த்தூ.....ஆனந்த விகடன்..!

இதழ்களில் வரும்நேர்காணல்,திரைவிமர்சனம்,கட்டுரை,செய்திப்பதிவு,துணுக்கு 

போன்ற ஏதாவது ஒரு செய்தியை எடுத்துக்கொண்டு அதனை தனித்தனியாக, ஊர் பாஷையில் சொல்லப் போனால், அக்குவேறு ஆணிவேறாக அலசி ஆராயும்  போஸ்ட்மார்ட்டம் பகுதிக்கு  நாம் இந்த வாரம் (07-11-2012) தேதியிட்ட ஆனந்த விகடன் இதழில் வெளிவந்த நேற்று நான் விடுதலைப் போராளி இன்று நான் பாலியல் தொழிலாளி ஒரு பெண் போராளியின் வாக்குமூலம் என்ற தலைப்பில் மாணவ நிருபர் ம.அருளினியன் செய்ததாக வெளிவந்திருக்கும் ’நேர்காணலை’ எடுத்துக் கொள்வோம்.

அது இது தான்.

30 ஆண்டுகாலம் ஈழத்தில் நடைபெற்ற இன விடுதலைப் போராட்டம் குறித்தும்,தற்பொழுது அது எதிர்நோக்கியுள்ள நிலை குறித்தும் அதில் பங்கு பெற்ற ஒரு 'போராளி' இப்பொழுது அனுபவிக்கும் துயரத்தையும் பகிர்வதாகச் சொல்லும் இந்த நேர்காணல் 6 பக்கங்களில் விரிவாக அதி முக்கியத்துவத்துடன் வெளியிடப்பட்டுள்ளது.

இதில் நேர்காணல் அளித்தவர் ஒரு முன்னாள் ’பெண் போராளி’ என்றும் சொல்லப்பட்டுள்ளது.ஆனால் பாதுகாப்புக் கருதி அவரது புகைப்படம் வெளியிடப்படவில்லை என்றும் சொல்லப்பட்டுள்ளது.

இந்த நேர்காணல் தொலைபேசி வாயிலாகப் பெறப்பட்டதா..? அல்லது மின்னஞ்சல் மூலம் பெறப்பட்டதா..?அவ்வாறு தொலைபேசி அல்லது  ின்னஞ்சல் மூலம் பெறப்பட்டது எனில் அதன் நம்பகத்தன்மை என்ன..? இல்லை நேரடியாக யாழ்ப்பாணம்  சென்று எடுக்கப்பட்டதா..? அவ்வாறு நேரடியாகச் சென்று எடுக்கப்படதாயின் அவர் விடுதலைப்புலிகள் இயக்கத்தில் பங்கு பெற்றமைக்கு சான்றுகள் எதும் தந்தாரா போன்ற ஆதாரங்கள் இல்லை.அது போக இந்த 'அதிமுக்கியத்துவம்' வாய்ந்த, நேர்காணல் ஒளிப்பதிவு,ஒலிப்பதிவு செய்யப்பட்டுள்ளதா..?

இப்படி எண்ணற்ற கேள்விகள் எஞ்சி இருக்கின்றன.ஆனால் விடை  தெரியாத வினாக்கள். அப்படியாயின் நேர்காணலுக்கு என்ன ஆதாரம்..?

ஆகவே இந்த நேர்காணலை முதற்கண் சந்தேக நோக்கிலேயே அணுக வேண்டியுள்ளது.இப்படி ஒரு நேர்காணல் உண்மையிலேயே விடுதலைப்புலிகளின் முன்னாள் போராளியால் கொடுக்கப்பட்டதா? அல்லது தங்கள் சொந்த வன்மத்துக்காகவோ நிருபராலோ அல்லது அதிகார வர்க்கத்தின் மறைமுகத் திட்டங்களுக்காக சிலரால் திட்டமிட்டு வலிந்து உருவாக்கப்பட்டதா? என்னும் கேள்வி எழுவதைத் தவிர்க்க முடியவில்லை.

இனி அதன் சில பகுதிகளை ஆராய்வோம். முதல் 2 பத்தி அறிமுகத்தில் கழிந்து விடுகிறது.ஆகவே அதை விட்டு விடுவோம்.
முதலாவது கேள்வி இது.

விடுதலைப்புலிகளின் தலைவர் பிரபாகரன் குறித்து மிக உயர்வாக சொல்லியிருக்கிறார். உண்மை என்னவென்றால் விடுதலைப்புலிகள் இயக்கத்தின் போராளிகள் யாரும் பிரபாகரன் என்று அழைப்பதில்லை. அண்ணன் என்றோ தலைவர் என்றோ தான் அழைப்பார்கள்.அவர் பெயர் சொல்லி அழைப்பதில்லை.அவர்கள் தங்களில் ஒருவராகத் தான் அவரைக் கருதினார்கள். அதுவும் இவர் மூத்த போராளி.அந்த அடிப்படையில் பார்த்தால் இந்தக் கேள்வியும் பதிலும் உண்மையான நேர்காணல் தானா என்னும் சந்தேகத் தொனியை எழுப்புகிறது.
அடுத்ததாக 2 ஆவது கேள்வி இது.

இந்தக் கேள்வியே செயற்கையாகத் திட்டமிட்டதாகத் தெரிகிறது.முந்தைய கேள்வியிலேயே விடுதலைப்புலிகள் இயக்கத்தின் தலைவர் பிரபாகரன் குறித்து உயர்வாகவும் பெருமிதமாகவும் சொல்கிறார்.அதே போன்ற கேள்வி தான் இதுவும்.பதிலும் ஏறக்குறைய அதுதான். ஆனால் கூடுதலாக இடம் பெற்ற தகவல் என்னவென்றால் பிரபாகரன் இறந்து விட்டார், ஈழப் போர் முடிந்து விட்டது.இனி ஈழம் சாத்தியமில்லை.

ஆக மொத்தத்தில் இந்தக் கேள்வியில் பிரபாகரன் இறந்து விட்டார் என்பதை போராளி  வார்த்தையாக வலியச் சொல்கிறது.அல்லது திணிக்கிறது.

இத்தனைக்கும் வழக்கமாக ஊடகவியலாளர் எவர் ஒருவரும் முன்னாள் போராளிகளைச் சந்தித்தால் கேட்கும் முதல் கேள்வி கடைசி நேரத்தில் என்ன தான் நடந்துச்சுங்க..? பிரபாகரன் இப்ப எங்க இருக்கிறார் என்பது தான்.ஆனால் இதில் அப்படி ஒரு கேள்வியை நிருபர் கேட்கவே இல்லை.சுற்றி வளைத்துக் கேட்பது போன்ற தொனியை கேள்வியாக்கி உள்ளார்.

ஏனென்றால் அது படிப்பவர்களுக்கு நிருபரின் எண்ணத்தை பளிச்சென்று காட்டிக் கொடுத்து விடும் என்ற முன் எச்சரிக்கையாம்.

இதற்கு அடுத்து வந்த கேள்விகள் மிக நீண்ட தூரம் தூரப்போய் பயணிக்கிறது.

இந்த இடத்தில் சில விஷயங்களை நினைவு கூறுதல் அவசியம்.

முள்ளிவாய்க்கால் கொடூரம்

பேட்டி அளித்தவராகச் ’சொல்லப்படுபவர்’ விடுதலைப்புலிகள் இயக்கத்தின் சார்பில் ஈழத்தின் பெரும் போர்களில் பங்கெடுத்தவர்,பல்லாயிரக்கணக்கில் தமிழர்களைப் பலி கொண்ட முள்ளிவாய்க்கால் போரில் இறுதி வரை களத்தில் இருந்தவர் என்பதையும்,உலகையே அதிர வைத்த முள்ளிவாய்க்காலில் கடைசிக் கட்டத்தில் அரங்கேறிய கொடூரம் இன்னும் முழுமையாக வெளிப்படாமல் எவ்வளவோ அந்தக் கடலில் புதைந்து இருக்கிறது என்பதையும் நேர்காணல் வெளிவருவது தமிழின் முன்னணி இதழில் என்பதையும் விடுதலைப்புலிகளை ஆதரித்து பெரும்பாலான நேரத்தில்(வணிக நோக்கம் என்றாலும்) எழுதிய இதழ் என்பதையும் இங்கு நினைவில் கொள்ளுங்கள்.

உண்மையான நேர்காணல் என்றாலோ,சமூகப் பொறுப்புடைய பத்திரிகையாளர் என்றாலோ அடுத்த கேள்விகள் எப்படி நிருபரிடம் இருந்து வந்திருக்க வேண்டும்..?

முள்ளிவாய்க்காலில் கடைசிக் கட்டத்தில் என்ன தான் நடந்தது..? மக்கள் இறுதி நாட்களில் என்னென்ன துயரத்தை எதிர்கொண்டார்கள்..?மக்கள் மீது என்ன வகை குண்டுகளை வீசினார்கள்.?பிரபாகரன் இறந்ததாகச் சொல்கின்றீர்களே எப்படி நிகழ்ந்தது என்று துப்பாக்கியில் இருந்து வெளிவரும் தோட்டாக்களைப் போல ஒன்றன்பின் ஒன்றாக சரமாரியாக வெளிப்பட்டிருக்க வேண்டுமா இல்லையா..?

ஆனால் எந்தக் கேள்விகளும் இல்லை.அப்படியே கடந்து செல்கின்றார்.ஒரு பத்திரிகையாளனாக நமக்கு மிக மிகவும் ஆச்சரியமாக இருக்கிறது.யோசிக்க வைக்கிறது.அதே சமயம் நேர்காணலின் உண்மைத் தன்மை குறித்து சந்தேகம் வலுக்கிறது.

சரி அடுத்த பகுதியைப் பார்ப்போம்.

இந்தக் கேள்வியையும் அதன் பதிலையும் பார்க்கும் பொழுது நமக்கும் சில கேள்விகள் எழுகிறது.சிங்கள அமைச்சர்கள்,உயர் அதிகாரிகள் எங்களைக் கற்பழித்தார்கள் என்று ஒரு குற்றச்சாட்டு வருகிறது.அவர்கள் பெயரைச் சொல்வதில் என்ன தயக்கம்.ஒரு காமுகனை பெயர் சொல்வதில் என்ன பின் வாங்கல்?.பேட்டி கொடுத்தவரின் பெயர் வெளியிடப்படவில்லை.இத்தனைக்கும் குற்றச்சாட்டிற்கு உள்ளானவர்கள் சிங்கள அமைச்சர்கள்.இதழ் அச்சாவது இந்திய நாட்டில்.வெளிவருவது உண்மையை உரக்கச் சொல்வதாகச் சொல்லும் விகடன் குழும இதழில்.சர்வதேச விசாரணை அமைப்புக்களுக்கு அளிக்க வேண்டிய விஷயத்தை ஏன் விகடன் அமைதியாக கையாளுகின்றது.?பெண்ணின் குரலை மட்டுமாவது வெளிக்காட்டலாமே?

உண்மை எனில் அதை உரக்கச் சொல்வதில் என்ன தயக்கம்.?ஆனால் வெளியிடப்படவில்லை.

இந்தக் கேள்விகளையும் பதில்களையும் பார்க்கையில் அதே சந்தேகம் மறுபடியும் எழுகிறது.முன்னாள் போராளி எனத் தெரிந்தும் ஈழத்தில் இருக்கும் தமிழ்த் தலைவர்கள் யாரும் உதவ முன் வரவில்லை என்று சொல்கிறார். யார் யாரைச் சந்தித்தேன்,யார் உதவ மறுத்தார்கள் என்று சொல்லியிருக்கலாமே?

நான் பாலியல் தொழிலாளியாக மாறி விட்டேன் என்று தைரியமாகச் சொல்லும் ’போராளி’யால் எந்த தலைவர்கள் தனக்கு உதவி செய்யவில்லை என்று சொல்வதற்கு எந்த தயக்கமும் இருந்திருக்காது. தைரியமாகச் சொல்லலாம்.

ஆனாலும் சொல்லவில்லை. அவர் சொல்லவில்லையெனில் அதைக் கேட்பது பத்திரிகையாளனின் கடமையல்லவா.? அயோக்கியர்களை அம்பலப்படுத்தில் என்ன தவறு?

ஆனால் பத்திரிகையாளர் எதுவும் கேட்கவில்லை.(போராளி என்று ஒருவரை நேர்காணல் செய்திருந்தால் தானே கேள்விகள் கேட்பதற்கு என்று நீங்கள் சொல்வது காதில் விழுகிறது)

//சிறிது காலத்தில் அவர்களாகவே என்னை விடுவித்தனர்.//
1995 இல் இருந்து இயக்கத்தில் இருக்கும் ஒரு மூத்த பெண் போராளியை,சிங்கள ராணுவத்துடன் பல்வேறு போர்களில் பங்கெடுத்த ஒரு போராளியை உலகின் மிக மோசமான  ராணுவம் அவ்வளவு விரைவாக விடுவித்து விடுமா என்ன.? இயக்கத்தில் இருந்த பல போராளிகள் இப்பொழுது புனர்வாழ்வு முகாமில் பயிற்சி கொடுத்துக் கொண்டிருக்கிறார்கள். 

மேலும் 1995 இல் இயக்கத்தில் சேருகிறார்.சக போராளி ஒருவரைக் காதலித்துத் திருமணம் செய்கிறார்.
2009 ஆம் ஆண்டு போர் முடிவுறுகிறது.அதன்பின் அகதிகள் முகாமில் சிறிது காலம் இருந்திருக்கிறார்.அந்தக் காலம் ஒரு 6 மாதம் என வைத்துக் கொள்வோம்.

இரண்டு குழந்தைகள் இருப்பதாய்ச் சொல்கிறார்.

இந்த சமயத்தில் அவரது குழந்தைகள் கண்டிப்பாய் பெரியவர்களாக இருந்திருப்பார்கள்.ஆனால் இரண்டு குழந்தைகள் இருப்பதாகவும் பாலுக்காய் அழுவதாகவும் எழுதியிருக்கிறார்.

குழந்தைகள் பிறந்ததில் இருந்து வளரவே இல்லையா..?கட்டுக்கதைகளில் தான் இது சாத்தியம்.

என்னங்கடா உங்க லாஜிக்..?

இது அடுத்த கேள்வி.இதிலும் நிறையக் கேள்விகள் எழுகின்றன.

உள்ளூர் அரசியல் கட்சிகள் தனக்கு உதவி மறுத்ததைக் கூட வெறுப்புடன் மட்டும் சொல்பவர், தமிழ்நாட்டுக் கட்சிகளைக் குறித்துக் கேட்டவுடன் வெறுப்புடன் கூடுதலாக அனலாய்க் கோபமும் கொள்வது ஏன்..?

//அடுத்த வேளை உணவு இல்லாமல்//

இதற்கு முந்தைய கேள்வியில் பாலுக்காய் கஷ்டப்படும் குழந்தைகள் இப்பொழுது எப்படி உணவுக்காய் ஏங்குவார்கள்.இப்பொழுதும் பாலுக்காகத் தானே ஏங்க வேண்டும்..? திரைப்படத்தில் ஒரே பாட்டில் பணக்காரனாவது போல் ஆ.விகடன் நேர்காணலில் ஒரே கேள்வியில் பிள்ளைகள் வளர்ந்து விட்டார்களா..?
எழுதும் திரைக்கதையை சரியா எழுதுங்க.!

//விளக்குமாறால் அடிப்பேன்.//

ஈழத்தவர் யாரும் விளக்குமாறு என்று சொல்வதில்லை.

தம்புதடியால் அடிப்பேன் என்று தான் சொல்வார்கள்.


இதை விட இந்த நேர்காணல் உருவாக்கப்பட்டதற்கு இன்னொரு முக்கிய ஆதாரம்.


//ஈழத் தமிழர்கள் நாங்கள் தோற்றுவிட்டோம் என்கிற நிர்வாண கசப்பான உண்மையைக் கூட இன்னும் ஏற்றுக் கொள்ள முடியாதவர்களாக இருக்கிறார்கள்.//

இந்த வார்த்தை போராளியின் வார்த்தையாக வெளிவந்திருக்கிறது.ஆனால்

இந்த வார்த்தைகள் ஆனந்த விகடன் மாணவ நிருபர் அருளினியன் 2011 ஆம் ஆண்டு ஜூலை மாதம் என்னத்தச்சொல்ல என்னும் தலைப்பில் எழுதிய பதிவில் இருக்கிறது.

//நாம் ஈழ தமிழர் தோற்கடிக்கப்பட்டு விட்டோம் என்ற NAKED TRUTH புரியாத வரை என்னத்த சொல்ல.//

ஆக இது மூத்த பெண் போராளி என்று சொல்லப் படுபவரின் வார்த்தையா அல்லது நிருபர் அருளினியனின் கற்பனையா என்று நீங்களே முடிவு செய்து கொள்ளுங்கள்.

அடுத்த கேள்வியையும் அதற்கான பதிலையும் குறித்து நாம் இறுதியில் பார்ப்போம்.

இந்த நேர்காணலில் பொதுவான விஷயங்களாக நாம் அறிவது.

விடுதலைப்புலிகள் இயக்கத்தின் தலைவர் பிரபாகரனை பொதுவாகப் புகழ்வது போல் தோன்றினாலும் ஈழப் போராட்டத்தின் தோல்வியை மிக மோசமான ஒப்பீடுகளுடன் விமர்சிக்கிறது.வன்மம் தோய்ந்த வார்த்தைகளால் அவதூறு செய்கிறது.

இதைவிட இன்னொரு முக்கிய விஷயம் என்னவென்றால்,சிங்கள இனவாதம் குறித்தும் இறுதிக் கட்டப் போரில் அது பயன்படுத்திய மனித நாகரீக நெறிமுறையற்ற போர்முறைகள் குறித்தும் இன்றும் அங்கு நிலவும் கொடுமைகள் குறித்தும் மறந்தும் பேச மறுக்கிறது.(சிங்கள அமைச்சர்கள் குறித்து மட்டும் ஒருவரி விமர்சனம் இருக்கிறது.)

தமிழ்நாட்டுத் தலைவர்கள் குறித்தும் ஈழத்தில் உள்ள தமிழ் தலைவர்கள் குறித்தும் விமர்சன எல்லையைத் தாண்டி மிக இழிவான வார்த்தைகளில் விமர்சனம் செய்கிறது.ஆனந்த விகடன் போன்ற இதழ்களில் இது போன்ற வார்த்தைகள் பயன்படுத்தப்படுவது இல்லை.அதைப் போல இனி அங்கு போருக்கு சாத்தியம் இல்லை என்று உறுதியாகச் சொல்கிறது.

மேற்கண்ட விஷயங்கள் அனைத்தும் பொதுவாக யாருடைய வார்த்தைகள் என்றால் சிங்கள இனவாதம் மற்றும் அதற்கு இந்தியா மற்றும் இலங்கையில் துணை போகும்,அதற்கு சாமரம் வீசும் நபர்களுடையவை.

சரி இனி இதை பிறிதொரு கோணத்தில் பார்ப்போம்.

விடுதலைப்புலிகளையும் அவர்களின் அரசியலையும்,தமிழ்நாட்டில் அதனை முன்வைத்துச் செயல்படும் கட்சிகளையும் அதன் தலைவர்களையும் அவர்களின் தவறுககளையும் யாரும் விமர்சிக்க கூடாதா என்ற கேள்வி எழலாம்.விமர்சிக்க அனைவருக்கும் உரிமை உண்டு.கண்டிப்பாய் விமர்சிக்கலாம்.

இவ்வாறு விமர்சிப்பவர்கள் இருவகை.

இவ்வாறு விமர்சிப்பவர்கள் தமிழ்நாட்டிலும் ஏன் புலம்பெயர் தமிழர்களிலும் ஒரு பிரிவினரும் இருக்கின்றனர்.விடுதலைப்புலிகளின் அரசியலை விமர்சிக்கும் அதே சமயம், சிங்கள இனவாதத்தையும்,அதற்குத் துணை போகும் இந்தியா உள்ளிட்ட நாடுகளின் ஏகாதிபத்தியத்தையும் மிகத் தீவிரமாய் எதிர்க்கின்றனர்.

                வைகோ,நெடுமாறன்,திருமாவளவன்,சீமான், மணியரசன்,போன்றோர்களின் செயற்பாட்டை விமர்சிப்பது தவறு என்று ஒருக்காலும் சொல்லி விட முடியாது. கண்டிப்பாய் விமர்சிக்க வேண்டும்.ஆகவே தவறல்ல.விமர்சனத்திற்கு உட்படாத மனிதர்,அரசியல் என்று யாரும் கிடையாது.அதுவும் இவர்கள் அரசியல்வாதிகள்.கண்டிப்பாய் விமர்சனம் செய்யத் தான் வேண்டும்.ஆனால் விமர்சன நோக்கம் உண்மையாய் இருக்க வேண்டும்.

ஆனால் சிலர் இருக்கின்றனர்.விடுதலைப்புலிகளின் செயற்பாட்டை மட்டும் விமர்சிப்பர்.அதே சமயம் சிங்கள அரசின் இனவாதத்தை கமுக்கமாக கண்டுகொள்ளாமல் சென்று விடுவர்.இந்திய அரசின் செயற்பாட்டைப் பற்றியோ சொல்லவே வேண்டாம்.இவர்கள் நோக்கம் விடுதலைப்புலிகளை விமர்சித்துப் பிழைப்பு நடத்துவது.அதற்கு விடுதலைப்புலிகளின் பின்னடைவைப் பயன்படுத்திக் கொள்வது.வெளித்தோற்றத்தில் மக்கள் மீது அக்கறை இருப்பதைப் போல் காட்டிக் கொள்வது.

டக்ளஸ் வகையறாக்கள் இதில் முதலிடம் பிடிப்பர்.தமிழர்களை லட்சக்கணக்கில் கொன்றொழித்த இலங்கை அரசின் ஊது குழலாய்ச் செயல்படும் இவர்களின் நோக்கம் பிழைப்புவாத அரசியல்.தங்களின் சுயநலனுக்காய் சிங்கள அரசையும் அதற்குத் துணை போகிறவர்களையும் நத்திப் பிழைப்பது.இதனை கண்டிப்பாய் மாற்றுக்கருத்து என்றும் மக்கள் நலன் சார்ந்த அரசியல் என்றும் ஏற்றுக் கொள்ள முடியாது.

இந்தக் கட்டுரையைப் படிக்கும் பொழுது டக்ளஸ் வகையறாக்களின் குரலுக்கும் வார்த்தைகளுக்கும் செயல்பாடுகளுக்கும் சிறிதும் குறைவில்லாமல் இருக்கிறது.
மலத்தில் தோய்த்த இவர்களது வார்த்தைகள்,பொதுவாய் சமூகத்தில் பெரிய எதிர் வினையை உண்டாக்குவது இல்லை.

ஆனால் இதுவரை ஈழ விஷயத்தில் நடுநிலைச் செய்திகளை மற்ற இதழ்களைக் காட்டிலும் ஓரளவுக்கு  வெளியிட்டு வந்த ஆனந்த விகடன் போன்ற தமிழின் முக்கிய இதழில் அதி முக்கியத்துவத்துடன் வந்திருப்பதால் பரபரப்பையும் திகைப்பையும் ஒருசேர உண்டாக்கியுள்ளன.

*

இவரது நேர்காணல் உண்மைத்தன்மை சிறிதும் இல்லாமல் இருப்பதால் அவரைப் பற்றியும் அவரது பின்னணி குறித்தும் நாம் அறிய வேண்டியுள்ளது.

நேர்காணலைச் செய்தவர்பெயர் ம.அருளினியன்.விகடன் மாணவ நிருபர். 22 வயது தான் ஆகிறது.பத்திரிகைத் துறையிலும்  அரசியல் துறையிலும்  எந்த அனுபவமும் இல்லாத பின்னணியும் இல்லாத ஒருவர் தான் இந்தக் காரியத்தைச் செய்துள்ளார்.ஈழத்தைச் சேர்ந்தவர்.

அவரைப் பற்றியும் அவரது பின்னணி குறித்தும் அறிவதற்கு முன்னர் அவரது எழுத்துக்களை நாம் அறிவோம்.

விகடன் மாணவ நிருபர் ம.அருளினியன் 

இவர் ’அருளினியன் பதிவுகள்’ என்றொரு பெயரில் பிளாக்கில் எழுதுகிறார்.(அதை அவர் எந்தக்கட்டத்திலும் அழிக்க வாய்ப்பு இருக்கிறது.)

2010 ஆம் ஆண்டில் இருந்து தனது கருத்துக்களை அதில் எழுதுகிறார் .அதனை படித்துப் பார்த்தால் நமக்கு அவரைப் பற்றி ஒரு சித்திரம் வருகிறது.

ஆனந்த விகடன் நேர்காணலில் என்ன சொல்லப்பட்டிருக்கிறதோ அது தான் அவரது கருத்து.அவரது பதிவுகளைப் படித்தால் அவை அனைத்தும் நேர்காணலில் போராளியின் வார்த்தைகளாகச் சொல்லப்பட்டிருக்கிறது என எண்ண முடிகிறது.

Add caption

ஒன்று மட்டும் வித்தியாசம் இருக்கிறது.தனது பதிவுகளில் விடுதலைப்புலிகள் இயக்கத்தின் தலைவர் பிரபாகரனை மிக கடுமையாக விமர்சித்துள்ளார். இந்த நேர்காணலில் வெளிப்படையாய் விமர்சிக்கவில்லை.
புகழ்வது போல் இகழ்வதும்,நடுநிலையாய்ப் பேசுவது போ நடித்து தங்கள் திட்டத்தை நிறைவேற்றிக் கொள்வதும் கைக்கூலிகளுக்கு கைவந்த கலை.

அவர் பதிவுகளின் சுருக்கமாக நாம் அறிவது இதுதான்.

சிங்கள இனவாதத்தை வார்த்தைகளால் கூட எதிர்க்காதவர்.விடுதலைப்புலிகளை கடுமையாக விமர்சிப்பவர்.தமிழ்நாட்டுத் தலைவர்களை மிக மிகக் கடுமையாக விமர்சிப்பவர். இந்தியாவில் விதிக்கப்படும் மரண தண்டனை முறையை எதிர்க்கிறார்.ஆனால் பேரறிவாளன் குற்றமற்றவரா என்று எனக்குத் தெரியாது என்கிறார்.

//பேரறிவாளன் உட்பட மூவரும் அப்பாவிகளா எனக் கூறும் அளவிற்கு எனக்கு அரசியலும் தெரியாது,இந்தியாவின் நீதித்துறையின் நம்பகத்தன்மையின் அளவும் தெரியாது//

அதே சமயம் அப்துல் கலாம் மிகப்பெரிய அறிவாளி என்று கண்டுபிடித்து துதிபாடுகிறார்.அவர் தான் ஈழ மாணவர்களை நல்வழிப்படுத்த வேண்டும் என்று சொல்கிறார்.

(அதென்ன பாஸ்? பேரறிவாளன் தனக்கும் ராஜீவ் காந்தி கொலை வழக்குக்கும் தொடர்பில்லை என்று எத்தனையோ ஆதாரங்கள் கொண்டு அவரே புத்தகங்கள் எழுதியிருக்கிறார்.அதைப் படித்தும் அவர் குறித்து உங்களுக்கு ஒரு முடிவுக்கு வர முடியவில்லை.ஆனால் அப்துல் கலாம் உலக மகா அறிவாளின்னும் அவர் தான் எங்கட மக்களுக்கு அறிவு கொடுக்க வரணும்னு எதை வைத்து கண்டுபிடித்தீங்க..?

அதே சமயம் (இரண்டு ஆண்டுகளுக்கு முன்வரை) ஆங்கிலம் வடிவாத் தெரியாததால் யாழ்ப்பாணத்தில் பெண்டுபிள்ளைகளை கரெக்ட் செய்ய முடியவில்லை என்றும் அங்கலாய்க்கிறார்.முகநூலில் மட்டும் தோராயமாக  தனது 1000 புகைப்படங்களைப் பதிந்துள்ளார்.

http://www.facebook.com/aruliniyan.mahalingam?fref=ts

ஈழத்தவர் அனுபவிக்கும் கொடுமை குறித்த புகைப்படங்கள் அதில் நம் கண்ணுக்குத் தட்டுப்படவில்லை.

சுருக்கமாகச் சொன்னால் விடுதலைப்புலிகளின் எதிர்ப்பு.எந்த அரசியல் அனுபவமும் தெளிவும் புரிதலும் அற்ற 22 வயது.அவரது எழுத்துக்களும் இப்பொழுது தான் எழுதப் பழகுகிறார், ஆரம்பித்துள்ளார் என்பதை அறிவிக்கிறது.

Add caption

மொத்தத்தில் ஒரு போக்கிரித்தனமான கேரக்டர் என்று எண்ணத் தோன்றுகிறது.

இவரைப் பற்றி அறிய இவரது குடும்பப் பின்னணியையும் அறிய வேண்டும்.இவரது குடும்பம் போர்கள் பல கண்டு மாவீரர் ஆன குடும்பம் அல்ல.

இவரது சொந்த ஊர் யாழ்ப்பாணம் மாவட்டத்தில் உள்ள வலிகாமம் அருகேயுள்ள குப்பிழான் கிராமம்.இவர் ஆரம்பப் பள்ளிக் கல்வி பயின்றது விக்கினேஸ்வரா மகா வித்தியாலயம்.உயர் கல்வி பயின்றது யாழ்ப்பாணம் இந்துக் கல்லூரி.படித்து முடித்த பின் இங்கு பெங்களூர் வந்து கல்லூரியில் படித்துக் கொண்டிருக்கிறார்.விகடன் நிறுவனத்தில் மாணவ நிருபராய்ப் பணியாற்றிக் கொண்டிருக்கிறார்.

யாழ் இந்துக் கல்லூரியில் படித்தது.

இவருடன் உடன் பிறந்தவர்கள 3 பேர்.ஒரு தங்கை ஒரு தம்பி,ஒரு அண்ணன்.இவர்களில் தம்பியைத் தவிர இருவரும் வெளிநாட்டில் வசிக்கிறார்கள்.தங்கை ஆக்ஸ்போர்டு பல்கலையில் படித்துக் கொண்டிருக்கிறார்.

இவரது தந்தை சிவ.மகாலிங்கம் சைவசமய பேச்சாளர்.ஆன்மீக கட்டுரைகள் எழுதுபவர்.பலாலி ஆசிரியர் கலாசாலை விரிவுரையாளர்.அதன்பின் வட்டுக்கோட்டை யாழ்ப்பாணம் கல்லூரியின் விரிவுரையாளர். இப்பொழுது ஓய்வு பெற்ற பின்  வயதான காலத்தில் சொந்த ஊரான குப்பிழான் பாடசாலை அபிவிருத்தி மன்றம் தலைவர் பொறுப்பில் இருக்கிறார். யாழ்ப்பாணம் தமிழ்ச்சங்க உதவித் தலைவராகவும் பதவி வகிக்கிறார்.ஓய்வு நேரத்தில் இதுவரை ஞான விளக்கு,சிவஜோதி,முருக மந்திரம் என 3நூல்கள் எழுதியுள்ளார்.

இவர் 2009 ஆம் ஆண்டு எழுதிய ஞானதீபம் என்ற நூல் 2009 ஆம் ஆண்டு வெளிவந்ததில் சிறந்த நூல் என்று யாழ் இலக்கிய வட்டம் தேர்ந்தெடுத்து இலங்கை இலக்கிய விருதினை வழங்கியுள்ளது. விருதினைப் பெற்றுள்ளது. 12-06-2011 அன்று நல்லை ஞானசம்பந்தர் ஆதின மடத்தில் இதனை அவர் பெற்றுக் கொண்டார்.

இலங்கை இலக்கியப் பேரவை விருது வாங்கிய பொழுது

சுருக்கமாக இப்படிப் பார்க்கலாம்.

2009 ஆம் ஆண்டு இலங்கையில் நடைபெற்ற  இனப்படுகொலையை உலகமே மனம் பதைபதைத்து பார்த்துக் கொண்டிருந்த பொழுது தமிழ்நாட்டில் அதற்கு எதிர்வினையாய் 15 பேர் மாண்ட பொழுது,கூப்பிடு தூரத்தில் உள்ள குழப்பானில் இருந்து கொண்டு சிவ.மகாலிங்கம் ஒய்வை அனுபவித்துக் கொண்டும்,சைவ சமய நூல் எழுதுவதிலும் ,விருதுகள் வாங்குவதிலும் பட்டிமன்றங்களுக்குச் சென்று சைவ சமயத்தைப் பரப்புவதிலும் மூழ்கியிருந்தார்.

படைப்பு மனம் எவ்வளவு கொடூரமாய் இருந்திருக்கிறது பாருங்கள்.அவர் மகனும் இப்பொழுதைய விகடன் மாணவ நிருபருமான ம.அருளினியன் கொழும்பு சார்ஜா மைதானத்தில் இங்கிலீசு வடிவாத் தெரியாததனால் பொம்பளப் பிள்ளைகளைக் கரெக்ட் பண்ண முடியலைன்னு வருத்தத்தில் அரற்றிக் கொண்டு இருந்திருக்கிறார்.

அங்க தமிழன் கொத்துக் கொத்தாய்ச் செத்துக் கிட்டிருந்தான்.

எல்லாம் முடிந்த பின் தமிழ்ச்சமூகத்திற்கு அறம் போதிக்கவும் அரசியல் சொல்லிக் கொடுக்கவும் தமிழ்நாட்டிற்கு வந்திருக்கிறார்.அவரை விகடன் வாரி அணைத்துக் கொண்டது.

சரி இவரது குடும்ப அரசியல் பின்னணி என்ன..?

பொதுவாக இவரது குடும்பம் டக்ளஸ் தேவானந்தாவின் மீது அன்பு உள்ளவர் என்று சொல்கிறார்கள்.இவர்களது தொகுதியின் நாடாளுமன்ற உறுப்பினர் டக்ளஸ் தேவானந்தா ஆவார்.

2 விஷயங்களை குறிப்பாகச் சொல்லலாம்.

விகடன் நிருபர் ம.அருளினியனின் தந்தை சிவ.மகாலிங்கம் கல்லூரி விரிவுரையாளர் பதவியில் இருக்கும் பொழுதே அதை விடக் கூடுதல் சம்பளம் கிடைக்கும் என்பதற்காய் அதைப் பாதியில் விட்டு விட்டு இந்து சமய கலாச்சார தினைக்களத்தின் உதவிப் பணிப்பாளர் பதவியைப் பெற்றுள்ளார். இந்தப்பதவியை அவருக்குப் பெற்றுத் தந்தது டக்ளஸ்  தேவானந்தா என்று ஊர்ஜிதமற்ற தகவல்கள் தெரிவிக்கின்றன.

இந்தக் காலகட்டத்தில டக்ளஸ் தேவானந்தா 2004 - 2005 காலப்பகுதியில் இலங்கை இந்து சமய கலாச்சார அலுவல்கள் திணைக்களம் அமைச்சர்பொறுப்பு வகித்தார் என்பது குறிப்பிடத்தக்கது.அவரின் கீழ் உதவிப் பணிப்பாளராய் சிவ.மகாலிங்கம் பணியாற்றியுள்ளார்.

இவர் உதவிப் பணிப்பாளராய் 2005 ஆம் ஆண்டில் இருக்கும் பொழுது அவரே முன்னிட்டு பொறுப்பெடுத்து தெய்வச் சேக்கிழார்-ஐந்தாவது உலகச் சேக்கிழார் மாநாட்டு மலரை தயாரித்துள்ளார்.அதற்கு இந்து சமய அலுவல்கள் அமைச்சும் நிதி உதவியும் வழங்கியுள்ளது. இவரது பரிந்துரையை ஏற்று அதன் அமைச்சர் டக்ளஸ் தேவானந்தா அதற்கு நிதி உதவி அளித்ததோடு மட்டுமல்லாமல் வாழ்த்துச் செய்தியும் தந்துள்ளார்.

அதில் சிவ.மகாலிங்கம் ஆன்மீகம் குறித்து ஒரு கட்டுரையும் எழுதியுள்ளார்.

அதைப் போல யாழ் தமிழ்ச்சங்கத்தில் இவர் செல்வாக்காய் இருக்கும் பொழுது இந்தியாவில் கொலை செய்து விட்டுத் தப்பி ஓடிய,இன்றும் தேடப்பட்டுக் கொண்டிருக்கும் டக்ளஸ் தேவானந்தாவை யாழ் தமிழ்ச்சங்க கட்டிடத்திற்கு 2009 ஆம் ஆண்டு வரவழைத்ததில் முக்கியப் பங்கு வகித்துள்ளார் என்றும் தகவல்கள் தெரிவிக்கின்றன.

2009 ஆம் ஆண்டு டக்ளஸ் தேவானந்தா யாழ் தமிழ்ச்சங்கம் வருகை தந்த பொழுது 

ஒட்டு மொத்தத்தில் பார்த்தால் இவரையும் இவரது குடும்பத்தையும் சுற்றி சந்தேகத்தின் நிழல் நன்கு படிந்துள்ளது.

விகடன் நிருபரின் அப்பா சிவ.மகாலிங்கம் வாழ்நாள் முழுவதும் அரசுப்பணியிலும் அது முடிந்த பின் சைவம் தழைத்தோங்குவதற்கும் அல்லும் பகலும் உழைத்திருக்கிறார் என்பது தெரிகிறது.

அவரது அருமைப் புதல்வர் ம.அருளினியன் பெங்களூரு வந்து வாழ்க்கையை அனுபவிக்கிறார்.இவர் எடுத்ததாகச் சொல்லும் நேர்காணலை நாம் இந்தப் பின்னணியில் தான் புரிந்து கொள்ள வேண்டிய கட்டாயத்தில் இருக்கிறோம்.ஆகவே அதன் உண்மைத் தன்மை குறித்தும் நடுநிலை குறித்தும் அவரது எழுத்துக்கள்,குடும்பப் பின்னணி நமக்கு உணர்த்துகிறது.

இத்தனை சொன்ன பின்னும் உங்கள் மனதில் ஒரு சிறிய எண்ணம் இருக்கலாம்.இந்த நேர்காணல் உண்மையானது தான்.ஆனந்த விகடனும் அதன் நிருபரும் உண்மையைத் தான் வெளிக் கொணர்ந்துள்ளார்கள் என்று துளியாவது எண்ணலாம்.

உங்களுக்கு ஒரு கூடுதல் ஆதாரம் தர வேண்டியுள்ளது.நேர்காணலின் இறுதிக் கேள்வியும் பதிலும் இது தான்.வலிய இந்தக் கேள்வி கேட்கப்பட்டிருகிறது என்பதை உணர முடியும்.

நான் எனது உடலைத் தான் விற்கிறேன்.ஆன்மாவை அல்ல.//

இதே வார்த்தையை அவர் 2011 ஆம் ஆண்டு ஜூலை மாதம் எழுதிய தனது பதிவில் எழுதியுள்ளார்.

//ஈழத் தமிழரை வைத்து அரசியல் செய்யும் தமிழ்நாட்டு அரசியல்வாதிகளை விட பெங்களூரில் எம்.ஜி.ரோட்டில் விபச்சாரம் செய்யும் பெண் எவ்வளவோ மேல்.அவள் உடலைத் தான் விற்கிறாள்.ஆன்மாவை அல்ல.//

இதற்கு மேல் சொல்ல என்ன இருக்கிறது.தனது வன்மத்தில் தோய்த்த வார்த்தைகளை மூத்த பெண் போராளியின் பெயரில் நேர்காணல் என்று வெளியிட்டமைக்கு வேறு என்ன ஆதாரம் உங்களுக்கு வேண்டும்.?

ஆக இது ஒரு வன்மம் நிறைந்த திட்டமிட்ட டேபிள் ஒர்க் என்று நாம் நிருபணம் செய்துள்ளோம்.இது எப்படி நிகழ்ந்தது?

மாணவ நிருபரின் திட்டமிட்ட கைக்கூலித் தனத்திற்கு வக்கிரத்திற்கு ஆனந்த விகடன் ஆசிரியர் குழு அறியாமையினால் துணை போயிற்றா..?
இந்த அறியாமைக்கு பின்னணியில் எந்தெந்த நிருபர்கள் அலுவலகத்தில் இருக்கிறார்கள்?

அல்லது யாருடைய ’நிர்ப்பந்தங்களாலோ’ நிர்வாகம் அறிந்து இச்செயலில் ஈடுபட்டதா..?

’அறியாமை’யினால் இந்த நேர்காணல் வந்தது என்றால் சில கேள்விகள் எழுகின்றன..?

இதற்கு சில வாரங்களுக்கு முன் நிருபர் ம.அருளினியன்,யோ.கர்ணன் என்பவரை இறுதிக் கட்டம் வரை முள்ளிவாய்க்கால் போரில் பங்கெடுத்த போராளி என்று தவறாகவும் இட்டுக் கட்டியும் குறிப்பிட்டார் அவர் பல காலம் முன்பே இயக்கத்தில் இருந்து விலகி விட்டதாக அவரே சொல்லியிருக்கிறார்.விகடன் முன்னாள் நிருபர் அருள் எழிலன் இது குறித்து பேஸ்புக்கில் ஒரு நிலைத்தகவலும் இட்டிருக்கிறார்.அப்பொழுதே சுதாரித்திருக்க வேண்டும்.இவர் குறித்து எச்சரிக்கையுடன் அணுகி இருக்க வேண்டும்.

மேலும் பரந்துபட்ட மக்கள் திரள் கொண்ட ஒரு விடுதலைப் போராட்டத்தை நடத்திய இயக்கத்தை விமர்சிக்கிறோம் என்ற பெயரில்  எந்தவித அரசியல் அறிவும் இல்லாத ஒரு லும்பன், தற்குறி,கைக்கூலியான நிருபர் போகிற போக்கில் எழுதுவதை எப்படி நிர்வாகம் அனுமதித்தது..?

கழிசடையான திரைப்படங்களைக்கண்டு ஒரு பக்கம் விமர்சனம் எழுதுவதற்கே மிகவும் அக்கறையுடனும் பொறுப்புடனும் தலைமை,மூத்த நிருபர்களை மட்டும் அனுமதிக்கும் நிர்வாகத்திற்கு இது ஏன் தெரியவில்லை.? 
தங்கள் இனத்துக்காக உயிரைத் துச்சமெனத் துறக்கத் துணிந்த பெண் போராளிகளைப் பாலியல் தொழில் செய்கிறார்கள் என்று எழுதுவது எவ்வளவு பெரிய அயோக்கியத்தனம்?
இது சமூகத்தில் எவ்வளவு பெரிய விளைவுகளையும் உளவியல் ரீதியாக அவர்களிடத்திலும் எவ்விதப் பாதிப்புக்களை ஏற்படுத்தும் என்று அறியவில்லையா..?

உள்ளூரில் உள்ள நபர்களே விகடன் மாணவ நிருபர் திட்டத்தில் இணைய முடியாமல் சிரமப்படும் பொழுது எங்கோ யாழ்ப்பாணம் அருகில் இருப்பவருக்கு எப்படி இடம் கிடைத்தது..?அவர் பின்னணி அறியாமல் உண்மையில் இடம் கிடைத்ததா..? அல்லது அறிந்ததனால் கிடைத்ததா..?அல்லது யாராகிலும் திட்டமிட்டு நுழைத்தனரா..?

ஆனால் எது ஒன்றானாலும் விகடன் தன் தவற்றிற்கு பகிரங்க மன்னிப்புக் கேட்பதுடன் நிருபரை வேலையை விட்டு வெளியேற்றுவது தான் சரி.

அதை விடுத்து அடுத்த வாரம் வைகோ பேட்டியையோ,சீமான் பேட்டியையோ வெளியிட்டோ உங்கள் நடுநிலையை நிருபிக்கலாம் என்றோ, எதிர்ப்பை நீர்த்துப் போகச் செய்யலாம் என்று நினைத்தால் அது அயோக்கியத்தனம்.அதை விட செட்டப் செய்யப்பட்ட எதும் ஒலி நாடாவை வெளியிட்டீர்கள் என்றால் இன்னும் அம்பலப்படுத்தப் படுவீர்கள்.

இதுவரை விகடன் குழும இதழ்கள் ஈழ ஆதரவைக் காட்டியும் விடுதலைப்புலிகள் இயக்கத் தலைவர் பிரபாகரனின் போஸ்டர்களை பல வண்ணத்தில் அடித்தும் எத்தனையோ லட்சம் பிரதிகள் கூடுதலாக விற்பனை செய்தது.இதற்கும் மேலாக விகடன் பிரசுரம் மூலம் ஈழப் போரின் கொடூர உண்மைகளை,அவர்களின் ரத்தம் தோய்ந்த வரலாற்றை லட்சக்கணக்கில் விற்றுக் காசாக்கி கொண்டது.

இன்றோ நம்பகத்தன்மை சிறிதும் இல்லாமல்,மூன்றாந்தர பத்திரிகைகளுக்குப் போட்டியாக மலினமாய் நடந்து கொண்டுள்ளது.

சாதாரண கட்சியின் வட்டச் செயலாளருக்கு எதிரான செய்தி என்றாலே ஒன்றுக்கு பலமுறை யோசித்து,வக்கீல் நோட்டீஸ் வருமோ என்று பயந்து நடுங்கும் விகடன்,எந்தவித நிருபணமும் இல்லாமல் அதிகார்பூர்வமாய் பதில் சொல்வதற்கு பொறுப்பான யாருமில்லாத இயக்கத்தைப் பற்றி எந்தவிதப் பொறுப்பற்ற தனமாய் போக்கிலித் தனமாக வெளியிட்டுள்ளது.
உங்களுக்கும் டாஸ்மாக்கில் ஓசி சாராயம் குடித்து விட்டு ஆள் இல்லாத தெருவில் நாக் கூசும் வார்த்தைகளால் வாய்க்கு வந்த படி பேசுபவனுக்கும் என்ன வித்தியாசம்.?

அல்ல. இந்த நேர்காணல் நிர்வாகம் திட்டமிட்டு வெளியிட்டது எனில் நாம் சொல்வதற்கு எதுவும் இல்லை.நீங்கள் பகிரங்க மன்னிப்புக் கோராத பட்சத்தில்,நிருபரையும் அலுவலகத்தில் இதற்கு பின்னணியாகச் செயல்பட்டவர்களையும் நீக்கம் செய்யாத பட்சத்தில், நாம் அப்படியே முடிவுக்கு வர வேண்டியதிருக்கும்.அப்பொழுது விகடன் குறித்து வாங்கும் வாசகர்கள் தான் முடிவு செய்ய வேண்டும்.

பதில் சொல்லுமா விகடன்.? 

தொடர்புடைய இணைப்புக்கள்

http://aruliniyan.blogspot.in/2011_08_01_archive.html

http://aruliniyan.blogspot.in/2011/07/blog-post_09.html

http://kuppilan.net/?p=1659

http://www.kuppilanweb.com/maindirectry/informations.html

http://puthu.thinnai.com/?p=1251

http://ayalveedu.blogspot.in/2011/06/blog-post.html

 http://aruliniyan.blogspot.in/2011/06/blog-post_14.html
http://aruliniyan.blogspot.in/2012/01/blog-post_24.html

வாசகர்களை ஏமாற்றிப் பணம் பிடுங்கிய ஆனந்த விகடன்...!

பொதுவாக தீபாவளி, தைத் திருநாள் போன்ற விடுமுறை நாட்களில் நேர்மையான வணிக நிறுவனங்கள் தங்கள் பொருட்களை அதுவரை விற்பனை செய்து வந்த விலையை விட சற்றுக் குறைந்த விலையில் விற்பனை செய்வர்.பொருட்கள் அதிகம் விற்பனை ஆகும் என்பதும் மற்றும் இதன் மூலம் அதிக வாடிக்கையாளர்களை ஈர்த்து தொடர்ந்து தம்மிடையே தக்க வைக்கலாம் என்பதும் காரணம் ஆகும்.

சில  நிறுவனங்கள்,வழக்கமான விலையை விட கூடுதலாக நிர்ணயம் செய்து விட்டு தள்ளுபடி செய்வது போல் ஏமாற்றி பழைய விலைக்கே விற்பதும் உண்டு. வாங்குபவர்களை ஏமாளியாகவும் தங்களை அறிவாளியாகவும் கருதுவது தான் இதற்குக் காரணம்.

ஆனால் இன்னும் சில 'துணிச்சலான' மோசடி நிறுவனங்கள் இருக்கின்றன.

வழக்கமான விலையை விடவும் அதிக விலைக்கு  பகிரங்கமாக விற்பனை செய்வர்.தரமும் குறைவாக இருக்கும். இந்த கூட்டத்தில் தங்கள் அயோக்கியத்தனத்தை யாரும் கண்டுகொள்ள மாட்டார்கள் என்ற தெனாவட்டும்  நம்மை யார் கேள்வி கேட்பது என்ற ’துணிச்சலும்’,அதற்குக் காரணம் ஆகும்.

இந்த வாரம் அப்படி ஒரு நிறுவனத்தைப் பார்ப்போம்.

வாசன் பப்ளிகேஷன்ஸ் (பி) லிமிடெட்டில் இருந்து வெளியாகும் ஆனந்த விகடன் தான் துணிச்சலுடன் வாசகர்களின் பர்ஸில் கைவைத்திருக்கிறது.

இந்த வார ஆனந்த விகடன் விலை ரூ.25  வழக்கமான இதழை விட அதிக பக்கங்களாம்.

ஏன் என்று கடைக்காரரிடம் கேட்டால் தீபாவளி சிறப்பிதழ் என்று பதில் வருகிறது. தீபாவளி சிறப்பிதழ் என்றால் விலையைக் குறைக்கத் தானே வேண்டும்,எதற்கு உயர்த்தினார்கள் என்று கேள்வி எழுகிறது.

வழக்கமான இதழுக்கும் இந்த இதழுக்கும் யாதொரு வித்தியாசமும் இல்லை. திரைப்படத் துறை சம்பந்தப்பட்டவர்களின் பேட்டிகள்,செய்திகள்,புகைப்படங்கள் தான் கூடுதலாக இடம் பெற்றிருக்கிறது..ஆனால் சிறப்பிதழ் என்ற காரணத்தை வைத்துக் கொண்டு விளம்பரங்கள் அள்ளிக் குவித்திருக்கின்றனர்.

வழக்கமான விளம்பர அளவை விட அதிக அளவில் வாங்கிக் குவித்திருக்கின்றனர்.சரி விளம்பரங்களின் மூலம் சில லட்சங்களை கூடுதலாக ஈட்டுகின்றார்களே போதாதா..?விலையையும் அதிகமாய் ஏற்றி நம்மிடம் பிடுங்கியுள்ளனர். 

எவ்வளவு அதிகம் பிடுங்கியுள்ளனர் என்பதை பழைய ஆனந்த விகடன் விலையுடன் ஒப்பிட்டுப் பார்ப்போம்.

19-09-2012 தேதியிட்ட ஆனந்த விகடனைப் பார்ப்போம்.

மொத்தம் -116 பக்கங்கள்

விளம்பரங்கள் - 22 பக்கங்கள்

விளம்பரங்கள் தவிர்த்து ஆ.விகடன் -9494(494பக்கங்கள் 94

விலை-ரூ.17

தோராயமாக ஒரு பக்கத்தின் விலை(தயாரிப்பு மற்றும் லாபம் உட்பட)

0.18 பைசா.(ரூபாய் 17 % 94 பக்கங்கள்)

(இவர்கள் லட்சக்கணக்கில் காசு வாங்கிக் கொண்டு வெளியிடும் விளம்பரத்திற்கு நாம் ஏன் காசு கொடுக்க வேண்டும்.?இதை விட இதழுக்கான 'மதிப்பை' வரையறை செய்ய வேறு வழிமுறை இருந்தால் வாசகர்கள் நமக்கு அனுப்பலாம்.)

பொதுவாக பிற இதழ்களுடன் ஒப்பிடும் பொழுது ஆ.விகடன் விலை மிக அதிகம் என்பது உண்மை. இதனை நாம் பிறிதொரு பதிவில் பார்ப்போம்.ஆனாலும் நாம் இப்பொழுது இதனை ஒப்பீட்டுக்காகப் பயன்படுத்திக் கொள்வோம்.

இந்த தீபாவளி சிறப்பிதழ்

07-11-2012 தேதியிட்ட ஆனந்த விகடனைப் பார்ப்போம்.

அதில் மொத்தம் -180 பக்கங்கள்

விளம்பரங்கள் – 55 பக்கங்கள்

விளம்பரங்கள் தவிர்த்து ஆ.விகடன் 125 பக்கங்கள்.

மேற்கண்ட கணக்கீட்டின் படி ஆ.விகடன் தீபாவளி சிறப்பிதழ்,என்ன விலை நிர்ணயம் செய்யப்பட்டிருக்க வேண்டும்..?

125 பக்கங்கள்@ 0.18 = ரூ. 22.50 தான் நிர்ணயம் செய்யப்பட்டிருக்க வேண்டும்.

சொல்லப் போனால் இன்னும் குறைவாக நிர்ணயம் செய்யப்பட்டிருக்க வேண்டும்.

ஏன் என்றால் விளம்பரக் கட்டணம் ஆனந்த விகடனில் தீபாவளி சமயத்தில் அதிகம்.அந்த வருமானமும் அதிகம் வந்திருக்கும்.மேலும் தீபாவளிக்காய் அதிக பிரதிகள் அச்சிடும் பொழுது தயாரிப்புச் செலவும் வழக்கத்தை விடக் குறைவாகத் தான் வந்திருக்கும்.ஆனால் விகடன் விலை என்ன தெரியுமா..?

ரூ.25

இதழ் ஒன்றுக்கு 2.50 காசுகள் கூடுதலாய் விலை வைக்கப் பட்டிருக்கிறது.தோராயமாய் தீபாவளியில் 6 லட்சம் பிரதிகள் இந்த இதழ் ஆ. விகடன் விற்பனை செய்யப்பட்டிருக்கும் என்று வைத்துக் கொண்டாலும் 15 லட்சம் ரூபாய் வாசகனிடம் இருந்து பறிக்கப்பட்டிருக்கிறது.

இது எவ்வளவு பெரிய அயோக்கியத்தனம்..?

காசு கொடுத்துப் படிக்கும் வாசகனை ஏமாளி என்று நினைத்து இது போன்ற மோசடியில் வாசன் பப்ளிகேஷன் (பி) லிமிடெட் ஈடுபட்டிருக்கிறது. இவர்கள் தான் ஊருக்கு உபதேசம் செய்கிறார்கள்.

(ஆனால் இதே சமயம் சக போட்டி இதழான குமுதம் தீபாவளி சிறப்பிதழ் என்ற தலைப்பில் 3 இதழ்களை அதே விலையில்வெளியிட்டு  விற்பனை செய்துள்ளது.குமுதத்தை போட்டியாக கருதும் ஆ. விகடன் இது போன்ற விஷயத்தையும் கடைப்பிடிக்க வேண்டும்.)

தீபாவளியின் பொழுது தன்னை யாரும் கவனிக்க மாட்டார்கள் என்று கூடுதல் விலை வைத்துக் கொள்ளையடிக்கும் நிறுவனங்கள் பிறருக்கு அறிவுரை சொல்வதில்லை.அறம் போதிப்பதில்லை.ஆனால் விகடன் அதைச் செய்கிறது.இதைப் பார்த்தால் அவர்களை விட இவர்கள் ஏமாற்று எவ்வளவு மோசமானது என்று விளங்கும்.

விகடனில் சில வருடங்களுக்கு முன் கன்ஸ்யூமர் கதைகள் என்ற தலைப்பில் நுகர்வோர் எவ்வாறெல்லாம் ஏமாற்றப்படுகிறார்கள் என்று தேசிகன் தொடர் எழுதினார். ஆ.விகடன் மோசடிகளை அம்பலப்படுத்தினால் மட்டும் போதாது.

தனது நிறுவனத் தயாரிப்புகளில் அதைக் கடைப்பிடிக்க வேண்டும்.

நக்கீரனில் மனுஷ்யபுத்திரனின் ஊழல் எதிர்ப்பு -கரம் கோர்க்கும் 'யோக்கிய சிகாமணிகள்'...!

எதிர்க்குரல் என்னும் தலைப்பில் நக்கீரன் வாரமிருமுறை புலனாய்ய்ய்ய்ய்வு இதழில் மனுஷ்யபுத்திரன் தொடர்ந்து நாட்டு நிகழ்வுகள் குறித்து தனது விமர்சனக் கட்டுரைகளை எழுதி வருகிறார்.அவரது எழுத்தில் உள்ள நிறைகுறைகள் குறித்து ஒன்றிரண்டு முறை நமது பதிவுகளில் விமர்சனமும் செய்துள்ளோம்.

இந்த (அக்டோபர் 20-23,2012 தேதியிட்ட) இதழில் எதிர்க்குரலில் ஊழலின் ஓயாத அலைகள் என்னும் தலைப்பில் சோனியாவின் மருமகன் ராபர்ட் வதேரா,சல்மான் குர்ஷித்,வீரபத்ரசிங் ஆகியோர் ஊழல் குறித்து எழுதியுள்ளார்.

ஒன்றிரண்டு விமர்சனங்கள் அதில் இருந்தாலும் நக்கீரன் வாசகர்களுக்கு ஏற்ற கட்டுரை தான் அது.

--

அதன் கடைசிப் பகுதியை மட்டும் பாருங்கள்.

ஊடகங்களின் நேர்மை குறித்தும் அதன் செயல்பாடு குறித்தும் வெளிப்படையாய் இன்னொரு ஊடகத்தில் விமர்சித்துள்ள மனுஷ்யபுத்திரன் நிச்சயம் பாராட்டுக்கு உரியவரே..

ஆனால் அந்தப் பாராட்டைத் தெரிவிக்கும் முன்,நக்கீரன் மனுஷ்யபுத்திரனின்  விமர்சனத்தை வெளியிடுவதற்குத் தகுதியானது தானா என்பதையும்,அதையும் தாண்டி மனுஷ்யபுத்திரன் அதை எழுதுவதற்குத் தகுதியான நபரா என்பதையும் பார்ப்போம். 

##

முதலில் நக்கீரன்

நக்கீரனின் உரிமையாளரும் ஆசிரியரும் வேண்டுமானால் ஆர்.கோபாலாக இருக்கலாம்.

ஆனால் அதில் என்ன செய்திகளை வெளியிடுவது,எதனை கவர் ஸ்டோரி வைப்பது,என்னென்ன மேட்டர் இந்த இதழில் இடம்பெற வேண்டும்,யாரை விமர்சிக்க வேண்டும்,யாரைத் துதி பாட வேண்டும்,திமுகவில் யாருக்குச் செக் வைக்க வேண்டும்,யாருக்கு புகழ் மாலை சூட்ட வேண்டும்,எந்தச் செய்தியைக் கண்டுகொள்ளாமல் விட்டு விட வேண்டும், எதனை பூதாகரப் படுத்த வேண்டும் என்று அனைத்தையும், சுருக்கமாகச் சொல்லப் போனால் அதன் ஒட்டுமொத்த இயக்கமும் அதன் இணை ஆசிரியர் அ.காமராஜ் தான்.

கோபாலின் அதிகாரம், தம்பி இந்த இஷ்யூல 2 விளம்பரம் கூட வந்துருக்கு.மேட்டரைக் குறைச்சுக்கலாமா என்று கேட்கிற அளவிற்குத்தான். அதைத் தாண்டி சிறுசிறு வகையில் இதழில் தலையிட முடியும் என்பதுதான் அவர் எல்லை. இந்த எல்லையைத் தாண்ட  அவர் எப்போதும் துணிய மாட்டார்..

ஆக இதழின் உண்மையான ஆசிரியர் அ.காமராஜ்.உரிமையாளர் ஆர்.கோபால்.

நக்கீரனும் அதன் செய்தி ஆசிரியரும் திமுக தலைவர்கருணாநிதியை கருணாநிதி என்று சொல்லவே மறுப்பவர்கள். க்லைஞர் என்று பயபக்தியுடன் அழைப்பவர்கள்.திமுகவின்  கடைக்கோடி தொண்டனுக்கு இருக்கும் அதே உணர்வு இவர்களுக்கும்.

மேலும் கடந்த ஐந்தாண்டு கால தி.மு.க. ஆட்சிக் காலம் முழுவதும்  திமுக கட்சிப் பத்திரிகையான‌ முரசொலியின்  வாரமிருமுறைபதிப்பாக‌ நக்கீரன் வெளிவந்தது.

இந்த ’சேவைக்கு’ அல்லது ’விசுவாச’த்திற்கு  சிறு அளவிளல்ல, மிகப்பெரும் அளவில் ஸ்பெக்ட்ரம் ஊழலிலேயே பங்குபெரும் அளவிற்கு நக்கீரனின் இணை ஆசிரியர் அ.காமராஜ் கருணாநிதி குடும்பத்தோடு நெருங்கியிருந்தார் என்பதும், அவரது வீடுகளில் சோதனையிடும் அளவிற்கு இது சென்றதென்பதும் ஊரறிந்து நாறிய உண்மை.

சிபிஐ விசாரணைக்கு அழைத்துச் செல்லப்படும் நக்கீரன் இணை ஆசிரியர் அ.காமராஜ்

(ஆதாரம்-இணைப்பு-1)

அந்த நக்கீரன் ஊடகங்களின் ஊழல்பற்றி நீட்டி முழங்குகிறது என்றால் அதற்கு என்ன யோக்யதை இருக்கிறது என்ற கேள்வி எழத்தானே செய்யும்.?

சரி.நக்கீரனின் யோக்கியதை இந்த லட்சணம் என்றால் அதில் இவ்வளவு விமர்சனம் எழுதிய மனுஷ்யபுத்திரனின் யோக்கியதையைப் பார்ப்போம்.

##

மனுஷ்யபுத்திரன் என்பவர் பேஸ்புக்கில் அனைவரும் விரும்பும் வண்ணம் தினசரி 4 ஸ்டேட்டஸ் போடுபவர் என்றோ,அனைத்து தொலைக்காட்சி நிகழ்ச்சிகளிலும் அரசியல்,கலை,இலக்கியம்,சமூகம் என அனைத்து பொருள்களிலும் உரையாடும் வல்லமை படைத்தவர் என்றோ அரசியல் 'ஆய்வாளர்' என்றோகுறுக்கிப் பார்க்க முடியாது.அடிப்படையில் அவர் உயிர்மை என்னும் மாதாந்திர பத்திரிகை மற்றும் பதிப்பகத்தின் உரிமையாளர் மற்றும் ஆசிரியர்.

ஆகவே அவரது நக்கீரனின் விமர்சனத்தை அவரது இதழில் வெளியான அவரது எழுத்துடன் பொருத்திப் பார்த்தால் தான் அவரது ;நேர்மை’யையும் ’நடுநிலையையும்’ நாம் அறிய முடியும்.

அதற்கு நாம் சமகாலத்திய மிகப்பிரமாண்டமான ஸ்பெக்ட்ரம் ஊழல் குறித்தும் அதில் மனுஷ்யபுத்திரனின் நண்பரான நாடாளுமன்ற உறுப்பினர் கனிமொழியின் பங்கு குறித்தும், மனுஷ்யபுத்திரன்என்ன எழுதியுள்ளார்  என்பதை உரசிப் பார்த்தால் முடிவு செய்யலாம்.

###

ஸ்பெக்ட்ரம் ஊழலில் தொடர்புடைய அதிகாரத் தரகர் நீரா ராடியா முன்னாள் தொலைத் தொடர்பு அமைச்சர் ஆ.ராசா,நாடாளுமன்ற உறுப்பினர் கனிமொழி ஆகியோருடன் நடத்திய உரையாடல் நவம்பர் 20,2010 இல் ஊடகங்களில் வெளிவந்தது.

அதை மனுஷ்யபுத்திரன் ஆசிரியராய்,முதலாளியாய்இருக்கும் உயிர்மை எப்படிக் கையாண்டது பார்ப்போமா?

உரையாடல் வெளியான பொழுது டிசம்பர் மாத இதழ் தயாரிக்கப்பட்டிருக்கும்.ஆகவே அதை விட்டுவிடுவோம்.
அதன்பின் வெளிவந்த ஜனவரி 2011 இதழில் நீரா ராடியா-கனிமொழி உரையாடல் குறித்த எந்தப் பதிவும் இல்லை.

சனவரி இதழுக்கு அடுத்து பிப்ரவரி 2011 மாத இதழில்,அதாவது உரையாடல் வெளிவந்து 2 மாதங்கள் கழித்து, நீரா ராடியா-டெல்லி அதிகார அரசியலின் தொடர்ச்சி என்னும் தலைப்பில் பாரதி மணி என்பவர் எழுதிய கட்டுரை. வெளிவந்துள்ளது.

நீரா ராடியாவின் தொலைபேசி உரையாடல் குறித்து எழுதப்பட்ட இந்த கட்டுரையைப்போல் ஒரு மகா மொன்னைத்தனமான,அயோக்கியத்தனமான ஒரு கட்டுரையை வேறு எந்த இதழிலும் எழுத முடியாது.

எப்படி என்றால் இந்தக்கட்டுரையில் நீராராடியாவுடன் உரையாடிய கனிமொழி குறித்து ஒருவரி விமர்சனம் கூட இல்லை.இவ்வளவு ஏன்?கனிமொழி என்னும் பெயரே ஒரு இடத்தில் கூட இல்லை என்றால் பார்த்துக் கொள்ளுங்களேன்.

அப்படி ஒரு புரட்சிகர கட்டுரை.(ஆதாரம்-இணைப்பு-2)

யாரொருவர் இந்த உரையாடலின் மையப்புள்ளியோ,யாரொருவர் இவ்வளவு பெரிய ஊழல் செய்த அமைச்சருக்கு வக்காலத்து வாங்கி அவருக்கு பதவியைப் பெற்றுத் தர பிரயாசைப்பட்டாரோ அவர் குறித்த விமர்சனமோ,பெயரோ இல்லாத கட்டுரையை உயிர்மை வெளியிடுகிறது.மிகப்பெரிய அரசியல் ஆய்வாளர் மனுஷ்யபுத்திரன் ஆசிரியராக இருந்து வெளிவரும் இதழில் எப்படி இது சாத்தியம்.?ஆனால் வந்திருக்கிறதே..?

ஊடகங்கள் சந்தேகத்திற்கிடமான பல கொடுக்கல் வாங்கல்களில் ஈடுபட்டிருக்கின்றன என்பதில் எந்த சந்தேகமும் இல்லை என்ற மனுஷ்யபுத்திரனின் நக்கீரனின் வரிகள்இங்குஇங்கு நினைவுக்கு வருகிரது..

##

அதைப்போல 2011 ஆம் ஆண்டு தொடக்கத்தில் ஜனவரி இதழில் மனுஷ்யபுத்திரன் சில எண்ணங்கள் என்னும் தலைப்பில் கடந்து சென்ற 2010 ஆம் வருடம் ஊழல் வருடம் எனக்குறிப்பிட்டு அது குறித்து மொன்னையாக ஒரு தலையங்கம் எழுதுகிறார்.முரசொலி ஆசிரியர் எழுதியது போல் இருக்கிறது.

எந்த அளவுக்கு அது மொன்னையாய் இருக்கிறது என்றால் 2010 ஆம் ஆண்டு ஊழல் ஆண்டு எனக் குறிப்பிட்டு விமர்சிக்கும் அத் தலையங்கத்தில் ஸ்பெக்ட்ரம் என்னும் வார்த்தை மறந்தும் வரவில்லை.அப்படி ஒரு மொன்னை.

எதை எழுதினால் யாருக்கு வலிக்கும்.அது எங்கு இடிக்கும் என்பது அரசியல் ஆய்வாளருக்குத் தெரியாததா என்ன..?

(ஆதாரம்-இணைப்பு-3)

##

கனிமொழி கைது செய்யப்பட்ட பொழுது ஒரு தலையங்கத்தை ஜூன்  2011,உயிர்மை இதழில் எழுதுகிறார் மனுஷ்யபுத்திரன். அதில் சில பகுதிகள்.இந்த தலையங்கத்தையும் ராபர்ட் வதேராவுக்கு நக்கீரனில் எழுதப்பட்டதையும்ஒப்பிட்டுப் பாருங்கள்.
(ஆதாரம்-இணைப்பு-4)

மனுஷ்யபுத்திரனின் நேர்மை பல்லிளிப்பதைப் புரிந்து கொள்ள முடியும்.

//
//கனிமொழியின் அரசியல் வாழ்வின் வளர்ச்சியும் வீழ்ச்சியும் ஒரு ஐந்தாண்டுக்குள் ஒரு முழுச் சுற்றுக்கு வந்துவிட்டது. இது மிகவும் அவலமானது. திராவிட இயக்க அரசியலில் ஒரு மாற்று அடையாளமாகவும் பெண்களின் நம்பிக்கைக் குரிய பிரதிநிதியாகவும் கருதப்பட்ட அவர் இவ்வளவு குறுகிய காலத்தில் இவ்வளவு பெரிய அவப்பெயரைத் தேடிக்கொள்வார் என்று யாரும் நினைத்திருக்க மாட்டார்கள்.//

ராஜாத்தி அம்மாளை  விட கனிமொழியை அதிகமாக எதிர்பார்த்து ஏமாந்து திராவிட இயக்கத்தின் அரசியல் வாரிசு இந்த ஊழலில் சிக்கிக்கொண்டது மிகப்பெரிய அவலம் என்று கண்ணீர் வடிக்கிறார் மனுஷ்யபுத்திரன்.

அத்தோடு அடங்கவில்லை அவரது ஆதங்கம்.

கனிமொழியை டெல்லிக்கு அனுப்பியதன் மூலம் தனது குடும்ப அரசியலில் இன்னொரு கடமையைப் பூர்த்தி செய்வதாகத்தான் கருணாநிதி நினைத்திருப்பார். ஆனால் கனிமொழி தனது தந்தையின் குடும்பங்களுக்கிடையே தனது குடும்பத்தின் இடத்தை மேலே கொண்டு வருவதற்கான கடும் மனச்சிக்கலைக் கொண்டிருந்தார். கருணாநிதியின் மூத்த குடும்பத்தின் அதிகார பலம், மாறன் குடும்பத்தின் பண, ஊடக பலம் இவற்றிற்கு சமமான ஒரு பலத்தை அவர் உடனடியாக அடைய விரும்பினார். தனது தந்தையின் வாழ்நாளுக்குப் பிறகு தான் வெகு சுலபமாக ஒதுக்கப்பட்டுவிடுவோம் என்கிற உள்ளுணர்வு அவருக்கு இருந்தது. அரசியலில் தனக்குக் கிடைத்த இந்த முதல் சந்தர்ப்பம்தான் தனக்கு இருக்கும் கடைசி சந்தர்ப்பமும் என்று அவருக்குத் தெரியும். //

இதிலிருந்து மனுஷ்யபுத்திரன் கனிமொழிக்கு வக்காலத்து வாங்க எந்த எல்லைக்கும் சென்றிருக்கிறார் என்பது புலனாகும்.

 கனிமொழியின் முறைகேட்டைக் கண்டிப்பதற்குப் பதில் அவர் ஏன் அந்த சூழ்நிலையில் இறங்கினார் என்று காரணம் தேடுகிறார்.என் இதை மனுஷ்யபுத்திரன் ராபர்ட் வதேராவுக்குப் பொருத்திப் பார்க்கவில்லை..?


ராகுல் காந்தியிடம் இருக்கும் கணக்கு வழக்கற்ற செல்வத்தைப் போல் செல்வத்தில் புரள வேண்டும் என்ற எண்ணம் நடுத்தரக் குடும்பத்தைச் சேர்ந்து புதுப்பணக்காரனான ராபர்ட் வதேராவிற்கும் ஆசை வந்தது.தனது மாமியார் இருக்கும் வரை தான் தனக்குச் செல்வாக்கு.ஆகவே அதற்குள் தனது எண்ணத்தை நிறைவேற்ற வேண்டும் என்ற மனச்சிக்கலில் சிக்கியிருந்தார் என்று எழுதவில்லை.

//கேபினட் அந்தஸ்திற்குக் குறைவான மந்திரிப் பதவி எதையும் அவர் ஏற்க மறுத்த போதே அழகிரியும் தயாநிதி மாறனுமே அவருடைய எல்லா பிரச்சினைகளுக்கு காரணம் என்பது வெளிப்படையாகத் தெரிந்தது. அவர் சம பலமற்ற ஒரு போட்டியில் துணிந்து இறங்கினார். ஆ.ராசா காட்டிய ஊழல் புதையல் யாரையும் மனப்பிறழ்வுக்கு ஆளாக்கக் கூடியது. அந்தப் புதையலுக்குப் பின்னே இருக்கும் பூதங்களைப் பற்றி யோசிக்கக் கூட அவகாசம் இல்லாதவராக கனிமொழி தனது சாகசத்தை தொடங்கினார்.//

ஆ.ராசா பேராசை காட்டிய பணப்புதையல் எப்படிப்பட்ட நேர்மையாளனையும் சிக்கவைக்கும் வல்லமை வாய்ந்தது.கனிமொழி அப்படித்தான் விழுந்தார் என்று எழுதுகிறார்.

இதே விஷயத்தை ராபர்ட் வதேராவுக்கு ஏன் மனுஷ்யபுத்திரன் பொருத்திப் பார்க்க வில்லை..?

நாட்டின் முதல் மனுஷியின் மருமகன் என்னும் அந்தஸ்து ஒருவரை எப்படிப்பட்ட செயலையும் செய்யச்சொல்லும்.ஆகவே ராபர்ட் வதேரா பின்னணியை யோசிக்காமல் காரியத்தில் இறங்கினார் என்று ஏன் சொல்லவில்லை..?

ராபர்ட் வதேரா முறைகேட்டில் மனுஷ்யபுத்திரன் வார்த்தைகளைக் கவனியுங்கள்.

எல்லாம் சட்டபூர்வமானதான இந்த விஷயத்திற்குப் பின் என்ன நடந்தது?அனுகூலங்கள் என்ன என்று அரசியல் ஆய்வாளர் மிகச்சரியாக கேள்வி எழுப்புகிறார்..?சட்டப்படி சரியாக இருக்கலாம்.ஆனால் பின்னணி என்ன..?
சட்டபூர்வமான நடைமுறைகொண்ட விஷயத்துக்கே இப்படி விமர்சனம் என்றால்,

கனிமொழியின் அப்பட்டமான ஊழலை மனுஷ்யபுத்திரன் கடுமையாக விமர்சித்திருப்பார் என்று ஆர்வமாகப் படித்தால் அ.ஆய்வாளர் அங்கு பம்மியிருக்கிறார்.

 //இந்தப் புதையலைக் கையாள்வதற்கான எந்தத் திறமையும் அவருக்கு இல்லை. ஊழல் பணத்தை இவ்வளவு வெளிப்படையாக வங்கிக் காசோலையாகப் பெற்றுக்கொண்ட ஒரே நபர் இந்தியாவில் கனிமொழியாகத்தான் இருப்பார்./ /

கனிமொழி 'திறமை' இல்லாததால் முட்டாள் தனமாக மாட்டிக் கொண்டாரே என்று பதைபதைக்கிறார்.சோக கீதம் பாடுகிறார்.படிப்பவர்கள் மனத்தில் கனிமொழி மீது பரிதாபத்தை எதிர்பார்க்கிறார்.ராபர்ட் வதேராவிற்கு எழுப்பியது போல் என்றால் எப்படிக் கேள்வி எழுப்பியிருக்க வேண்டும்?

காசோலையாகவே 200 கோடி ரூபாயை லஞ்சமாக வாங்கினார் என்றால் திரைமறைவில் எத்தனை ஆயிரம் கோடி ரூபாயை வாங்கியிருப்பார்.எவ்வளவு துணிச்சல்..?அவ்வாறு வாங்கிய பணம் எங்கு போய்ச் சேர்ந்தது..?யார் அதைப் பதுக்கியுள்ளார்கள்?என்றல்லவா எழுத வேண்டும்.

ஆனால் எழுதவில்லை.இது போக மேலும் கீழும் இரண்டு வரிகள் ஒப்புக்கு எழுதி தன் நடுநிலையை முடிந்த மட்டும் நிலை நிறுத்தப் பார்க்கிறார்.ஆனால் அரிதாரம் ஒட்டவில்லை.தனியாகப் பளிச்சென்று தெரிகிறது.

உயிர்மை நிகழ்ச்சி ஒன்றில் கனிமொழி

வதேராவுக்கு ஒரு நியாயம்..! கனிமொழிக்கு ஒரு நியாயமா..?
என்ன காரணமாக இருக்கும்?

ராபர்ட் வதேரா மனுஷ்யபுத்திரனுக்கு நண்பர் கிடையாது என்பது மட்டும்  காரணம் கிடையாது.அவரால் எந்த அனுகூலமும் கிடையாது என்பது தான் உண்மை.அனுகூலம் லைப்ரரி ஆர்டர் மட்டும் தான் என்று குறுக்கிப் பார்க்கவும் நாம் விரும்பவில்லை.

இதைப்போல இன்னொரு பதிவையும் காண நேரிட்டது.

//ஆ. ராசாவும் கனிமொழியும் இவ்வளவு முட்டாள்தனமாகவா ஊழல் செய்வார்கள் என்ற ஆச்சரியத்திற்கு நடுவில், மாறன் சகோதரர்கள் இவ்வளவு ஆணவத்துடனா ஊழல் செய்வார்கள் என்று நினைக்கத் தோன்றுகிறது.//

விரித்த வலையில் விழுந்த வேடர்கள், உயிர்மை ஜூலை-2011 மாயா என்பவர் எழுதிய கட்டுரை.

(ஆதாரம்-இணைப்பு-5)
##


இது தான் மனுஷ்யபுத்திரனின் நேர்மை,நடுநிலை.தனது நண்பரும் தனது வளர்ச்சியில் ’பங்கு’ கொண்டவரும் செய்யும் முறைகேட்டை அறியாமல் செய்து விட்டார் என்கிறார்.முடிந்த மட்டும் நேரடியாகவும்,முடியாவிட்டால் மறைமுகமாகவும் வக்காலத்து வாங்குகிறார்.

5000 காப்பி அச்சடிக்கும் சிற்றிதழுக்கு இப்படியென்றால் கார்பரேட் ஊடகங்கள் என்ன லட்சணத்தில் இருப்பார்கள்.அது தெரியாமல் விமர்சிக்கிறார்.

இலக்கிய சிற்றிதழ்களில் நடக்கும் கேவலமான அரசியல்,பிழைப்புவாதத்தைப் பார்த்தால் கார்பரேட் ஊடகங்கள் இவர்களிடம் பிச்சை எடுக்க வேண்டும்.


நக்கீரன் அ..காமராஜின் நிலைக்கு சற்றும் குறையாத நிலையில்  மனுஷ்யபுத்திரன்இருக்கிறார்.
இவர்கள் இருவரும் இணைந்து ஊழல் எதிர்ப்பையும் அதில் ஊடகங்களின் கண்டுகொள்ளாமையும் நட்டநடுநிலையாய் விமர்சிக்கிறார்கள்.முடியல.

சரியான ஜாடிக்கேத்த மூடிகள்.இருவரும் கைகோர்க்கும் ஊழல் எதிர்ப்பு நாடகத்தைக் கண்டு சிந்திக்கும் வாசகர்கள் வாய்விட்டுச் சிரிக்கிறார்கள்.

ஊழல் என்பது இன்று மாபெரும் கொள்ளை நோய். இந்தக் காலகட்டத்தில் ஊழலுக்கு எதிராகப் போராடுவது என்பது ஒருவர் தனக்கு எதிராகப் போராடுவதாகும். தன்னுடைய வெற்றிக்கும் புத்திசாலித்தனத்திற்கும் எதிராகப் போராடுவதாகும்.
-மனுஷ்யபுத்திரன்

(காமன்வெல்த் போட்டிகளில் நடைபெற்ற ஊழல் குறித்து மனுஷ்யபுத்திரன் தலையங்கத்தின் ஒரு பகுதி,செப்டம்பர் 2010 இதழில்)
(ஆதாரம்-இணைப்பு-6)

இதனை முதலில் நக்கீரன் காமராஜூம், உயிர்மை மனுஷ்யபுத்திரனும்  ஒருமுறைக்கு பலமுறை படிக்க வேண்டும்.படித்தால் மட்டும் போதாது அதன்படி நடக்கவேண்டும். அப்படி நடந்து கொள்வதும் கூட அவர்கள் தனக்கு எதிராகப் போராடுவதுதான். ஆனால் வாசகர்களின் அறியாமையை நம்பிப் பிழைக்கும் இவர்கள் அதற்கு எப்போதும் தயாராய் இருப்பதில்லை.


தொடர்புடைய இணைப்புக்கள்

1) http://www.hindustantimes.com/India-news/Chennai/2g-scam-probe-entangles-karunanidhi-family/Article1-638597.aspx

2) http://www.uyirmmai.com/ContentDetails.aspx?cid=4051

3) http://www.uyirmmai.com/ContentDetails.aspx?cid=3935

4) http://www.uyirmmai.com/ContentDetails.aspx?cid=4491


5) http://www.uyirmmai.com/ContentDetails.aspx?cid=4673

6) http://www.uyirmmai.com/ContentDetails.aspx?cid=3492