விகடன் இன்று ஒன்று நன்று-வாசகர் காசில் வைகோ விளம்பரம்...!

இதழ்களில் வரும் நேர்காணல்,திரை விமர்சனம்,கட்டுரை,செய்திப்பதிவு,துணுக்கு போன்ற ஏதாவது ஒரு செய்தியை எடுத்துக்கொண்டு அதனை தனித்தனியாக, ஊர் பாஷையில் சொல்லப் போனால், அக்குவேறு ஆணிவேறாக அலசி ஆராயும் இன்றைய போஸ்ட்மார்ட்டம் பகுதிக்கு நாம் ஆனந்த விகடனில் வெளியாகும் இன்று ஒன்று நன்று என்ற தொலைபேசி நிகழ்ச்சியை எடுத்துக் கொள்வோம்.

ஆனந்த விகடனில் இன்று ஒன்று நன்று என்று ஒரு தொலைபேசி பதிவு நிகழ்ச்சி.ஏறத்தாழ கடந்த ஒரு வருடமாக நடந்து வருகிறது.ஆ.வி.தொலைபேசி எண்ணுக்கு காசு செலவு செய்து வாசகர் அழைத்தால் வாரம் ஒரு நபர் ஏதாவது ஒரு கருப்பொருள் குறித்தோ,சுவையான சம்பவங்கள் குறித்தோ,பாதித்த நிகழ்ச்சி குறித்தோ,தன்னம்பிக்கை,வரலாறு,சுற்றுச்சூழல்,விடாமுயற்சி என ஏதாவது ஒன்று குறித்துப் பேசுவார்.

அந்த நிகழ்ச்சியில் பங்கு பெறுபவர்கள் துறைசார்ந்த வல்லுனர்களாகவோ,முக்கியமான ஆளுமைகளாகவோ அல்லது எதுவும் இல்லா விட்டால் ஆனந்த விகடனின் நிருபர்களுக்குத் தெரிந்தவர்களாகவோ இருப்பர்.நிகழ்ச்சியின் நோக்கம் வாசகர்களுக்கு ஒரு செய்தியைச் சொல்லுவதன் மூலமாக விகடன் குழுமம் தனது நிறுவனப் பெயரை அனைத்து தளத்திலும் நிலை நிறுத்துவது தான்.

இந்த நிகழ்ச்சியில் சாருநிவேதிதா, யுகபாரதி,நா.முத்துக்குமார்.சுதா ரகுநாதன்,ஐஏஎஸ் அதிகாரி சகாயம்,உதயசந்திரன்,பா.விஜய்,தமிழருவி மணியன் என நிறையப்பேர் பங்கேற்றுள்ளனர்.

இதில் ம.தி.மு.க. கொள்கை பரப்புச் செயலாளர் நாஞ்சில் சம்பத்தும் கடந்த ஏப்ரல் மாதத்தில் 2 ஆவது வாரத்தில் பங்கேற்றுள்ளார்.ஒரு மேடைப்பேச்சாளர் என்ற வகையிலும் தமிழ்நாட்டின் ஒரு குறிப்பிடத்தகுந்த கட்சியின் கொள்கை பரப்புச் செயலாளர் என்ற வகையிலும் அதில் எந்த தவறும் இல்லை.மேலும் ஆனந்த விகடன் பல்வேறுதுறை பிரால்யங்களையும் அழைக்கிற வகையில் அதில் அரசியலைச் சேர்ந்த சம்பத் பேசுவது நிச்சயம் சரிதான்.

சுதா ரகுநாதனே வாசகனுக்கு உபயோகமான ஒரு செய்தியைச் சொல்கிறார் என்ற நோக்கில் தேர்ந்தெடுக்கப்படும் பொழுது நாஞ்சில் சம்பத் பல மடங்கு தகுதியானவர் தான்.ஆகவே அதனை வரவேற்கிறோம்.

• 
  

ஆனால் இன்றைய 24-10-2012 தேதியிட்ட ஆனந்த விகடனைப் பார்த்தால் இன்று... ஒன்று... நன்று... இந்த வார நிகழ்ச்சியில் நாஞ்சில் சம்பத் பேசுகிறார் பேசுகிறார் என்று அறிவிப்பு வந்துள்ளது.

இந்த நிகழ்ச்சியில் இதுவரை நமக்குத் தெரிந்த அளவில் இரண்டு முறை பங்கேற்கும் வாய்ப்பு யாருக்கும் வழங்கப்பட்டதில்லை.இவருக்குத் தான் அது வழங்கப்பட்டுள்ளது.

ஆனந்த விகடன் போன்ற வணிகப் பத்திரிகையில் இரண்டாம் முறை வருமளவுக்கு இவர் மிகப்பெரிய மாஸ்ஹீரோவோ ஹீரோயினோ கூடக் கிடையாது.

அப்படியானால் இவருக்கு மட்டும் என்ன முக்கியத்துவம்? அப்படி மற்றவர்களை விட இவர் என்ன சிறப்பானவர்..?முன் மாதிரி வாழ்க்கை வாழ்பவர்..?இவர் எந்தத் துறையில் சிறந்த ஆளுமை மிக்கவர் என்பதை அறிவது அவசியம்.

ஆக அதைப் பார்ப்போம்.நாஞ்சில் சம்பத் என்பவர் யார்..?அவர் அரசியல்வாதி என அறியப்பட்டாலும் அதைத் தாண்டி ஒரு முகம் அவருக்கு உண்டு.

அரசியலைத் தாண்டி  நாஞ்சில் சம்பத்தின் தகுதி என்ன..?

பொதுவான ஒரு வாசகனின் அளவுகோலின் படி நாஞ்சில் சம்பத் அரசியலைத் தாண்டி  ஒரு பட்டிமன்ற பேச்சாளர்.அவ்வளவு தான். எந்த தலைப்பின் கீழ் எந்த அணியின் கீழ் அவர் பேசுகிறாரோ அதற்கு வலுவூட்டும் விதம் சிறப்பாகப் பேசுபவர்.இந்த அளவுகோலின் படி பார்த்தால் அவரைப்போல தமிழ்நாட்டில் எத்தனையோ பேர் இவரைப்போலும் இவரைவிடச் சிறப்பாகவும் இருக்கின்றனர்.

சாலமன் பாப்பையா,பர்வீன் சுல்தானா,பாரதி பாஸ்கர்,மதுக்கூர் ராமலிங்கம்,ராஜா,ஞானசம்பந்தன் என்று அந்த வரிசையை நீட்டிக் கொண்டே செல்லலாம்.இதன்படி பார்த்தால் நாஞ்சில் சம்பத் நாட்டில் எங்கும் காணக்கிடைக்காத ஆளுமை அல்ல.

இவர்கள் நிறையப்பேருக்கு இன்று ஒன்று நன்று என்ற தொலைபேசி நிகழ்ச்சியில் பங்கேற்க முதல்முறை கூட வாய்ப்புக் கிடைக்கவில்லை.

ஆனால் நாஞ்சில் சம்பத்துக்கு இரண்டாவது முறை வாய்ப்பு.இந்த வகையில் இவரது பங்கேற்பு தவறு.

அரசியல் ரீதியில்  நாஞ்சில் சம்பத் யாரென்று பார்த்தால் தமிழ்நாட்டில்  2 சதவீதம் வாக்கு வங்கி உள்ள ம.தி.மு.க. என்னும் கட்சியின் கொள்கைப் பரப்புச் செயலாளர்.

ம.தி.மு.க.  கட்சிக்கு கொள்கை என்ன என்று பார்த்தால் தி.மு.க.வின் கொள்கைகளை அப்படியே நகல் எடுத்தது போல் இருக்கும் ஏட்டளவில். (சில விஷயங்களைத் தாண்டி பிற அனைத்திலும்)

செயற்பாட்டளவில் என்று பார்த்தால் ஒவ்வொரு தேர்தலிலும் அதிமுக,திமுக என ஏதாவது ஒரு கட்சியின் தலைமையிலான கூட்டணியில் இடம்பெற்று விரல்விட்டு எண்ணக்கூடிய சில சீட்டுகளுக்காகவும் 'இன்னபிற காரணங்களுக்காகவும்' இடம்பெறும்.

அப்படிப்பட்ட ம.தி.மு.க.கட்சியின் கொள்கைப் பரப்புச் செயலாளர் தான் நாஞ்சில் சம்பத்.

ம.தி.மு.க.கட்சிக்கு பொதுமக்களிடம் இருக்கும் செல்வாக்கின் படி பார்த்தால் இதே அளவுகோலின் படி விடுதலைச் சிறுத்தைகளின் ரவிக்குமார்,கவுதம சன்னா,இந்தியக் கம்யூனிஸ்ட் கட்சியின் சி.மகேந்திரன்,மார்க்சிஸ்ட் கம்யூனிஸ்ட் கட்சியின் வரதராஜன்,பாட்டாளி மக்கள் கட்சியின் கோ.க.மணி ஆகியோர் வரிசையில் வருவார்.ஆனால் இவர்களில் சிலருக்கு முதல்முறை கூட விகடன் மேடையில் வாய்ப்பு கிட்டவில்லை.

இவர்களுக்கு மட்டுமல்ல ம.தி.மு.க.வை விட மிகப்பெரும் சக்திகளான திமுக அதிமுக கட்சியியைச் சேர்ந்தவர்கள் கூட  இடம்பெறவில்லை.

மேற்கண்ட அளவுகோலின் படி பார்த்தாலும் நாஞ்சில் சம்பத்துக்கு இரண்டாவது முறை பங்கேற்பு தவறு.

மேற்கண்ட திறமையை விடுத்து இதர தகுதிகள் என்ன..?

நாஞ்சில் சம்பத் மிகச் சிறந்த அரசியல் மேடைப்பேச்சாளர் என்ற அடிப்படையில் பங்கேற்றுள்ளார் என வாதத்திற்காய் வைத்துக் கொள்ளலாமா என்று பார்ப்போம்.!

நாஞ்சில் சம்பத்தின் அரசியல் பேச்சு என்பது பட்டிமன்றப் பேச்சினையும் பங்கேற்பையும் ஒத்திருக்கும்.அவர் எந்த அரசியல் அணியில் இடம்பெறுகிறாரோ அதை ஆதரித்தும் எதிர் அணியை இகழ்ந்தும் பேசுவது வழக்கம்.பட்டிமன்றத்தைப்போல் இங்கும் பேசுவதற்கு கொழுத்த ஊதியம் உண்டு.

ஆனால் இரண்டுக்கும் இடையில் சிறு வித்தியாசம் உண்டு.பட்டிமன்றத்தில்,கருத்துக்களை சொல்ல வாய்ஜாலம் காட்டினால் போதும்.ஆனால் அரசியல் மேடையில் எதிர் அணியை கடுமையாக விமர்சிக்க வேண்டும்.அங்கங்கே மானே தேனே போட்டு கொள்கை, கோட்பாடு,தலைவரின் லட்சியம்,தியாகம் நேர்மை என தூவ வேண்டும்.

இந்த அளவுகோலின் படி பார்த்தால் திமுகவில் அந்தக்காலத்து ரகுமான்கானில் இருந்து திருச்சி சிவா உட்பட தமிழச்சி தங்கப்பாண்டியன் வரை எத்தனையோ பேர் தேறுவர்.

அதிமுகவில் பழ.கருப்பையா போன்றோரைக் குறிப்பிடலாம்.மேலும் மதிமுக வை ஒப்பிடும் பொழுது அவர்கள் மிகப்பெரிய கட்சியைச் சேர்ந்தவர்கள்.ஆனால் அவர்கள் யாருக்கும் முதல் முறை கூட வாய்ப்புக் கிட்டவில்லை.திருச்சி சிவா மட்டும் ஜூனியர் விகடன் செய்தியும் சிந்தனையில் ஒருமுறை பேசி உள்ளார்.

அந்த வகையில் பார்த்தாலும் நாஞ்சில் சம்பத் இன்று ஒன்று நன்று இந்த வார நிகழ்ச்சியில்இரண்டாம் முறை பேசுவதற்கு தகுதி அற்றவர்.

மேலும் நாஞ்சில் சம்பத் சிறந்த அரசியல் மேடைப்பேச்சாளர் என்றாலும் பேச்சில் ஆபாசம் அதிகம் இருக்கும்.அவர் எந்த அணியில் இருக்கிறாரோ அதன் எதிர் அணியைச் சேர்ந்தவர்களை ஆபாசமாகவும் அருவருப்பாகவும் திட்டுவதில் வல்லவர்.இவரது நாக்கின் நர்த்தனத்தில் சிக்காதவர்கள் யாரும் கிடையாது.

ஆக,அந்த வகையிலும் தரமான பேச்சாளர் கிடையாது.எப்படிப்பார்த்தாலும் தகுதி இழக்கிறார்.இவரை யாருடன் ஒப்பிடலாம் என்றால் திமுகவில் தீப்பொறி ஆறுமுகத்துடன் ஒப்பிடலாம்.

சிரிக்காதீர்கள்.அதுதான் உண்மை.

தீப்பொறி ஆறுமுகத்தையும் இவரையும் ஒப்பிட்டால் இவரது பிளஸ் என்னவென்றால் தீப்பொறி ஆறுமுகத்துக்கு கரிபால்டி,முசோலினி,இங்கர்சால்,சாக்ரடீஸ்,முதலாம் உலகப்போர் போன்ற இன்னபிற உலக வரலாறு தெரியாது.

(அல்லது அவருக்குத் தெரிந்திருக்கலாம், கூட்டத்துக்கு வந்திருக்கும் தொண்டனை அந்த வரலாறையெல்லாம் சொல்லி இம்சிக்க வேண்டாம் என்று நல்லவிதமாய் நினைத்திருக்கலாம்.அதனால் பேச்சினைத் தவிர்த்திருக்கலாம்.)

தீப்பொறி ஆறுமுகத்துடன் ஒப்பிடும் பொழுது நாஞ்சில் சம்பத்தின் மைனஸ் என்னவென்றால் தி.மு.க.வின் தலைமைக்கழக பேச்சாளர் தீப்பொறி ஆறுமுகம்.தனது தலைவர் கலந்து கொண்ட கூட்டத்தில் பேசினால் அனைவர் முன்னிலையிலும் தன் தலைவரைபோகிறபோக்கில் 4 வார்த்தையாவது கேலி,கிண்டலுடன் விமர்சிப்பார்.தொண்டர்களும் மகிழ்ச்சியுடன் அதனைக் கேட்பர்.அந்தத் துணிச்சல் தீப்பொறி ஆறுமுகத்துக்கு இருந்தது.

ஆனால் நாஞ்சில் சம்பத் தன் தலைவரை அவர் பங்கேற்கும் கூட்டத்தில் பேசும் பொழுது ஒரு வரி கூட விமர்சித்தது இல்லை.அவரது துணிச்சல் இவ்வளவு தான்.இத்தனைக்கும் நாஞ்சில் சம்பத் கட்சியின் கொள்கைப்பரப்பு செயலாளர்.

ஒருவர் சிறிய கட்சியின் கொள்கைப் பரப்புச் செயலாளர்.இன்னொருவர் பெரிய கட்சியின் தலைமைக்கழக பேச்சாளர். ஆக சில மைனஸ்கள் இருந்தாலும் தீப்பொறி ஆறுமுகத்தையும்,நாஞ்சில் சம்பத்தையும் ஒரே தட்டில் வைக்கலாம்.

ஆனால் இதுவரை தீப்பொறி ஆறுமுகம் ஆ.விகடனின் இன்று ஒன்று நன்று நிகழ்ச்சியில் கலந்துகொள்ளும் வாய்ப்புக் கிட்டவில்லை.ஏனென்றால் அவருக்கு ஆனந்த விகடனில் யாரையும் தெரிந்திருக்காது.ஆனால் நாஞ்சில் சம்பத்துக்கு இரண்டாம் முறை வாய்ப்பு.

இந்த அளவுகோலின் படியும் இன்று ஒன்று நன்று நிகழ்ச்சியில் இரண்டாம் முறை பங்கேற்க தகுதியில்லாதவர் தான்.

மேற்சொன்ன அத்தனை வழிமுறைகளின் படியும் நாஞ்சில் சம்பத் தகுதி இல்லாதவர்.ஆனாலும் இரண்டாம் முறை இடம்பெறுகிறார்.

##

சரி அவர் இரண்டாம் முறை பங்கு பெறுவதற்கு அவர் தகுதி இல்லாதவர் என்றாலும் அவர் பேசும் தலைப்பும் சொல்லும் செய்தியும் முக்கியமானதாக இருக்கிறதா என்று பார்த்தோம்.

அவர் பேசும் பொருள் இந்த சூழ்நிலையில் எல்லோருக்கும் அவசியமான ஒன்றாகவும் மிகச்சிறப்பான ஒரு தலைப்பில் அமைந்ததாகவும்  இருந்தாலோ.அல்லது அனைவரும் விரும்பும் வண்ணம் சுவாரசியமானதாகவும் வணிக நோக்கில் விகடன் நிறுவனத்திற்கு அதிக வரவேற்பு கிட்டுவதாகவும் இருநதால் கூட அவரது இரண்டாம் முறை பங்கேற்பு சரிதான். 

அந்த நோக்கில் என்ன பேசுகிறார் என்று பார்ப்போம்.

இதில் முதல் பத்தி மட்டும் தான் உண்மை.பிற அனைத்தும் பின்னிணைப்பு மட்டும் தான்.ஆக முதல் பத்தியை மட்டும் பார்ப்போம்.

கடந்த 28 ஆம் தேதியில் இருந்து பத்திரிகைகளில் வந்த செய்திகள் என்னைப் பாடாய்ப்படுத்துகின்றன.வைகோவை விட்டுப் பிரிந்து விடுவேனோ என்று எல்லொருக்கும் சந்தேகம்.அந்தச் சந்தேகத்தை தீர்க்க வருகிறேன்.எனக்கும் வைகோவுக்கும் உள்ள உறவை உங்கள் முன்னால் உரக்கச் சொல்ல வருகிறேன்.கேட்கத் தயாரா..?

கடந்த 28 ஆம் தேதியில் இருந்து பத்திரிகைகளில் வந்த செய்திகள் என்னைப் பாடாய்ப்படுத்துகின்றன.//உங்களைப் பாடாய்ப்படுத்தினால் அதுக்கு நாங்க தானா கிடைச்சோம்.?

வைகோவை விட்டுப் பிரிந்து விடுவேனோ என்று எல்லோருக்கும் சந்தேகம். அந்தச் சந்தேகத்தை தீர்க்க வருகிறேன். எனக்கும் வைகோவுக்கும் உள்ள உறவை உங்கள் முன்னால் உரக்கச் சொல்ல வருகிறேன்.கேட்கத் தயாரா..?

//உங்க கட்சிக்காரனுக்கு சந்தேகம் இருக்கும்.எங்களுக்கு என்ன..?நாங்க சங்கொலி படிக்கிறோமா என்ன..?அவனவன் பிழைப்பைப் பார்க்கவே நாயா ஓடிக்கிட்டிருக்கான்.இதுல நீங்க பிரிஞ்சா என்ன இணைஞ்சா எங்களுக்கு என்ன..?

###

ஆக இந்த வழிமுறைப்படி பார்த்தாலும் இவர் பேசும் செய்தி கண்டிப்பாய் விகடனின் பலதரப்பட்ட வாசகர்கள் எல்லோருக்கும் அவசியமானதாகவோ அல்லது நாட்டுக்கு உபயோகமானதாகவோ இல்லை. அனைவருக்கும் பொதுவானதாகவும் இல்லை.

நாட்டில் ஓட்டரசியலில் பல்வேறு சமரசங்களுடன் இருக்கும் எத்தனையோ கட்சிகளில் மதிமுக வும் ஒன்று.அதுவும் தேடிப்பார்க்கும் நிலையில் உள்ள மிகச்சிறிய கட்சி.அதில் அதன் பொதுச்செயலாளருக்கும் அதன் கொள்கைப்பரப்புச் செயலாளருக்கும் ஒரு ஊடல்.அது கண்டிப்பாய் கொள்கை சார்ந்தது இல்லை.பணமோ பதவியோ சார்ந்தது.சில பஞ்சாயத்துக்களுக்குப் பிறகு பிரச்சனை சரிசெய்யப்படுகிறது.அல்லது தற்காலிகமாக சமரசமாகி உள்ளது போன்ற தோற்றம் தருகிறது.

அந்தரங்கத்தில் பிணக்கைச் சரிசெய்த பின் தனக்கும் தலைவருக்கும் உள்ள உறவை பெருமையுடன்(!) நாட்டுக்குப் பெருமையுடன் சொல்லுகிறார்.அதற்கு விகடன் நிறுவனம் இன்று ஒன்று நன்று என்ற தலைப்பிட்டு நமது காசில் ஏற்பாடு செய்து தருகிறது.

காசு கொடுத்துப் படிக்கும் விகடன் இளிச்சவாயனா என்ன..?

என்ன கொடுமை இது..?

மேலும் மதிமுக ஒன்றும் புதிதாய் உடையும் கட்சி அல்ல.அந்தக் கட்சி ஏற்கனவே பலமுறை சுக்குநூறாய் உடைந்த கட்சி தான்.அதன் அவைத் தலைவரே சில வருடங்களுக்கு முன் கட்சி மாறி விட்டார்.

இந்த லட்சணத்தில் இவர் தலைவருக்கும் தனக்குமான ஆத்மார்த்த உறவைச் சொல்றாராம்.வேற வேலை இல்லை பாருங்க வாசகனுக்கு.அதை நாம் காசு செலவழிச்சு போன் செய்து கேட்கணுமாம்.விகடனை செலவில்லாத மதிமுக மேடையாக மாற்றும் இந்த அவலம் என்று நிற்கும் என்ரு தெரியவில்லை.

மேலும் வணிக ரீதியிலும் பார்த்தாலும் விகடனுக்கு இது வெற்றியைத் தராது.

இதற்குப் பதில் இன்று ஒன்று நன்று நிகழ்ச்சியில் இந்த வாரம்,நடிகர் பிரபுதேவா தன் வாழ்க்கையில் கடந்து வந்த காதலைச் சொல்லுகிறேன் என்ற அறிவிப்பை வைத்திருந்தாலோ இதைவிட பல மடங்கு சுவராசியமானதாகவும் வணிகரீதியில் வெற்றியையும் பெற்றிருக்கும்.ஏனென்றால் விகடன் வாசகனிடம் நாஞ்சில் சம்பத்துக்கு இருக்கும் வரவேற்பை விட பிரபுதேவாவுக்கு இருக்கும் மதிப்பு அதிகம்.

இல்லை இந்த வாரம் அரசியல் தான் என்று முடிவு செய்திருந்தால் நாட்டில் எத்தனையோ அரசியல் பிரபலங்கள் இருக்கிறார்களே அவர்களிடம் கொடுத்துப் பேச வைத்தியிருக்கலாம்.

அவர்களுக்கு முதல் வாய்ப்பாவது கிட்டியிருக்கும்.வாசகர்களுக்கும் புதியவர்களின் குரலில் புதிய செய்தியோ அல்லது புதுசா ஒருவரிடம் பேசினோம் என்ற நினைப்பாவது கிட்டியிருக்கும்.

அதை விடுத்து ஆசிரியர் குழுவில் இருப்பவர்கள் தங்களுக்குத் தெரிந்தவர்,அறிந்தவர் கதையையும் உறவையும் வாண்டடாகச் சொல்லச் சொல்வது,தாங்கள் அறிந்த புரட்சியாளர்களுக்கு வாசகன் செலவில் மைக்செட் போட்டு மேடை அமைத்து த் தருவது போன்றவை கொடுமையாக இருக்கிறது.வாசகனை இழிவு படுத்துவது போல இருக்கிறது.

இல்லைநாங்கள் எங்கள் விருப்பப் படித்தான் செய்வோம்.அது வாசகனின் தலையெழுத்து,நீங்கள் யார் அதைக்கேட்க என்று தெனாவட்டாய் நடந்தீர்கள் என்றால் நீங்கள் தொடர்ந்து இதைவிட இன்னும் விரிவாகவும்,ஆதாரபூர்வத்துடனும் இப்பொழுதை விட காத்திரமான வார்த்தைகளுடனும் தொடர்ந்து விமர்சிக்கப்படுவதை எங்களாலும் தவிர்க்க முடியாது.

இப்பொழுதைக்கு இந்த அத்தியாயம் நிறைவு பெறுகிறது.

தொடர்புடைய இணைப்புக்கள்.

http://kalakakkural.blogspot.in/2012/10/blog-post_4.html

http://nanjilsampath.com/portal/

http://www.youtube.com/watch?v=0_0GmfRcbME

http://www.youtube.com/watch?v=JQwz-NhcuUg&feature=related

http://www.youtube.com/watch?v=eQMTr_ASzsI&feature=related

           

ரியல் எஸ்டேட் புரோக்கர் பத்திரிகையாளர் சங்கத் தலைவராக பதவியேற்பு..!

சதுர அடி என்ன விலை சார்.?லிட்டிகேஷன் இருக்கா..?

தமிழ்நாடு யூனியன் ஆப் ஜர்னலிஸ்ட்(TUJ) நிரந்தரத் தலைவர் ரவீந்திரதாஸ்.

இவரைப்பற்றியும் இவரது செயல்பாடுகள்,பின்னணி பற்றியும் நாம் ஏற்கனவே ஒரு பதிவினை எழுதியுள்ளோம்.

http://kalakakkural.blogspot.in/2011/09/blog-post_05.html

இவரைப் பற்றி இன்னும் நிறைய எழுதலாம் தான்.ஆனால் மரணமடைந்த ஒருவரைப் பற்றி எழுதுவது நாகரீகம் ஆகாது என்னும் பொது நியதிப்படி,மரணமடைந்த இவர் குறித்து எழுதுவதை நாமும் தவிர்க்கிறோம்.

நாம் இந்தபதிவில் பார்ப்பது இவர் குறித்தல்ல.இவரது அமைப்பின் புதிய தலைவர் குறித்து.

இவரது அமைப்பில் இருந்தவர்கள் ஒருசிலரைத் தவிர பெரும்பாலானோர்கள் நாம்கேநிவாஸ் பத்திரிகையாளர்களும் புரோக்கர்களும் தான்.உழைக்கும் உண்மையான பத்திரிகையாளர்கள் இவரைக் கண்டால் காத தூரம் ஓடுவார்கள்.

கட்டப் பஞ்சாயத்து,வசூல் என்று நாளொரு மேனியும் பொழுதொரு வண்ணமுமாக தொழிற்சங்கம் அமோகமாக நடந்து கொண்டிருக்கையில் ரவீந்திரதாஸ் எதிர்பாராவிதமாக இறந்து விடுகிறார்.

இவர் இறந்தவுடன் அவரைப்போல் இந்த அமைப்பை வைத்து இதுவரை பிழைப்பு நடத்தி வந்தவர்கள் அதிர்ச்சி அடைகிறார்கள்.தனி அமைப்பு நடத்தும் அளவுக்கு அவர்களிடம் ’திறமையும்’ இல்லை.ஆகவே அவர்களிடம் குயுக்தியான எண்ணம் உதிர்க்கிறது.

அது என்னவென்றால் ரவீந்திரதாஸ் அவர்களின் மகன் சுபாஷ் என்பவரையே தலைவராகத் தேர்ந்தெடுக்கும் திட்டம்.

தொழிற்சங்கத்திலுமா வாரிசு அரசியல் என்று நீங்கள் அதிகப்பிரசங்கித் தனமாக கேள்வி கேட்கக் கூடாது.

ஏனென்றால் ரவுடித்தனம்,கட்டப்பஞ்சாயத்து செய்து தங்கள் வாழ்வை வளமாக்கிக் கொண்ட எத்தனையோ நபர்களுக்கு கட்சி, சாதி,ரசிகர்மன்றம் போன்றவை முகமூடியாவது போல் இவர்களுக்கு பத்திரிகை யூனியன் முகமூடியாகி உள்ளது.தங்கள் தொழிலைச் செம்மையாகச் செய்ய பத்திரிகையாளர் வேடம் போடுகின்றனர்.

அதிலும் ரவீந்திரதாஸின் மகன் சுபாஷ் ரியல் எஸ்டேட் தொழில் செய்து வருபவர்,அவருக்கும் பத்திரிகைத் துறைக்கும் துளியும் சம்பந்தம் கிடையாது.அவருக்குத் தெரிந்த பத்திரிகை எல்லாம் கல்யாணப் பத்திரிக்கையும் கருமாதிப் பத்திரிக்கையும் தான்.

சிலரது செயல் திட்டத்தின் படி சுபாஷ் புதிய தலைவராக ஆகஸ்டு இறுதியில் பொறுப்பேற்றுக் கொண்டார். இவர் தலைமைப் பொறுப்புக்கு வந்தது பிடிக்காமல் சிலர் விலகி வேறு அமைப்புக்களில் சேர்ந்து விட்டனர்.சிலர் அவர்களே கூடி புதிய அமைப்பினைத் தோற்றுவித்து விட்டனர்.

ஆனால் எதைப்பற்றியும் கவலைப்படாமல் சுபாஷ் தனது பணியைத்(!) தொடங்கி விட்டார்.


இவர் தலைவரானதன் பின்னணியில் வேறு ஒரு செய்தியும் பேசப்படுகிறது.அதாவது ரவீந்திரதாஸ் உயிருடன் இருக்கும் பொழுது 2004 ஆம் ஆண்டு கால கட்டத்தில் பத்திரிகையாளர்கள் அனைவருக்கும் வீட்டு மனை வாங்கித் தருகிறேன் என்ற பெயரில் அனைவரிடமும் ஒரு வசூல் வேட்டையை நடத்தினார்.அப்பொழுதே வசூல் பல லட்சங்கள் தேறியது.அவ்வாறு தேறிய லட்சங்களில் சென்னை படப்பை அருகே சில கிரவுண்டு இடங்களை வாங்கிப் போட்டார்.(சங்கப் பெயரில் அல்ல தனது பெயரில்).

பணம் கொடுத்தவர்கள் சிலரைத் தவிர வேறு யாருக்கும் இடம் கிடைக்கவில்லை.சிலர் போராடிக் கொஞ்சம் பணத்தையும்,சிலர் போராடி ஓய்ந்தும்,சிலர் போராடி இடத்தையும் மீட்டார்கள்.

ஆனால் இன்னும் அவருக்குச் சொந்தமான கணிசமான இடம் அங்கு இருக்கிறது.2004 ஆம் ஆண்டு  லட்சக்கணக்கில் இருந்த மதிப்பு இப்பொழுது கோடிக்கணக்கில் செல்கிறது.கைவசம் இருக்கும் இடம் கோடிகளைத் தொடும் என்கிறார்கள்.

ரவீந்திரதாசின் உடன் இருப்போர் சிலர்  அதனைத் தக்க வைக்க தொடர்ந்து பிரயத்தனப்படுகிறார்கள்.அதன் விளைவு தான் தொடர்ச்சியாய் தலைவர் பதவியை வேறு யாருக்கும் அளிக்காமல் அவரது மகனுக்கே அளித்தது என்கிறார்கள்.ரியல் எஸ்டேட் பார்க்கும் ரவீந்திரதாஸ் மகனும் இதனை மகிழ்ச்சியுடன் ஏற்றுக்கொண்டாராம்.

சிங்க நடை போட்டு வரும் தல

யாருங்க இந்த சமூக சேவகி..?

சால்வை,மாலை என கட்சிகளை மிஞ்சும் வரவேற்புகள்.

மாலையிடும் கே.ராஜன்.

நீதியின் குரல் நடத்துவதெல்லாம் இருக்கட்டும்..யார் யார் பத்திரிகையாளருன்னு தெரிஞ்சுக்கங்க..!

பிரபல எழுத்தாளர்ன்னு உங்களை நீங்களே சொல்லிக்கிறீங்களே ..?
அது கிலோ கணக்குல மளிகைக்கடையில கிடைக்குதா பாஸ்..

 பிரபல எழுத்தாளர் நீங்கன்னு ஒரு வாதத்துக்காய் வச்சுக்கிட்டாலும் எழுத்தாளர் சங்கத்திற்கு தானே தலைவர் ஆகணும்..?

மறைந்த ரவீந்திரதாஸ்

தந்தையின் புகைப்படத்தை வணங்கி தொழிலை ஆரம்பிக்கும் தனயன்.

பதவியேற்பு நிகழ்ச்சியில் சி.எம்.கே.ரெட்டி கலந்து கொண்டார் என்று செய்தி அறிக்கையும் வெளியிட்டிருக்கிறார்கள்.அவர் கலந்து கொள்ளவில்லை என்று தெரிகிறது.

ஆனாலும் நம்முன் சில கேள்விகள் எழுகின்றன.

பத்திரிகையாளர் உரிமைக்காய் போராடுவதாய் சொல்லும் சங்கத்திற்கும் மக்களின் அறியாமையை பீதிக்குள்ளாக்கி கொள்ளையடித்து மருத்துவமனை நடத்துபவருக்கும் என்ன தொடர்பு..?

இல்லை சி.எம்.கே.ரெட்டி பத்திரிகையாளர்கள் நலனில் அம்புட்டு ’அக்கறை’ உள்ளவரா..?

 கட்டிங் வாங்குவதற்காகவும்,இன்னபிற காரியங்களையும் தாண்டி அவரை அழைப்பதற்கு ஏதாவது காரணம் இருக்கிறதா என்ன..?

இதை வைத்தே சங்கத்தையும் அதன் நோக்கத்தையும் அளவிட்டு விடலாம்.

பதவியேற்ற ஒரு வாரம் கழித்துசங்கத்தின் புதிய தலைவர்சுபாஷ்மூத்த பத்திரிகையாளர் ஒருவரைச் சந்திக்க தனது பரிவாரங்களுடன் சென்றுள்ளார். மூத்த பத்திரிகையாளரும்விருப்பமில்லாமல் சந்தித்துள்ளார்.

உங்க அப்பாவாவது கொஞ்ச காலம் பேருக்காவது பத்திரிகையாளரா இருந்தார்.நீங்களோ பீல்டுக்கு கொஞ்சமும் சம்பந்தம் இல்லாதவர்.நீங்க எப்படி தலைவர் ?என்றிருக்கிறார்.

அதுக்கு ரவீந்திரதாஸோ,அரசியலுக்கு சம்பந்தம் இல்லாத நேரு மகள் தலைவியா வரலாம்,ராஜீவ் மகன் தலைவராகலாம்.கருணாநிதி மகள் வரலாம்.ஆனா நான் மட்டும் வந்தாத் தப்பா?ஊருக்கு ஒரு நியாயம். எனக்கு ஒரு நியாயமா ? என்று சிரித்தபடி பதில் சொல்லியுள்ளார்.

அதைக்கேட்ட மூத்த பத்திரிகையாளர் மனம் வெதும்பி தனது நண்பரிடம் சொன்னது இது.

இவனெல்லாம் நல்லா வருவானப்பா..!

விகடன்,நக்கீரன்,ரிப்போர்ட்டர்-’போங்கடா நீங்களும் உங்க ஜர்னலிசமும்’..!

புலனாய்வு இதழ்களை உரசிப்பார்க்கும் கடைசி பெஞ்சு பகுதியில் இந்த வாரம் இடம் பெற்றுள்ள குமுதம் ரிப்போர்ட்டர்,நக்கீரன்,ஜூனியர் விகடன் ஆகிய மூன்று இதழ்களும் வியாழக் கிழமை(11-10-2012)இரவுக்குள் முடிக்கப்பட்டு வெளிவந்துள்ளது.அதைப்பற்றிய விமர்சனங்கள் இங்கே..!

குமுதம் ரிப்போர்ட்டர்

இந்த வாரமும் துரை தயாநிதி தான் அட்டைப்படம்.இதுவரை எழுதிய செய்திகளைக் கலவையாக்கி ஹாங்காங் தப்பி ஓடியிருப்பாரோ என்ற ஒற்றை வரியை சேர்த்து அதைப் பூதாகரப்படுத்தி அட்டைப்படக் கட்டுரையாக மாற்றிவிட்டார்கள்.

அதைப்போல ஒரு வாரத்திற்கு முன் சென்னையில் நடைபெற்ற தீம்பார்க் விபத்து தொடர்புடைய செய்திப்பதிவை மிக மிகத் தாமதமாக செய்திருக்கிறார்கள்.

திமுக கறுப்புச்சட்டை அணிந்து துண்டுப்பிரசுரம் விநியோஜம் செய்ததில் ஈரோடு,சேலம் வேலூரில் நடைபெற்ற கோஷ்டி மோதல்களை ’அக்கறையாகப்’ பதிவு செய்துள்ளனர்.

திருச்சியில் நேருவை நேர்காணல் செய்த நிருபர் தான் சந்தித்த அனுபவத்தை எழுதியிருக்கிறார்.நேருவின் பழைய புகைப்படம் இடம்பெற்றுள்ளது.

வம்பானந்தா பகுதியில் சபாநாயகர் தனபால் பதவியேற்பு நிக்ழ்ச்சி தொடர்புடையதும் திமுக இளைஞரணி தொடர்புடைய செய்திகளும் இடம்பெற்றுள்ளன.

அதைப்போல அதிமுக வினர் அதிரடி என்ற தலைப்பில் சாதனை பிரசுரங்கள் விநியோகம் செய்ததை ஆதரித்துப் பதிவு செய்துள்ளனர்.

ராபர்ட் வதேரா முறைகேடு குறித்த செய்திகளை சென்னையிலிருந்து நிருபர் ரஜினிகாந்த் எழுதியிருக்கிறார்.தமிழ் நாளிதழ்களில் இதுவரை வெளிவந்த செய்திகளைத் தொகுத்து பக்கங்களை நிரப்பியிருக்கிறார்.புதிய தகவல்கள் ஒரு வரியும் அதில் இல்லை.

சென்னையில் இருந்து கொண்டு புதுடெல்லி செய்திகளை எதற்கு எழுதுகிறார்கள், டெல்லி நிருபர் என்ன ஆனார் என்று தெரியவில்லை.

கன்னியாகுமரி மீனவர்கள் கத்தார் நாட்டில் சிறைபிடிக்கப்பட்ட பதிவு வந்துள்ளது.பிற இதழ்களில் வரவில்லை.ஹரியானாவில் 16 வயது தலித் மாணவி கற்பழிக்கப்பட்டது தொடர்பான பதிவும் பிற இதழ்களில் வரவில்லை.

தமிழக துணை சபாநாயகர் பதவிக்கு வர இருக்கும் பொள்ளாச்சி ஜெயராமன் குறித்தோ,சென்னை மாணவன் கடத்தப்பட்டு மீட்கப்பட்டது குறித்தோ,அது தொடர்பாக சென்னை காவல்துறை ஆணையாளர் அலுவலகத்தில் நடைபெற்ற சம்பவங்கள் குறித்தோ,மாயாவதியின் பல்டி,சல்மான் குர்ஷித் மீதான ஊழல் புகார் குறித்தோபதிவு இல்லை.

வழக்கம் போல் தான் குமுதம் ரிப்போர்ட்டர் உள்ளது.வாய்ப்பே இல்லை.

 நக்கீரன்

நாட்டில் 1008 பிரச்சனைகள் இருக்க வழக்கம் போல் விற்பனையைப் பெருக்கும் மலிவான புத்தியுடன் இளைஞர்களிடம் விளையாடிய இளம்பெண் என்று அட்டையில் வைத்திருக்கிறார்கள்.உள்ளே செய்திக்கு சம்பந்தம் இல்லாமல் சகானா வாலிபர் ஒருவருக்கு முத்தம் கொடுக்கும் புகைப்படம் வேறு.

மீண்டும் சிக்கலில் நித்தி என்று நித்தி பேரம் பேசும் வீடியோ அம்பலமானது குறித்த செய்தியும் அட்டையில் இடம்பெற்றுள்ளது.

ராங்கால் பகுதியில் தயாநிதி தலைமறைவு,சட்டசபையில் சபாநாயகர் பதவியேற்பு,நாஞ்சில் சம்பத் வைகோ விரிசல் என எழுதியுள்ளனர்.

காவிரி பிரச்சனை தொடர்பாய் எதிர்க்குரல் பகுதியில் மனுஷ்யபுத்திரனும்,அடாவடி கன்னடர்கள் என்ற பதிவை லெனின்,பகத்சிங்கும் எழுதியுள்ளனர்.

உள்ளூர் பிரச்சனைகள் தொடர்பான செய்திகள் அதிகம் பதிவாகி உள்ளது.

லோக்கல் சேனல் முறைகேடு,திருச்சி சிதார் வெசல்ஸ் நிறுவன பிரச்சனை ஆகியவை பிற இதழ்களில் பதிவாகவில்லை.தமிழ் கடவுளுக்கு ரயில் இல்லை என்று பழனி கோவில் செய்தியும் பதிவாகி உள்ளது.

சென்னை மாணவன் கடத்தப்பட்டு மீட்கப்பட்டது குறித்தோ,அது தொடர்பாக சென்னை காவல்துறை ஆணையாளர் அலுவலகத்தில் நடைபெற்ற சம்பவங்கள் குறித்தோ,மாயாவதியின் பல்டி,சல்மான் குர்ஷித் மீதான ஊழல் புகார் குறித்தோ கத்தார் நாட்டிற்கு சென்ற மீனவர்கள் கடத்தப்பட்டது குறித்தோ பதிவு இல்லை.

பெரிய அளவில் மாற்றம் இல்லை.

ஜூனியர் விகடன்

கழுகார் பகுதியில் புதுச்சேரி,தமிழ்நாடு திமுக பஞ்சாயத்தும்,பொள்ளாச்சி ஜெயராமன் பற்றிய குறிப்புகள்,நிறைந்திருக்கிறது.

சென்ற முறை நாஞ்சில் சம்பத் விலகப் போகிறார் என்று அவர்கள் வெளியிட்ட செய்திக்கு இம்முறை அவர்களே விலக மாட்டார்,தொடர்ந்து நீடிப்பார் என்று மாற்றி எழுதியிருக்கிறார்கள்.

கழுகார் பதில்களில் ஆ.ராசாவை கொஞ்ச நாளைக்குப் பிறகு மீண்டும் பதம் பார்த்திருக்கிறார்கள்.கேடி பிரதர்சை சந்தோஷப்படுத்த அவர்கள் எழுதுவது நடுநிலை ஜர்னலிசத்தில் கணக்கு சேர்கிறது.

ஜெயக்குமார் கிடுகிடு தனபால் என்று புதிய சபாநாயகர் பதவியேற்பு நிகழ்ச்சியைப் பதிவு செய்திருக்கிறார்கள்.

சாவேஸ் வெனிசுலா அதிபராக மீண்டும் பதவியேற்றது குறித்து மக்களின் நண்பன் அமெரிக்காவின் எதிரி என்று ப.திருமாவேலன் ஒரு பதிவு எழுதியுள்ளார்.ஜூ.வி.வாசகர்களுக்கு ஏற்ற சிறப்பான பதிவு.எனது இந்தியா,சி.மோகன் கட்டுரைகள் புத்தக மதிப்புரையும் வழக்கம் போல் இடம பெற்றுள்ளது.

நம்பி நாராயணனிடம் மன்னிப்பு,மைசூர் பொன்னியைத் தடை செய்,சிவகாசியில் கறுப்புத் தீபாவளி,சென்னை அமெரிக்க தூதரகத்தில் நடந்த சமரசம்,குமரி காங்கிரஸ் பஞ்சாயத்து என இதில் வெளிவந்த சில பதிவுகள் பிற இதழ்களில் வெளிவரவில்லை.

அதே சமயம் காவிரி பிரச்சனைக்காக தா.பாண்டியன் தலைமையில் நடந்த ஆர்ப்பாட்டம்,சல்மான் குர்ஷித் முறைகேடு சென்னை மாணவன் கடத்தப்பட்டு மீட்கப்பட்டதுஆகியவை பதிவாகவில்லை.

வழக்கம் போல் இந்த வாரமும் தி.மு.க.தான் அட்டைப்படக் கவர்ஸ்டோரி.தயாளு அம்மாள் மகன் அழகிரியிடம் சொன்னதை மிகவும் ரகசியமாக ஒட்டுக்கேட்டு புலனாய்வு செய்து எழுதியிருக்கிறார்கள்.

//அழகிரி, தயாளு அம்மாளைத் தொடர்புகொண்டு பேசி இருக்கிறார். 'பேசாம நான் உன்னோடயே வந்துடுறேன்ப்பா’ என்று தயாளு கலங்க... 'வாம்மா... என்கிட்டேயே தங்கிடும்மா’ என்று அழகிரி அழைக்க... ஒரே பாசப்போராட்டமாக இருந்துள்ளது. 'எனக்கு இருக்கிற ஒரே ஆறுதல் நீதானம்மா’ என்று அழகிரியும் சொல்லி இருக்கிறார்!''//

இப்படி எழுதியிருக்கிறார்கள்.

தலைமறைவாக இருக்கும்  தயாநிதியை கைது செய்ய முடியாமல் கைபிசைந்து கொண்டிருக்கும் காவல்துறை பேசாமல் ஜூ.வி.பத்திரிகையைத் தொடர்பு கொண்டால் வேலை சுளுவாக முடிந்து விடும் என்று நினைக்கிறோம்.

அழகிரி தனது அம்மாவுடன் பேசுவதை புலனாய்வு செய்து ஊருக்குச் சொல்லும் ஜூ.வி.யால்,அழகிரி தனது மகனுடன் பேசுவதை கண்டுபிடிக்க முடியாதா என்ன..?

கண்டிப்பாய் முடியும்.அதை விடுத்து தயாநிதியின் தொடர்பில் உள்ளவர்களை சம்மன் அனுப்பி விசாரித்து நேரத்தைப் போக்குவானேன்.

வியாபாரத்துக்காக எப்படியெல்லாம் எழுதுறாங்கப்பா..!

ஜூ.வி.புலனாய்வை படித்தால் புல்லரிக்கவில்லை.உடம்பெல்லாம் அரிக்கிறது.

அனைத்து இதழ்களையும் படித்து பின் ஒன்று மட்டும் பொதுவாகத் தோன்றுகிறது.

போங்கடா நீங்களும் உங்க ஜர்னலிசமும்...!

டைம்பாஸ்-அம்மணமாய் விகடன்..!

ஆபாசம்.அருவருப்பு,வக்கிரம்,மலிவான விற்பனை தந்திரம் அனைத்தும் இணைந்த கலவையாய் புதிதாய் வெளிவந்துள்ளது.விகடன் டைம்பாஸ்.

ஆனால் விகடன் நிறுவனத்தில் இருந்து வெளியாகும் பத்திரிகை என்று பகிரங்கமாய் வெளிக்காட்டாமல் பட்டும் படாமலும் இருப்பதிலும் அதி கவனம் செலுத்தப்பட்டுள்ளது. (தனி வெப்சைட்,விகடன் லோகோ இல்லாமை)

விகடன் இதழ்களில் சமூகத்தின் அவலத்தை விமர்சித்து (!) சம்பாத்தியம்.

சன் டிவி தொடரில் பெண்களை அழவைத்துச் சம்பாத்தியம்.

டைம்பாஸில் பெண்களின் உடலை துகிலுரித்துச் சம்பாத்தியம்.

பாரம்பரிய பத்திரிகை என்று எப்பவும் தன்னைத் தானே பெருமை பீற்றிக் கொள்ளும் விகடன் குழுமம் இப்படிப்பட்ட செயலைச் செய்து பணம் சம்பாதிப்பதற்குப் பதிலாய் தொழிலை மாற்றிக் கொள்ளலாம்..!

நக்கீரன்,ஜூனியர் விகடன்,குமுதம் ரிப்போர்ட்டர் - எரியற கொள்ளியில் எது நல்ல கொள்ளி..?

புலனாய்வு இதழ்களை உரசிப்பார்க்கும் கடைசி பெஞ்சு பகுதியில் இந்த வாரம் இடம் பெற்றுள்ள குமுதம் ரிப்போர்ட்டர்,நக்கீரன்,ஜூனியர் விகடன் ஆகிய மூன்று இதழ்களும் வியாழக் கிழமை(04-10-2012)இரவுக்குள் முடிக்கப்பட்டு வெளிவந்துள்ளது.அதைப்பற்றிய விமர்சனங்கள் இங்கே..! 

குமுதம் ரிப்போர்ட்டர்

வழக்கம் போல் திமுக எதிர்ப்புச் செய்திகள் அதிக அளவில் இடம்பெற்றுள்ளது. ரிப்போர்ட்டரின் ஸ்டாலின் ஆதரவு தனி டிராக்.ஆட்சியில் இருப்பது அதிமுக என்பது தெரிந்தாலும் தங்கள் மீதான் வழக்குகள் உறக்கத்திலும் பயமுறுத்துவதால் அடக்கி வாசிக்கிறார்கள்.

அழகிரி மருமகனிடம்  மதுரை காவல்துறையினர் விசாரணையின் பொழுது என்னென்ன கேள்விகளைக் கேட்டனர் என்று தங்களுக்குத் தெரிந்ததை எழுதியிருக்கின்றனர்.அதே நேரத்தில் ஜு.வி.அவர்கள் பங்குக்கு சில்வற்றை எழுதியிருக்கின்றனர்.(இரண்டுக்கும் துளியும் தொடர்பில்லை.காசு கொடுத்துப் படிக்கும் வாசகன் நிலை தான் இதில் பரிதாபம்.)திருமாவளவனும் மத்திய அமைச்சர் நாராயணசாமியும் கலந்து கொண்ட நிகழ்ச்சி பதிவு செய்யப்பட்டுள்ளது.

தமிழக சபாநாயகர் தனபால் குறித்த பதிவு,தி.மு.க.,வில் நிறைவேற்றப்பட்ட தீர்மானம் தொடர்பாய் சர்ச்சை என பதிவாகி உள்ளன.சென்னை திருவல்லிக்கேணி வீடு இடிந்த விபத்தும் 3 பக்கங்கள் பதிவாகி உள்ளன.பிற இதழ்களில் இது பதிவாகவில்லை என்பது குறிப்பிட்த்தக்கது.

இதைத் தவிர்த்து அமைச்சர்கள் இலாகா பறிப்பு,மாற்றம் குறித்து இதற்கு முந்தைய இதழ்களில் முன்கூட்டியே எதனையும் பதிவு செய்யாத ரிப்போர்ட்டர் மாற்றத்திற்குப் பின் தனக்குத் தோன்றியதைப் பதிவு செய்துள்ளது.

இதுக்குப் பேரு புலனாய்வா..?

அதைப்போல சென்ற வாரத்தில் நடந்த பல்வேறு விஷயங்கள் இதழில் பதிவு செய்யப்படவில்லை.

சென்னை அருகே நடந்த அதிமுக கவுன்சிலர் படுகொலை, பன்ருட்டி நகர அதிமுக செயலாளர் படுகொலை, ஆ.ராசா,சுரேஷ் கல்மாடிக்கு கிடைத்துள்ள நிலைக்குழு உறுப்பினர் பதவி,கருணாநிதி கறுப்புச் சட்டை அணிந்த புகைப்படம் இடம்பெறாமை,மத்திய அமைச்சர் ஜெய்ஸ்வால் பெண்கள் தொடர்பாய் பேசிய சர்ச்சைக்குரிய கருத்து, விமான பணிப்பெண் ராட்டினம் விழுந்து சென்னை அருகே பலி,புதுச்சேரி கோர்ட்டில் சங்கராச்சாரி ஆஜர்,இளைஞர் காங்கிரஸ் தேர்தல் முடிவுகள் என பல செய்திகள் பதிவாகவில்லை.

தனக்குத் தோன்றியதை மட்டும் அல்லது அறிந்ததை மட்டும் விரும்பிய விதத்தில் இதழில் அரைகுறையாகப் பதிவு செய்துள்ளனர்.இதழில் நிருபர்களுக்கும் ஆசிரியர் இலாகாவிற்கும் ஒருங்கிணைப்பு இருக்கிறதா இல்லையா என சந்தேகமாய் உள்ளது.

மொத்தத்தில்  8 ரூபாய் வேஸ்ட்.

நக்கீரன்.

அமைச்சர்கள் இலாகா பறிப்பு,அதிமுக நிர்வாகிகள் மாற்றம் குறித்து தொடர்புடைய காரணங்கள் எதனையும் பிற இதழ்களைப்போல் நக்கீரனும் முன்கூட்டியே பதிவு செய்யவில்லை.ஆனால் இப்பொழுது மாற்றத்திற்குப் பின் தான் அறிந்த காரணங்களைப் பதிவு செய்துள்ளது. நக்கீரனுக்குச் சொல்லியா தர வேண்டும்.காரணங்களை விதம்விதமாய் அடுக்கியுள்ளது.சென்னை மாவட்ட அதிமுக செயலாளர்கள் மாற்றம் குறித்தும் அப்படியே.

எதிர்பாராவிதமாக பேஸ்புக் செய்தியாளர்கள் பக்கத்தில் திமுக விற்கு எதிரான நிலைச்செய்தி ஒன்றும் இடம்பெற்றுள்ளது.எப்படி இந்த அதிசயம் நடந்தது என்று தெரியவில்லை.

சென்னை அருகே தீம்பார்க்கில் நடைபெற்ற இளம்பெண்ணின் மரணத்தையும்,பன்ருட்டி நகர அதிமுக செயலாளர் மரணத்தையும் நக்கீரன் விரிவாகப் பதிவு செய்துள்ளது. அதிலும் பன்ருட்டி நகர அதிமுக செயலாளர் மரணம் பிற இதழ்களில் பதிவாகவில்லை.

தீம் பார்க்கின் உரிமையாளர் முன்னாள் அதிமுக மாவட்டச் செயலாளர் என்பதும் ஒரு காரணமாய் இருக்கலாம். இதே நக்கீரன் தான் பெரம்பலூர் திமுக முன்னாள் சட்டமன்ற உறுப்பினர் ராஜ்குமார் மீதான பாலியல் குற்றச்சாட்டினை உண்மைக்குப் புறம்பாக ஒருதலைப் பட்சமாகப் பதிவு செய்தது என்பதை இங்கு நினைவுகூற வேண்டியதிருக்கிறது.

வாச்சாத்தியிலிருந்து கூடங்குளம் வரைக்கும் மக்கள் மீது காவல்துறையாலும் அரச இயந்திரத்தாலும் தொடுக்கப்பட்ட வன்முறை குறித்து எதிர்க்குரல் பத்தியில் சரியாகப் பதிவு செய்துள்ளார் மனுஷ்யபுத்திரன்.

ஆனால் அதே சமயம் தி.மு.க. ஆட்சியில் நெல்லையில் ஊர்வலம் சென்று  தாமிரபரணி ஆற்றங்கரையில் கொல்லப்பட்ட 18 பேர் மரணத்தையும்,கூலி உயர்வுக்காய் போராடிய மாஞ்சோலை தேயிலைத் தோட்டத் தொழிலாளர்கள் சித்திரவதைப் படுத்தப்பட்டதையும் ,சென்னை உயர்நீதிமன்றத்தில் வழக்கறிஞர்கள் கொடுமையாகத் தாக்கப்பட்டதையும் பதிவு செய்யாதது ஏன் என்று தெரியவில்லை.

எதுவாக இருந்தாலும் அது காரியவாதமான மவுனம் தான்.

கருணாநிதி தலைமையில் நடைபெற்ற டெசோ நாடக கூட்டமும் பதிவாகி உள்ளது. நக்கீரனில் சொன்னபடி வியாழக்கிழமை மாலை ஜெயகவுரியை சென்னை டிசியா நியமிக்கும் ஆர்டர் ரெடியாகி விட்டதுன்னு சங்கர்லாலில் சொல்லியிருக்காங்க.

வாசகனை முட்டாளாக்குகிறது இது போன்ற செய்தி.வியாழன் காலை தினத்தந்தியிலேயே மாற்றல் உத்தரவு வந்துவிட்டது.ஆனால் பைல் ரெடியாகி கொண்டிருக்கிறதுன்னு சொல்வதன் மூலமா நக்கீரனுக்கு காவல்துறை வட்டாரத்தில் நடக்கும் ஒவ்வொரு செய்தியும் தெரியும் அப்படிங்குற மாதிரி வெட்டி பில்ட் அப் கொடுக்கப்பட்டிருக்கு.

இரண்டாவதாக நக்கீரன் சொன்னபடி ஜெயகவுரியை சி.சி.பி. க்கு மாற்றம் செய்யவில்லை.சைபர் கிரைம் க்குத் தான் மாற்றியுள்ளனர்.

காங்கிரஸ் அவுட் தேமுதிக இன் என்று திமுக தொண்டனின் விருப்பத்தை நக்கீரன் பதிவு செய்து அட்டைப்படமாக்கியுள்ளது.

அதைப்போல திரைப்பட நடிகர் கருணாஸுக்கு ஆதரவாய் ஒரு செய்தி.சென்ற வாரத்தில் அவர் அளித்த கடைசிப்பக்க விளம்பரத்திற்கு நன்றிக்கடனாக இருக்கலாம்.

ஆ.ராசா,சுரேஷ் கல்மாடிக்கு கிடைத்துள்ள நிலைக்குழு உறுப்பினர் பதவி,மத்திய அமைச்சர் ஜெய்ஸ்வால் பெண்கள் தொடர்பாய் பேசிய சர்ச்சைக்குரிய கருத்து, புதுச்சேரி கோர்ட்டில் சங்கராச்சாரி ஆஜர், இளைஞர் காங்கிரஸ் தேர்தல் முடிவுகள்,திருமாவும் நாராயணசாமியும் கலந்து கொண்ட புதுச்சேரி நிகழ்ச்சி, சென்னை திருவல்லிக்கேணி வீடு இடிந்த விபத்து என பல செய்திகள் பதிவாகவில்லை.

அதே சமயம் கொரட்டூர் தனியார் பள்ளியின் 9 ஆம் வகுப்பு மாணவியின் மரணம் பதிவாகி உள்ளது.பிற இதழ்களில் பதிவாகவில்லை.

வழக்கம் போல.10 ரூபாய் வீண்...

ஜூனியர் விகடன்

சபாநாயகர் தன்பால் குறித்த அறிமுகம்,அதிமுக கவுன்சிலர் படுகொலை,தீம்பார்க்கில் விபத்தில் இளம்பெண் மரணம்,ஆகியன பதிவாகி உள்ளன.ஆறு பேர் ராமநாதபுரத்தில் உயிருடன் எரித்துக் கொல்லப்பட்ட செய்தி அனைத்துப் பதிப்பிலும் இடம்பெற்றிருக்க வேண்டும்.இடம்பெறவில்லை.

யுவராஜா,சுவாமி நேர்காணல் ஆகியன எந்த இதழிலும் இடம்பெறவில்லை.என்னமோ காங்கிரசில் அத்தனை பேரும் அப்பழுக்கற்ற உத்தமர் மாதிரியும் இளைஞர் காங்கிரசுக்கு நடைபெற்ற தேர்தலில் பணம் புகுந்து விளையாடியது தொடர்பான  முறைகேட்டைக் கண்ட ராகுல் கொதித்துப் போனது போலவும் ஒரு செய்தி.தாங்க முடியலை..!

அதிமுக வில் நடைபெற்ற அமைச்சர்கள்,நிர்வாகிகள் மாற்றம் குறித்து முன்கூட்டியே சொல்லாமல் பிற இதழ்களைப்போல் ஜு.வி.யும் தனக்குத் தோன்றியதை எழுதியுள்ளது.இது புலனாய்வு இல்ல பாஸூ.

கழுகார் பதில்கள்,புத்தக விமர்சனம் ஆகிய பகுதிகள் சிறப்பாக இருக்கின்றன.

விஜயகுமார் ஐபிஎஸ் ஓய்வு பெற்றதை அடுத்து அவருக்கு ஜால்ரா தட்டும் ஒரு செய்தி வந்துள்ளது.சிறப்புச் செய்தியாளர் பாலகிஷன் கைவண்ணம் என்று அறியமுடிகிறது.

பிஜேபி சார்பிலான பிரதமர் வேட்பாளர் யார் என்று டெல்லி செய்திகள் இரண்டு பக்கம் இடம்பெற்றுள்ளது.

அழகிரி மருமகன் மீதான விசாரணையில் மாறுபட்ட தகவல்கள்,முதல்வர் செயலாளரின் மீதான புகார் கிசுகிசுக்கள்,திமுக,செய்திகள்,முன்னாள் அமைச்சர் சி.வி.சண்முகம் தொடர்பான புகார் புரணி என கலந்து கட்டி கழுகார் பகுதியில் செய்திகள் வந்துள்ளன.

பன்ருட்டி அதிமுக நகரச் செயலாளர் படுகொலை, ஆ.ராசா,சுரேஷ் கல்மாடிக்கு கிடைத்துள்ள நிலைக்குழு உறுப்பினர் பதவி, மத்திய அமைச்சர் ஜெய்ஸ்வால் பெண்கள் தொடர்பாய் பேசிய சர்ச்சைக்குரிய கருத்து, புதுச்சேரி கோர்ட்டில் சங்கராச்சாரி ஆஜர், சென்னை திருவல்லிக்கேணி வீடு இடிந்த விபத்து என பல செய்திகள் பதிவாகவில்லை.

சராசரிக்கும் மிக குறைவாக இருக்கிறது...

 தலைப்பை மறுபடியும் படியுங்கள்...!