக்கம் பெருமூச்சாக வெளிப்ப‌டுவது பகிரங்கமாகத் தெரிகிறது. இன்னும் இவர்கள் அண்ணா சாலையை மறிக்காததும் கவிஞர்கள் கூட்டறிக்கை வெளியிடாததும்  தான் பாக்கி.



ன் குழுமத்தை முடக்க முயற்சி நடக்கிறது என்னும் குற்றச்சாட்டில் உண்மை இருக்கிறதா ?

அது சாத்தியமா ?

உலகம் முழுவதும் இருக்கும் தொழில் நிறுவனங்கள் அனைத்துக்கும் இந்தியாவைத் தாரை வார்த்துக் கொண்டிருக்கும் நிலையில்,அவர்களுக்குத் தோதாய் சட்டங்கள்,விதிமுறைகள் எல்லாம் திருத்தப்பட்டுக் கொண்டிருக்கும் நிலையில், அவர்களுக்காய் நான்கு தூண்களும் சகல விதத்திலும் வளைந்து நெளியக் காத்திருக்கும் நிலையில், இங்கிருக்கும் அனைத்து மட்டங்களிலும் சகல‌விதமான தொடர்புகளையும் கொண்டு ஆக்டோபசாய் கால் பதித்திருக்கும் இந்தியாவைச் சேர்ந்த சன் குழுமத்தை முற்றுமுழுதாய் முடக்கும் முயற்சி சாத்தியப்படுமா என்று பார்த்தால் துளியும் சாத்தியமில்லை.

சன் குழுமம் சத்தியத்திலும் உண்மையிலும் உண்மையிலும் தோய்த்தெடுத்த புடம் போட்ட நிறுவனம் அல்ல. நிறுவனத்தையும் அதன் முதலாளிகளையும் சுற்றி பல்வேறு வழக்குகள் கழுத்துப்பிடியாய் நெருக்குகின்றன. அதனால்
சன் குழுமத்துக்கு மத்தியில் அரச அதிகாரத்தில் இருப்பவர்களால் தொந்தரவுகள் அளிக்க முடியும், ஏகபோகத்தை கட்டுக்குள் கொண்டு வரமுடியும், அனைத்து பெருநிறுவனஙளைப் போல் கட்டற்று சுரண்டுவதைத்  தடுக்க முடியும், இவர்களின் முறைகேட்டுக்கு முட்டுக்கட்டை போட முடியும், புதிய உரிமங்களை கிடப்பில் போட முடியும்.  ஏற்கனவே இருக்கும் வழக்குகளை விரைவுபடுத்தி இவர்களைத் தண்டனைக்கு உட்படுத்த முடியும்.

இதைத் தாண்டி மத்தியில் ஆட்சியில் இருப்பவர்களால் எதுவும் செய்ய முடியாது. இதற்கு மேல் வரைமுறையற்றுத் தலையிட்டால் அதைத்  தடுக்கவும் தலையிடவும் உரிய நீதிமன்றங்கள் இருக்கின்றன. அதனை மீறி எதுவும் செய்ய முடியாது. கண்டிப்பாய் சன் குழுமம் போன்ற பெருதொழில் நிறுவனங்களுக்குத்தான்  நீதிமன்ற‌ங்களில் இறுதிவெற்றி கிடைக்கும் என்பதில் எவ்வித ஐயமுமில்லை.

அனைத்து நிறுவனங்களும் அதிகாரத்தில் இருப்பவர்களுடன் அனுசரித்துச் செல்லத் தயாராய் இருக்கின்றன. முடியாத பட்சத்தில் மேற்கண்ட வழிமுறைகளைப்பின்பற்றித் தங்க‌ளைக் காத்துக் கொள்கின்றன. ஒட்டுமொத்த நிறுவனத்தையும் இப்பொழுதைய காலகட்டத்தில் முடக்குவது ஒரு போதும் சாத்தியமில்லை. 



இப்பொழுது சன் நிறுவனங்களுக்கு ஏற்பட்டுள்ள சிக்கலை அது உரிய முறையில் குறித்த கால அவகாசத்தில் தீர்க்க முடியும். ஆனால் அதற்குத் தயங்குகிறது. தன் மீதான விசாரணையையும் அதன் விளைவையும் சந்திக்க அச்சப்ப‌டுகிறது. ஆகையால் தன்னிடமிருக்கும் ராட்சச ஊடக பலத்தால் வீதிக்கு கொண்டு வந்துள்ளது, ஓங்கி ஒலித்து ஒப்பாரி வைக்கிற‌து.

ஆரம்பத்தில் ஓரிரு வருடங்கள் தவிர ஆட்சியில் இருப்ப‌வர்களின் துணையுடன் தான் தன்னை சன் குழுமம் வள‌ர்த்து வந்துள்ளது. இன்னும் சொல்லப்போனால் மத்தியில் ஆட்சியில் இருப்பவர்களை அது எப்பொழுதும் அனுச‌ரணையாகத் தான் நடந்துள்ளது. மத்தியில் அதற்கு அனுசரணையான, கோலோச்சிய‌ ஆட்சி 14 வருடங்கள் தொடர்ந்து இருந்துள்ளது. மாநிலத்தில் அதன் ஆட்சி 10 வருடத்தில் இருந்துள்ள‌து. இப்பொழுது தான் மத்தியிலும் மாநிலத்திலும் அதற்கு ஆதரவான,அனுசரனையான எந்த ஆ(க)ட்சியும் இல்லை. இன்னும் சொல்லப்போனால் அதற்கு முற்று முழுவதும் எதிரான ஆட்சி இருக்கிறது. அவர்களுடன் இண‌க்கமாகப் போக இவர்கள் எடுத்த எல்லா முயற்சியும் அனைத்து வகைகளிலும் தோல்வியைத் தழுவியுள்ளது. இது அந்த நிறுவனம் இதுவரை சந்தித்திராத‌ புதிய சூழல்.

இதுவரை அவர்களுக்கு சகல வகைகளிலும் வளைந்து கொடுத்த, இவர்கள் கண்ண‌சைவில் செயல்பட்ட அதிகார வர்க்கம் இப்பொழுது அவர்களுக்கு முற்றுமுழுதாய் எதிராய் இருக்கிறது. அதிகார துஷ்பிரயோகம்,முறைகேடு,போட்டி தொழில் நிறுவனங்களை ஒடுக்கியது போன்றவற்றின் மூலம் தங்கள் சாம்ராஜ்யத்தை வானுயர எழுப்பியவர்கள் இப்பொழுது அது இல்லாமல் தக்க‌வைக்கச் சிரமப்படுகிறார்கள். இவர்கள் இதுவரை மற்ற‌வர்களுக்கு உருவாக்கிய முட்டுக்கட்டைகள் இவர்களுக்கு ஏற்படுத்தப்ப‌டுகிறது. இதுவரை ராஜபாட்டையில் நடந்து வந்தவர்கள் இப்பொழுது வெறுந்தரையில் நடக்க வேண்டியுள்ளது. இதனை அவர்களால் துளியும் எதிர்கொள்ளத் திராணியில்லை.

பிரதம அமைச்சகம்,உள்துறை,தொலைதொடர்பு என அனைத்து உயர் பீடங்களிலும் விரல் சொடுக்கில் காரியம் சாதித்தவர்கள் இன்றோ கடந்த கால முறைகேட்டின் ஒரு அடிச்செங்கலை உருவியவுடன் துடிக்கிறார்கள். இதே நிலை நீடித்தால் சீட்டுக்கட்டைப்போல் மாட மாளிகை சரிந்து விடும் என நினைக்கிறார்கள். மோசடியை தனது மூலதனமாக்கிக் கொண்ட, அதே சமயம் ஆளுந்தரப்பினை பகைத்துக் கொண்ட எல்லா நிறுவனங்களுக்கும்,தனி நபர்களுக்கும் ஏற்படுவது தான் இது.

அவர்கள் சந்திக்கும் வழக்குகளும் அவர்களை இறுக்கும் கடுமையான பிடிகளும் ,சந்தையில் சன் குழுமத்தின் மதிப்பு வீழ்ச்சியும், எதிர்நிலையில் இருக்கும் பலமான எதிரியும் சன் குழுமத்தின் மாறன்களிடம் அளவில்லாத பதற்ற‌த்தை ஏற்படுத்தி உள்ளது. அதனால் தான் தங்கள் இக்கட்டுகளை,பின்னடைவுகளை பொதுப்பிரச்னையாக மாற்றுகிறார்கள்.அதன் மூலமாவது தங்களைக் காப்பாற்றிக் கொள்ள‌ முடியுமா என அங்கலாய்க்கிறார்கள். குறைந்த பட்சம் இருக்கும் பிரச்னைகள் தலைக்கு மேல் செல்லாமல் இருந்தால் போதும் என எதிர்பார்க்கிறார்கள். அதனால் இதுவரை தாங்கள் துச்சமென யாரை மதித்தார்களோ அவர்களைத் தேடித் தேடி ஓடுகிறார்கள். இவர்களின் எதிர்பார்ப்புக்கு ஏற்றாற் போல் அனைவரும் இவர்களுக்கு எசப்பாட்டு பாடுவது தான் இதில் குறிப்பிடத்தக்க அம்சம்.






தற்கு முன் ஆட்சி அதிகாரத்தில் இருந்த மாறன் வகையறாக்கள் மற்ற‌வர்களுக்குச் செய்த கொடுமைகள் சொல்லி மாளாது. பட்டியலிட்டால் பக்கங்கள் போதாது. சில விஷயங்களை மட்டும் தொகுத்திருக்கிறோம்.

தமிழகத்தில் "ஹாத்வே" கேபிள் டிவி நிறுவனத்தை அழித்தது

ஜெ.ஜெ. டிவி, பாரதி டிவி, நிலா டிவி, உட்பட  இன்னும் பல தொலைக்காட்சிகளை முடக்கியது.

"ராஜ்" டிவியை முடக்கும் நோக்கத்தில் அதன் உரிமையாளர்களைக் கைது செய்தது

தமிழகத்தில் ஜி டிவி குழுமம் தொலைக்காட்சி தொடங்குவதற்கு பல ஆண்டுகள் மறைமுகமாக தடை உருவாக்கியது.

"ஜி தமிழ்" தொலைக்காட்சியில் ஒளிபரப்பாகிகொண்டிருந்த செய்திகளை தடுத்து முடக்கியது.

"விஜய்" தொலைக்காட்சி NDTV வுடன் இணைந்து வழங்கிகொண்டிருந்த தமிழ் செய்திகளை தடுத்து நிறுத்தியது.

தமிழகத்தில் உள்ள பல ஆயிரம் கேபிள் ஆப்ரேட்டர்களின் வாழ்க்கையை அழித்தது.

"சன்" டிடிஎச் விவகாரத்தில் "ரத்தன்" டாடா -வை மிரட்டியது.

"ஜெயா" தொலைக்காட்சி குழுமத்தில் "ஜெயா ப்ளஸ்" தொலைக்காட்சி தொடங்க விண்ணப்பித்து 3 ஆண்டுகளுக்கு மேலாகியும் அனுமதிதராமல் இழுத்தடிப்பு செய்தது.

கே.பி.கே., நிறுவிய தினகரனை குமரனிடம் இருந்து நயவஞ்சகமாய் பறித்தது.

தினமலரின் கே.எல்., சேட்டிலைட் ரேடியோ அறிமுகமான நேரத்தில் சூரியன் பண்பலை மூலம் எண்ணற்ற சேட்டிலைட் ரேடியோக்களை இடம் தெரியாமல் அழித்தது.

திரைத்துறையில் வெளியான திரைப்படங்களை அடிமாட்டு விலைக்கு மிரட்டி வாங்கியது.

764 அதிவேக தொலைபேசி இணைப்புகளை (36 மாதங்கள்) முறைகேடாக பயன்படுத்தி தயாநிதி மாறனின் போட் கிளப் வீட்டிலிருந்து அண்ணா அறிவாலயம் வரை திருட்டுத்தனமாக பூமிக்குள் புதைத்து எடுத்தது.

மேற்கண்ட  இவை எதற்கும் எந்த அரசியல் கட்சியும் இந்த அள‌வுக்கு எதிர்ப்புக் குரல் கொடுக்கவில்லை. எந்த பத்திரிகையாளர் அமைப்புகளும் கண்டனம் தெரிவிக்க வில்லை. ஆனால் அயோக்கியன் என்றாலும் பணக்காரன் வீட்டு எழவு என்பதால் துக்கம் கேட்க,அவன் துயரத்துக்கு நீதி கேட்க, சவுண்டு விட, வராத கண்ணீரைத் துடைத்த படி வரிசையில் வேகாத வெயிலில் காத்திருக்கிறார்கள்.

(எதிர்ப்புக் குரல் எழுப்பியவர்களில் ஓரிரு விதிவிலக்குகள்  இருக்கலாம்.)



தொழிலாள‌ர் நலன் போச்சு என்று பத்திரிகையாளர் சங்கங்கள் மற்றும் சில அரசியல் கட்சிகள் அனைத்தும் 'கண்ணீர்' வடிக்கின்றனர். தனது சுயநலனுக்காய் போட்டி நிறுவனங்களை நசுக்கவும், தன்னை வளர்த்து விட்ட தாத்தாவைக் காட்டிக் கொடுக்கவும்,தேவைபட்டால் வீழ்த்தவும் துளியும் தயங்காத மாறன்கள் எப்படித் தொழிலாளர் தோழன்களாகி விடுவார்கள்? கொஞ்சம் விட்டால் கலாநிதி மாற‌ன் எங்களுடன் எச்சில் கிளாசில் டீ குடிப்பார் என அவிழ்த்து விட்டாலும் விடுவார்கள் போல.

இது உண்மையா?

முதலாளிகள் தங்களுக்கு சிக்கல் ஏற்படும் பொழுதெல்லாம் தங்களைக் காத்துக்கொள்ள எடுக்கும் பல ஆயுதங்களில் முக்கியமானது தொழிலாளர் நலன். இங்கும் அட்சரம் பிசகாமல் பத்திரிகையாளர் சங்கங்கள் ச‌ன் குழுமத்துக்கு ஆதரவாய் எடுத்துள்ளன.

சன் குழுமத்திற்கு அரசின் தொந்தரவு காரண‌மாய்  ஒருவேளை இக்கட்டான நிலை வந்தால் அது இருந்த இடத்தில் இன்னும் புதிது புதிதாய் எத்தனையோ ஊடக நிறுவனங்கள் உருவாகும் வாய்ப்பு இருக்கிறது. சொல்லப்போனால் ஆக்டோபஸ் சன் குழுமம் முடங்கிய பின்பு அதிக வேலை வாய்ப்புக்கள் உருவாகும் சாத்தியக் கூறுகள் தான் உண்டு.

தயாநிதி மாறன் தொலைதொடர்பு அமைச்சர் பதவியில் இருந்து விலகிய பின்பு தான் புதிது புதிதாய் தனியார் தொலைக்காட்சிகள் உருவானது,வேலைகள் பல்கிப்பெருகியது என்பது அப்பட்டமான நிஜம்.

இந்த மடம் இல்லையென்றால் இன்னொரு மடம். திறமை உள்ளவனுக்கு இடமா இல்லாமலா போய்விடும்? என்னமோ ஊரில் இருந்து கிளம்பும் பொழுது மாறன் பிள்ளை வேலை கொடுப்பான்,வயிற்றைக் கழுவலாம் என்ற எண்ண‌த்துடனா எல்லோரும் ரயில் ஏறினார்கள். முழுக்க அபத்தமான வாதமாய் இருக்கிறது. இன்னொன்று 'சத்யம்' நிறுவனம் பூட்டும் நிலை வந்தபொழுது நீதிமன்ற‌ம் தலையிட்டு இன்னொரு நிறுவனம் அதனை ஏற்று நடத்த உத்தரவிட்டது. அது போல நடக்க‌வும் வாய்ப்பு உண்டு.

இன்னொரு விதத்தில் பார்ப்போம்.

இதுவரை சன் நெட்வொர்க் நிறுவனம் தொழிலாளர் விரோதப்போக்கை கையாண்டதில்லையா..? சில ஆயிரங்கள் சம்பளத்தில் வேலை பார்த்த பழைய தினகரனின் திறமையான நூற்றுக்கணக்கான ஊழியர்களை எதேச்சதிகாரமாய் வேலையை விட்டு நிறுத்த வில்லையா..?  இப்பொழுது அறிக்கை விடுபவர்கள் எல்லாம் அப்பொழுது எங்கு போனார்கள்..?

மாறன்களின் தொழிலாளர் நலனுக்கு சிறு எடுத்துக்காட்டுச் சொல்கிறோம்.

தினகரன் நிறுவனத்தால் பாதிக்கப்ப‌ட்ட கோவிந்தராஜ் என்னும் ஊழியர் தினகரன் நிறுவனத்தின் மீது தொழிலாளர் நல நீதிமன்ற‌த்தில் வழக்குத் தொடுத்து வருடம் ஒன்று ஆகிறது. இன்றுவரை பதில் மனு கூடத் தாக்கல் செய்யவில்லை தினகரன் நிர்வாகம். வேலையும் இழந்து வேலூரில் இருந்து நிர்க்கதியாய் அலைந்து கொண்டிருக்கிறார் கோவிந்தராஜ்.  பதில் மனு தாக்கல் செய்து வழக்கு வருடக்கண‌க்கில் நடந்து உரிய தீர்வு கோவிந்தராஜூக்கு எப்பொழுது கிடைக்கும்? அதற்குப்பின் தான் இன்னொரு நிறுவனத்தில் வேலைக்குச் சேர முடியும். இது போல இன்னும் பல‌ தொழிலாளர்கள் வாழ்க்கை நிர்க்கதியாய் இருக்கிறது. இதுதான் சன் குழுமத்தின் தொழிலாளர் நலன். இவர்களின் அறிக்கையைப் பார்த்து மாறன்கள் கண்டிப்பாய் வாயால் சிரிக்க மாட்டார்கள்.

சன் நெட்வொர்க்கில் வேலை பார்க்கும் ஊடக நண்பர்களுக்கு ஒன்று சொல்கிறோம். எச்ச‌ரிக்கையாய் இருங்கள். கொஞ்சம் அசந்தால் உங்கள் மீது மண்ணென்னெய் ஊற்றித் தீவைத்து விட்டு, சன் குழுமத்துக்கு ஆதரவாக பத்திரிகையாளர் தீக்குளிப்பு என எட்டு கால நியூசும், எட்டுத்திக்கமும் செய்தியும் போட்டு விடுவார்கள். ஜாக்கிரதை.

ஆட்சி அதிகாரத்தின்,முறைகேட்டின் மூலமும்,பிறரை ஒடுக்கியதன் மூலமும் தனது ஏகபோகத்தை நிலைநிறுத்திய நிறுவனம் இன்று தனது பழைய முறைகேடுகளின் மூலம் எழுந்த பல சிக்கல்களிலிருந்தும், அத்துடன் அதனைத் தன் விருப்பு வெறுப்புக்காய் துரிதப்படுத்தும் அதிகார மையத்திடமிருந்தும் எதிர்கொள்ள முடியாமல் ஊளையிடுகிறது. ஊளைச் சத்தத்திற்கு நாம் செவிமடுத்தால், தன்னைத் தற்காத்துக்கொண்டு நாளை நம்மைத்தான் அது தாக்கும் என்பது உறுதி.

ஆகவே சன் குழுமத்துக்கு, ஆதரவு என்பதை ஏற்றுக்கொள்ள முடியாது. நீதிமன்றங்களில் நிலுவையில் இருக்கும் வழக்குகளில், உரிய அமைப்புக்களில் முறையிட்டு அதனைத் தீர்த்துக்கொள்வது தான் சரி.

நாம் என்ன தான் வளைத்து வளைத்து எழுதினாலும், ஒரு நிறுவனத்தை அரசு தவறான முறையில் முடக்க,முட்டுக்கட்டை போடுவது தவறு தானே, அதற்கு கண்டனம் தெரிவிப்பதும், சன் குழுமத்துக்கு தார்மீக ஆதரவு தெரிவிப்பதும் தானே சரி என யாராவது நண்பர்கள் வாதிடலாம்.

ஊர்ப்பக்கம் ஒரு பழமொழி இருக்கிறது.

"வெளக்கமாறை எடுத்து பெருச்சாளியை அடி"

வீட்டில் இருக்கும் பெருச்சாளியை நம்மால் அடிக்க முடியாது. அதனை எதைக்கொண்டு செய்தால் என்ன?

அடித்ததற்காய் வெளக்கமாத்துக்கு கண்டனமோ,பாராட்டோ தெரிவிக்க முடியாது. அதே போல அடிவாங்கிய பெருச்சாளிக்காய் வருத்தப்படவோ,தடவிக்கொடுக்கவோ முடியாது.

இதே நிலை தான் இங்கும் பொருந்தும்.

 அறிவிப்பு 

சன் குழுமத்தின் மீதான நடவடிக்கை குறித்து ஒரு வாக்கெடுப்பு நடத்துகிறோம். இந்தப் பக்கத்தின் வலது பக்கத்தில் நடக்கும் இந்த வாக்கெடுப்பில் உங்கள் வாக்குகளைப்பதிவு செய்ய வேண்டுகிறோம்.


தொடர்புடைய இணைப்புக்கள்

https://www.savukkuonline.com/11763/

http://kalakakkural.blogspot.in/2015/05/blog-post_4.html

http://kalakakkural.blogspot.in/2015/04/blog-post_16.html

http://kalakakkural.blogspot.in/2014/10/200.html

http://www.scroll.in/article/742394/as-marans-sun-tv-takes-on-home-ministry-other-tamil-channels-take-on-sun-tv

Sunday, 14 June 2015

ஈயடிச்சான் காப்பி அடிக்கும் ’தி இந்து’


சென்னை ஜி.என்.செட்டி சாலை பெனின்சுலா ஓட்டல் முன்புறம் அமைந்துள்ள தேநீர்க்கடை. ஊடகவியலாளர்கள் அன்பரசு, பார்த்தசாரதி, ரவிக்குமார், அன்வர் ஆகியோர் சந்திப்பு.

ஆளுக்கொரு தேநீர் சொல்லி விட்டு உரையாடலைத் தொடங்கினர்.

” மீடியாவில் என்னப்பா நடக்குது?”  ஆரம்பித்து வைத்தார் அன்பரசு.

நம்ம அடையாளம்’ புதுசா வந்திருக்குதாமே? “ஆர்வத்துடன் கேட்டார் ரவிக்குமார்.

” ஆமா. தேர்தல் வருதுல்லே. திருவிழாக் கடை போல புதுசு புதுசா பத்திரிகைகள் வரத்தான் செய்யும். பத்திரிகை தேர்தலுக்குப் பிறகும் வருமாங்கிறதுதான் கேள்வி“ சாரதி ஊடக  நடப்பை உரித்து வைத்தார்.

கோசல்ராம் தொழிலாளியாஇருந்து ’எப்படியோ’ முதலாளியா ஆகிட்டார். அல்லது இதன் ’பின்னணி’ யார் என்றும் தெரியலை. பின்னணி யாரா இருந்தாலும் ’நோக்கம்’ ஒன்னு தான். அவர் ஊழியரா வேலை பார்த்த ’குமுதம் ரிப்போர்ட்டரி’லேயே இதுக்கு விளம்பரம் வந்தது. ”

” அது சரி. பத்திரிகை எப்படி இருக்கு? அதைச் சொல்லுங்க. ” ரவிக்குமார் ரிசல்டுக்கு காத்திருந்தார்.

”கதிர்வேல் தான் முதன்மை ஆசிரியர்.  செய்திகளிலும் சரி பக்க அளவுகளிலும் சரி ’கனம்’ இல்லை.





இதில் கூட அட்டையைப் பாருங்க. யார் பேட்டின்னு சொல்லாமல் அவர் போட்டாவை மட்டும் வைத்திருக்காங்க. தமிழிசை சவுந்தர்ராஜன் முகம் நம்மூர்ல எத்தனை பேருக்குத் தெரியும்? அடித்துச் சொல்கிறார் தமிழிசை ன்னு உள்ளே சொல்லியதை வெளியேவும் வைத்திருக்கலாம்.

அதே சமயம் ’டார்க் ரூம்’ என்னும் உரையாடல் பகுதி வருது. அதில் பங்கேற்கும் சூனா கானா இருவரும் டேய், வாடா,போடா என தரக்குறைவாகவே பேசுறாங்க. திரைப்பட காமெடி, டீக்கடை உரையாடலுக்கு வேண்டுமானால் இது சரியா இருக்கலாம். ஆனால் பத்திரிகைக்கு இப்படிப்பட்ட தரக்குறைவான உரையாடல்  வடிவம் சரிவராது. சரி. நாம் என்ன செய்யுறது? 

ஏன் இப்படிப்பட்டதை அனுமதிக்கிறாங்கன்னு தெரியலை. புதிய பத்திரிகையை இதுக்கும் மேல இப்ப விமர்சனம் செய்வதை விட  கொஞ்ச காலம் கழித்து விமர்சனம் செய்வது தான் சரியானதா இருக்கும். ” 

பார்த்தசாரதி தனது விமர்சனத்தைப் பதிவு செய்தார்.





புது முதலாளியைப் பத்தி பேசினோம். ரெண்டு பழைய பெரு முதலாளிகள் இப்ப ஒன்னு கூடிட்டாங்க தெரியுமா? “ அன்பரசு புதுச் சங்கதியை எடுத்து விட்டார்.

” அப்படியா முதலாளிகள் எல்லாம் எப்ப அடிச்சுக்குவாங்க? எதுக்கு அடிச்சுக்குவாங்க? எப்ப கூடிப்பாங்கன்னு யாருக்குத் தெரியும்? அது வழக்கமா நடக்கிறது தானே, யார் அவங்க? “

” வேற யாரு? மாறன் கம்பெனியும் ராமசுப்பைய்யர் கம்பெனியும் தான்.”

” ஆரியமும், திராவிடமும் கைகோர்த்துச்சா? ” அன்பரசு அரசியலைக் கொண்டு வந்தார்.

” ஆமாம். பிழைப்புக்கு ஏது கொள்கை மாறுபாடு? முதல் பக்கத்தில் நாய்ச் சண்டை போட்டவங்க இப்ப கூடிக்கும்மாளம் போடுறாங்க. ’தொல்காப்பியர்’ விருதை ’தினமலர்’ ஆசிரியர் இரா. கிருஷ்ணமூர்த்தி வாங்கியதை ’தினகரன்’ வெளியிட்டுச்சு. 

அதே சமயம் மாறன்கள் வழக்கு விஷயத்தை ’தினமலர்’ கூடிய மட்டும் அடக்கி வாசிக்குது. என்ன மாயமோ தெரியலை.

"அதே போல 'நக்கீரனும்' இப்ப 'சன்' குழுமம் கூட நெருக்கமாக முடிவு பண்ணிட்டாங்க‌  போல..? 

முன்பு கோபால்- தயாநிதிமாறன் ரெண்டு பேருக்கும் ஒரு பஞ்சாயத்து இருந்தது. அதே போல ஆ.ராசாவை ஸ்பெக்ட்ரம் ஊழலில் காட்டிக் கொடுத்த கோபம் கூட்டாளி காமராஜூக்கு இருந்தது. அதனால் சன் குழுமத்துக்கு எதிரா 'தினமலர்', 'தினமணி'யை விட அதிக எதிர்ப்பா 'நக்கீரன்' இருந்தது. இப்ப என்னாச்சோ தெரியலை. தொடர்ச்சியா ஆதரவு செய்திகள் வருது.





சன் குழுமம் கைமாறுதுன்னு செய்தி வந்தப்ப அப்படி இல்லைன்னு ஒரு மறுப்பு பதிவு நக்கீரனில் வந்துச்சு. சன் தொலைக்காட்சி அலைவரிசை இப்ப நெருக்கடியில் இருக்கும் நிலையில் மீண்டும் ஒரு ஆதரவுச் செய்திப் பதிவு. 'நமது நிருபர்' பெயரில்."
தேர்தல் வரும் நேரத்தில் கூட்டாளிகள் எல்லோரும் கரம் கோர்க்க நினைச்சுருப்பாருங்க. 


பூவுலகின் நண்பர்கள்,என்.ஜி.ஓ.


தே மாதிரி ’புதிய தலைமுறை’ தொலைக்காட்சியும் மாறனும் கேபிள் விஷயத்தில் ராசியாய்ட்டாங்கன்னு முகநூலில் சரவணன் எழுதியிருக்கார் பார்த்தீங்களா? “ பார்த்தசாரதி

”ஆமாம். அதுக்கும் பின்னணி தெரியலை. குழாயடி சண்டையில் தான் அயோக்கியத்தனம்  கொஞ்சமாச்சும் வெளிச்சத்துக்கு வரும். ஒன்னு சேர்ந்துட்டா எப்படி வெளிவரும்? இது நமக்கு நல்லதுக்கில்ல என்பது  மட்டும் கண்டிப்பா சொல்லலாம். ” சிரித்துக் கொண்டே பார்த்தசாரதி சொன்னார்.


” ஆமாம். சிவந்தி ஆதித்தன் நினைவு நாளுக்கு முன்னாடி சமரசமாயிட்டாங்க. அதையொட்டி ரெண்டு பேரும் கொடுத்த நினைவஞ்சலிஅறிக்கையும் தந்தியில் பெரிய அளவில் வந்தது.”

”அதானே வைகோ யாரை வேண்டுமானாலும் பகைப்பார்; தனக்கு அறிக்கை மூலம் அரசியல் வாழ்வளிக்கும் பத்திரிகை முதலாளிகளை ஒருபோதும் பகைச்சுக்க மாட்டார். எப்படியாச்சும் சமரசமாகிடுவார். ”

சரி விடுப்பா, பல பிரச்னைகளுக்கு வெற்று அறிக்கை விடவாவது ஒரு தலைவர் இருக்காருன்னு நினைச்சுக்குவோம். ”





 “தினகரன்’ நிறுவனம் கார்ப்பரேட் நிறுவனமா ? காயலாங்கடையான்னு தெரியலையே? “ கடுப்பைக் காட்டினார் பார்த்தசாரதி.

என்னாச்சு?

” ஒரு ரிப்போர்ட்டர் அங்க இங்க அலைஞ்சு, பலபேரோட போனில் பேசினாத்தான் நல்லபடியா செய்தி சேகரிக்க முடியும். இருந்த இடத்தில் டெஸ்க் ஒர்க் பண்ணா நல்லா இருக்காது. தினகரன் நிர்வாகத்தில் உயர் மட்டத்தில் இருப்பவங்களுக்கு இந்த அடிப்படை அறிவு கூட இல்லை. ரிப்போர்ட்டர்களின் பெட்ரோல் அலவன்ஸ், செல்போன் பில் அலவன்ஸ் ரெண்டையும் கட் பண்ணிட்டாங்களாம். இதனால் எல்லா ரிப்போர்ட்டர்களும் எரிச்சல் ஆகியிருக்காங்க. கைக்காசு போட்டா மாறன் கம்பெனிக்கு செய்தி சேகரிக்க முடியும்? “

” ஓ. அலுவலகத்தில் இருந்து செய்தி சேகரித்தால் போதுமா..? அவங்க சீப் ரிப்போர்ட்டர் அந்தமாதிரி உட்கார்ந்த இடத்தில் இருந்து கொடுத்த செய்தியை வாங்கி வெளியிடுவதால் எல்லோரும் அப்படின்னு நினைச்சுட்டார் போலருக்கு. கம்பெனி உருப்பட்ட மாதிரிதான்.  ”

” அதுசரி ’தினகரன்’ நிறுவனத்தில் மஜிதியா கமிட்டி பரிந்துரைப்படி ஊதிய உயர்வு அமலுக்கு வந்துடுச்சா ? “ அன்வர்

” இல்லை. ஊதிய உயர்வு அளிக்கப்பட்டிருக்குது, ஆனால் மஜிதியா சம்பள கமிட்டி பரிந்துரைகள்  முழுமையாக அமல்படுத்தப்படவில்லை. யாரும் இதை எதிர்த்துக் குரல் கொடுக்கவில்லை என்பது தான் உண்மை. ” 

பார்த்தசாரதி அப்டேட் சொன்னார்.






ல்கி’யில் அருள்வாக்கு என்னும் பகுதி ஒவ்வொரு இதழிலும் வெளிவருது. இதில் எப்பவும் சங்கராச்சாரி வாக்கு மட்டுமே வெளிவருது. இந்த இதழைக் காசு கொடுத்து எல்லா மதத்தினரும் தான் வாங்கிப் படிக்கிறாங்க. எல்லா மதத் தலைவர்கள் வாக்கும் வெளியிடுவது தானே சரி? அதிலும் இந்து மதத்திலும் எத்தனையோ பிரிவுகள் இருக்குது. அவர்களுக்கும் வாய்ப்பளிக்கணும். அதை விட்டு செத்துப்போன சங்கராச்சாரிக்கு மட்டும் வாய்ப்பளிப்பது ஒருதலைபட்சமானது மட்டுமல்ல சாதிப்பாசமும் கூட? திருத்திக்குவாங்களா..? “

“நடக்கிற கதையைப் பேசுங்க. “

 “ தொலைக்காட்சி செய்திகள் எதுவும் இருக்குதா? “ அன்பரசு காட்சி ஊடகம் பக்கம் பேச்சைத் திருப்பினார்.

” இல்லாமலா? ‘புதிய தலைமுறை’ தொலைக்காட்சியில் இப்ப மறுபடியும் சிலரைக் காலி பண்ணிட்டாங்களாம். சிலருக்கு கல்தாவாம். அடுத்து யார் தலைக்கு கத்தின்னு அங்கே வேலை பார்க்கும் ஒவ்வொருத்தரும் பயந்து போய் இருக்காங்களாம்.”




தின இதழ்’ முதலாளியை கைது செய்த மாதிரி  ’புதிய தலைமுறை’ ஊடக குழுமமுதலாளி பச்சமுத்துவையும் கைது செய்ய வேண்டும் என்று ஒரு அமைப்பு போர்க்குரல் எழுப்பியிருக்குதே? பார்த்தீங்களா..?

” ஆமாம். போலியான ஆவணங்கள் மூலம் தனது கல்லூரிக்கு அனுமதி வாங்கிட்டாருன்னு குற்றச்சாட்டு எழுப்பியிருக்காங்க. நிறைய செய்தியாளர்களுக்கும் இது தொடர்பா மின்னஞ்சல் அனுப்பியிருக்காங்க. “

” ஏரியை ஆக்கிரமிச்சார். அதற்கு மேல் போலியான ஆவணங்கள் மூலம் இவர்களே அனுமதியா? இதை எதிர்த்து டிவியில் தோன்றும் அரசியல் விமர்சகர்கள் ஒருத்தரும் பேச மாட்டாங்க என்பது தான் நிஜம். ” அன்பரசு


பகவான் சிங்
ரி விடுங்க. நியூஸ் 7 தொலைக்காட்சியிலிருந்து ராஜேஷ் சுந்தரம் விலகிட்டார். அதே சமயம் செய்தி ஆசிரியரா பகவான் சிங் பொறுப்பேற்று விட்டார் போல.

”அது புதிய செய்தி இல்லை. அது பழைய செய்தி.அவர் ஜெயலலிதா வழக்கிலிருந்து விடுதலை பெற்றதற்கு வாழ்த்து தெரிவித்தது அடுத்த செய்தி.அதையும் பார்த்தேன். ”



துவும் கொஞ்சம் பழைய செய்தி தான். சன்டிவியின் அவதூறுச் செய்திக்கு எதிரா வழக்குத் தொட‌ர்ந்து நடிகை சுகன்யா வெற்றி பெற்றிருக்கார் பார்த்தீர்களா?

ஆமாம். எல்லோரும் அமைதியாய் சகித்துக்கொண்டு இருக்கும் பொழுது போராடி வெற்றிபெற்ற சுகன்யாவுக்கு வாழ்த்துக்களைத் தெரிவித்திடுவோம். 








**


ந்தி டிவி க்காரங்க தங்கள் தொலைக்காட்சியைப் பார்க்கும் மக்களை மடையர்களாக நினைப்பது இன்னும் நின்ன பாடில்லை. அம்பேத்கர்- பெரியார் மாணவர் வட்டத்திற்கான அங்கீகாரம் ரத்துன்னு சொல்றதுக்குப் பதிலா, மாணவர் வட்ட அங்கீகாரம் ரத்துன்னுதான் சொல்றாங்களாம்.  அதைப் போல ஜெயலலிதாவின் சொத்துக்குவிப்பு வழக்குன்னு இவங்க வாயில ஒரு போதும் வரமாட்டேங்குது. சொத்து வழக்குன்னு தான் சொல்றாங்க. தந்தி செய்தித்தாளில் வருவதற்கு மாறுபட்டு தந்தி டிவியில் வருது. ” பார்த்தசாரதி




” இது முதலாளிக்கு தெரிஞ்சு நடக்குதா? அல்லது பாண்டேவின் தனிப்பட்ட கைவரிசையான்னு தெரியலை. தந்தி டிவி பார்க்குற கொஞ்ச நஞ்ச பேரையும் வேற சேனல் பக்கம் ரிமோட்டை மாற்ற வைக்க சாதிவெறி பாண்டே கங்கணம் கட்டிக்கிட்டு வேலை பார்க்குறார் போல. ” அன்வர்




ன்னொரு செய்தி சொல்லணும். ’தினமணி’ வைத்தியநாதன் பற்றிய நம் பதிவில் இன்னொரு விவரத்தையும் சேர்த்திருந்தால் நல்லா இருந்திருக்கும். ” ஞாபக அடுக்கிலிருந்து செய்தியை ரவிக்குமார் எடுத்து வைத்தார்.

”எதைப்பத்தி? ” பார்த்தசாரதி

அதாவது வைத்தியநாதன் ஜெயலலிதாவுக்கு மட்டுமல்ல, சந்தர்ப்பத்துக்குத் தகுந்த மாதிரி கருணாநிதிக்கும் ஜால்ரா போடுறவர். இது யாருக்கும் தெரியலை.

அப்படியா? பார்த்தசாரதி

ஆமாம். கருணாநிதி ஆட்சியில் கோவையில் செம்மொழி மாநாடு நடந்தது இல்லையா? அப்ப கருணாநிதி இவரை வெளிநாடுகளில் இருந்து வரும் விருந்தினர்களை வரவேற்று உபசரிக்கும் கமிட்டியில் ஒரு உறுப்பினராக நியமிக்கிறார்.

நியமனம் எப்படி நடந்தது தெரியுமா? கருணாநிதி இவரை நியமனம் செய்யுறார். அதை மறுப்பது போல வைத்தியநாதன் போங்கு ஆடுகிறார். திரும்ப கருணாநிதி வலியுறுத்த டக்கென்று அதனை ஏற்றுக்கொள்கிறார். அதைத் தொடர்ந்து, கருணாநிதிக்கு இவர் நன்றி தெரிவித்து ஒரு கடிதம் எழுதுகிறார். அதில் கருணாநிதியே கூச்சப்படும் அளவுக்கு புகழ்கிறார். 
(இது குறித்த கருணாநிதியின் அறிக்கை நவம்பர் 22, 2009 தேதியிட்ட முரசொலியில் இருக்கிறது)

” இந்த நியமனத்தால் வைத்திக்கு என்ன பலன்?”

உடனடி பலன் இல்லை தான். ஆனால் அங்கிருந்து  மாநாட்டுக்கு வருபவர்களுடன் ஒரு தொடர்பை ஏற்படுத்திக்கொண்டு காலம்காலமாக அதைப் பேணிக்காத்து ஏதாவது ஒருவழியில் பயனடையவும் செய்யலாம் என்பது அறிந்தவர்களுக்குத் தெரியும்.

ம்ம். அலங்காரப் பதவி எப்ப காரியம் சாதிக்கும் பதவியாக மாறுமோ? யாருக்குத் தெரியும். அதற்கே மயிர்க்கூச்செறியும் வாழ்த்துப்பாவா?”

 ரி ’தி இந்து’ தமிழ் நாளிதழ் படிக்கிறீங்களா? ”அன்பரசு

”படிக்காமல் எப்படி? விற்பனை மிகவும் குறைவு ஆகிட்டதுன்னு தகவல். ’தினமணி’ தனது வாசகர்களை சற்று இழந்தாலும் விற்பனையைத் தக்க வைத்து விட்டது. ’தினமலர்’ மாநிலத்தில் ஆளுங்கட்சி எதிர்ப்பு நிலை எடுத்து விட்டதால் தன்னுடைய பெரும்பகுதியான நடுத்தட்டு, உயர்தட்டு நடுத்தர வாசகர்களைத் தக்க வைத்து விட்டது. அதனால் அவர்களுடனும் போட்டி போட முடியவில்லை.

அதுபோக  ’தி இந்து’ நாளிதழுக்கு விளம்பரங்களும் போதிய அளவில் இல்லை. அதனால் வேறுவழியில்லாமல் அரசு விளம்பரங்களைத் தான் வழக்கம் போல் எதிர்பார்க்கும் நிலை. ஆகவே ஆளுங்கட்சி புகழ்ச் செய்தி போடுவதில் ’தினத்தந்தி’க்கு போட்டி போடுறாங்க. “ அன்வர் முடித்தார்.

”வருமானக் கணக்கெல்லாம் சரி தான். ஆனால் ஜால்ராவைக்கூட ஒழுங்கா போடலையே? “

”அதுக்கு கஷ்டப்படணும் சார்.” அன்வர் தொடர்ந்தார்.







தொடரும் 4 ஆண்டு சாதனைப் பயணம்னு பக்கம் பக்கமா எழுதுறாங்க. அதை எத்தனையோ வடிவங்களில் வித்தியாசமா எழுதி படிப்பவர்களிடம் கொண்டு சென்றிருக்கலாம். ஆனால் தமிழக அரசு பத்திரிகையான ’தமிழரசு’ பத்திரிகையில் வந்ததை அப்படியே தொகுத்து வெளியிடுறாங்க. சினிமா தியேட்டரில் ஒளிபரப்பப் படும் அரசின் சாதனை விளம்பரம் பார்த்த மாதிரி இருக்குது. இதைச் செய்றதுக்கு டைப்பிஸ்டும், லே அவுட் ஆர்ட்டிஸ்டும் போதுமே? எடிட்டோரியலில் இருப்பவர்களுக்கு சொந்த மூளை இல்லையா?  குறைந்த பட்சம் யாரிடமாவது கருத்து வாங்கிப் போட்டாவது பக்கங்களை நிரப்பியிருக்கலாம்.



பத்திரிகையில் வெளிவந்த இந்த செய்திக் கட்டுரைகளை(!) ’தி இந்து’ இணையத்தில் இருந்து திடீரென்று நீக்கிட்டாங்க. இதைப் படிச்சுட்டு அச்சடிச்சு வெளிவராத பேப்பர்காரன்கூட சிரிப்பான்னு நினைச்சுட்டாங்க போல.



அரசு மருத்துவக் காப்பீட்டுத் திட்டத்தில் 10.40 லட்சம் பேருக்கு சிகிச்சை


4 ஆண்டுகளில் 4572 புதிய பேருந்துகள் இயக்கம்

2165789 மாணவர்களுக்கு விலையில்லா மடிக்கணினிகள்

உண்மையாய், நேர்மையாய், நடுநிலையாய்  செய்தி வெளியிடுவார்கள் என நம்பிக் காசு கொடுத்துப் படிக்கும் வாசகனை பத்திரிகை நிறுவனம் ஏமாத்துது. தனிப்பட்ட லாபங்களுக்காக ஆட்சியில் இருப்பவர்களுக்கு கூஜா தூக்குறாங்க. அதைப்போல நிறுவனத்திடம் வேலை பார்க்கும் ’அறிவிற்சிறந்த’ பத்திரிகையாளர்களோ பல்லாயிரக்கணக்கில் சம்பளத்தை முதலாளியிடம் வாங்கிட்டு, மூளைக்கு சிறிதும் வேலை கொடுக்காமல் ’தமிழரசு’ வைப் பார்த்து ’ஈயடிச்சான் காப்பி’ அடிக்குறாங்க. சம்பளம் கொடுக்கும் முதலாளியையும், காசு கொடுத்துப்படிக்கும் வாசகனையும் ஒட்டுமொத்தமா முட்டாளாக்குறாங்க.

ஆனா ஒன்னு ’தி இந்து’ வருவதால் யாருக்கு உபயோகமோ இல்லையோ, நடுப்பக்க கட்டுரையாளர்கள் சிலருக்கும், குறிப்பிட்ட சில பதிப்பக முதலாளிகளுக்கும் நல்ல உபயோகமா இருக்குதுங்கிறதையும் சொல்லணும்.

சபை கலையும்முன் எல்லோருக்கும் தெரிந்த பழைய சுவாரஸ்யமான செய்தி ஒன்னு சொல்றேன். ட்டு இடத்தைக் காலி பண்ணுவோம்” ரவிக்குமார் பீடிகையுடன் ஆரம்பித்தார்.

று வருடங்களுக்கு முன் இருக்கும். கல்லூரி சாலையில் இருக்கும் பள்ளிக் கல்வித்துறை வளாகத்தில் துறை தொடர்புடைய ஓரிரு முன்னணி தமிழ் நாளிதழ் நிருபர்கள் குழுமியிருந்தார்கள். துறை தொடர்புடைய முக்கிய அறிவிப்பு சிறிது நேரத்துக்கு முன்பு வெளியாகியிருந்தது. அது பற்றிய விளக்கங்களைப் பெற அமைச்சருக்கு எந்த நிருபர் போனில் அழைத்தாலும் அவர் எடுக்கவில்லை.   அமைச்சர் யாரென்றால் தந்தை இறந்த காரணத்தால் அரசியலுக்கு வந்தவர். அமைச்சரவைக்கு புதிய முகம் என்றாலும் தனது திறமையின் காரணமாய் ஏற்றுக்கொண்ட பொறுப்புக்கு சிறிது காலத்திலேயே  தன்னைத் தகுதிப்படுத்திக் கொண்டார். நிருபர்களுக்கு மதிப்புக் கொடுப்பவர் என்றாலும் சில நேரங்களில் இப்படிச் செய்வார்.

அப்பொழுது ‘தினமணி’ தவிர அனைத்து நாளிதழ்களும் அரசு ஆதரவு நிலையில் தான் இருந்தன. நிருபர்களுக்கு சற்று எரிச்சல். உடனே தங்களுக்குள் ஒரு முடிவுக்கு வந்தார்கள்.  அண்ணா சாலை பிரபல ஆங்கிலப் பத்திரிகையின் பெண் நிருபர் அதே வளாகத்தில் இன்னொரு பகுதியில் இருந்தார்.  அவரிடம் சென்று அரசின் அறிவிப்பு குறித்து எதுவும் தெரியுமா ? என்று கேட்டார்கள். தெரியாது என்று சொன்னவர், மினிஸ்டர்கிட்ட கேட்டுடுவோமே என சிரித்த முகத்துடன் தொலைபேசியில் அழைத்தார்.

பெண் என்றால் அமைச்சர் இரங்க மாட்டாரா என்ன?

அமைச்சர் தொலைபேசியை உடனடியாக அட்டண்ட் செய்தார். ஆண் நிருபர்கள் முகம் இருட்டுக்குச் சென்றது. 

நிருபரின் புன்சிரிப்புடன் கூடிய கேள்விக்கு உரிய விளக்கத்தை கூடுதல் நேரம் செல்வழித்துச் சொன்னார். சிரிப்புடன் போனை வைத்த நிருபர், அனைவருடனும்  கிடைத்த தகவல்களைப் பகிர்ந்துகொண்டு கிளம்பினார்.

காரியம் கைகூடினாலும் நிருபர்களுக்கு கொஞ்சம் எரிச்சல்தான். கோடிக்கணக்கான மக்களிடம் செய்தியைச் சேர்க்கும் தமிழ்ப் பத்திரிகைகளின் மதிப்பு இவ்வளவுதானா என்னும் எண்ணமும், ஆண் நிருபர்களின் செல்வாக்கு லட்சணம் தெரிந்ததாலும் கோபம் அவர்களின் முகத்தில் தெரிந்தது.

ஓரிரு நிமிடங்கள் கழிந்த நிலையில் தந்தி நிருபர் அமைச்சரைப் போனில் திரும்பவும் அழைத்தார். அமைச்சருக்கு ஏதோ பொறி தட்டியதோ என்னவோ அல்லது என்ன காரணமோ தெரியவில்லை, இந்த முறை தொலைபேசியை அட்டண்ட் செய்தார். எடுத்தவுடன் தந்தி நிருபர் விஷயத்துக்கு வந்தார்.

“ என்ன சார் கொமரிப் பிள்ளைக போன் பண்ணா எடுத்து அக்கறையாப் பதில் சொல்றீங்க. நாங்க போன் பண்ணா கண்டுக்க மாட்டிக்கிறீங்க. இப்படி நீங்க பண்ணினா நாங்க எப்படி பொழப்ப  பாக்குறது? நாங்களும் கஞ்சி குடிக்கணுமில்ல. வயித்துப்பாட்டுக்கு ஊர்ல போயி வெள்ளாமையா பாக்க முடியும்? கொஞ்சம் கருணை காட்டுங்க சார்…! என எள்ளலும் சற்று எரிச்சலுடனும் பேசினார். 

அமைச்சர் அவர் டிரேட் மார்க் சிரிப்புடன் சமாளித்தார். விளக்கங்களை திரும்பவும் அளித்து உரையாடலை இயல்பாக மாற்றி சிநேகத்துடன் முடிவுக்கு கொண்டுவந்தார்.  

சபை கலைந்தது